যাকোবআ, ঈশ্বৗর আরৗ ফৗরবু যীশু খ্রীষ্টনি দাস বারো জাতিনি1 ঈশ্বৗরনি গাছেন মানসিফ্রা জাইফ্রা বুহুমনি গাছেননাওবৗ ছেৎখাই ফেৎখায় জানান থানায়ফৗরখৌ গৗজৗন্নায় লাহৎদৗং2।
আনজাৎ আরৗ লোভ
আংনি বিদা ফংবায়ফৗর আরৗ বিবো বিনানাওফৗর, জেব্লা নৗংছৗরনিয়াও বাইদিসিনা আনজাৎফৗর ছফৈয়ৗ, অব্লা নৗংছৗরৗ বিরাঠ রংজাথারনাংগৌ, মৗনৗনা নৗংছৗরৗ মিথিগৌ যে নৗংছৗরনি ফৗথাইনায়নি আনজাৎ লাজানায়া নৗংছৗরনৗ নাংঠাবনান থানৗ বৗলৗ হৗয়ৗ। নাংঠাবনান থানায় খামানিখৌ ফৗজৗবনৗ হৗ, অব্লাছৗ নৗংছৗরৗ গৗরৗং গৗরা, আরৗ ফুরা জানায়, জেনিবৗ অভাব জানায় অৗঙা। যদি নৗংছৗরনি গেজেরাও ছৗরনিবা জ্ঞাননি অভাব জায়ৗব্লা, বিয়ৗ ঈশ্বৗরনিয়াও বিথৗং, জাইয়া দায় হোমামাৎনিন উদার গৗসৗয়ৈ বয়নৗবৗ হৗয়ৗ, আরৗ নৗংছৗরনৗবৗ হৗয়া জানায়। নাথায় নৗঙৗ জেব্লা ফৗথাইনায়জৗং বিয়ৗ, অব্লা নৗঙৗ মুংবৗ গৗনৗ গৗথৗ খৗলামালাবানৗ ফৗথাইথারনাংনায়; মৗনৗনা জাইয়া গৗনৗ গৗথৗ খৗলামৗ, বিয়ৗ সাগৗর ঢেউ বাদি, বারনি বুনায়জৗং বুসাৎলাংজায়ৗ। বি মানসিয়া ফৗরবুনিফ্রায় মাবাফৗর মৗন্নৗ আশা দাখৗলামথৗং। বিবাদি মানসিনে গৗসৗয়া ফাৎনৈ, আরৗ বিছৗরনি গাছেন মাওনাইয়াও গৗমগৗমৈ থায়া।
হাওরিয়া আরৗ ধৗনি
হাওরিয়া বিশ্বাসিফৗরখৌ জেব্লা ঈশ্বৗরা ফৗজৌয়ৗ, অব্লা বিয়ৗ রংজানাগৌ। নাথায় ধৗনিয়া জেব্লা ফাহায়জায়ৗ, বিছৗরনি অপমাননি থাখৈ রংজাথৗং, মানৗনা বিছৗরৗ হাগ্রানি বিবার বাদি রহায়লাঙৗ3। মানৗনা সাননা অৗংখাৎবৗয়ৗ আরৗ দুংখ্রাওনানৈ বিংফাংফৗরখৌ খামস্রেমহৗয়ৗ, বিবারনি বারনায়য়া সিরিয়ৗ; আরৗ সমাইনাইয়া জৗবলাঙৗ। বেবাদিনৗ জেব্লা ধৗনিফ্রা গাওছৗরনি বায়নায় ফাননায়াওনৗ4 রহায়লাঙৗ।
আনজাৎ লাজানায়
ধন্য জাইয়া আনজাৎ লাজানায়াও ফৗথাইনানৈ গছংথানান থায়ৗ, বিয়ৗ জেব্লা বি আনজাদখৌ বাৎগোনায়, বি মানসিয়া গৗঠাংনি মুকুটখৌ মৗননায়, ফৗরবুআ জবান হৗখাদৗং জাইয়া বিখৌ অন্নৗ। জেব্লা আনজাৎ ছফৈয়ৗ, রাওবৗ দাবুংথৗং ঈশ্বৗরা আংখৌ আনজাৎ লাদৗং হৗন্নানৈ। মানৗনা ঈশ্বৗরা মাব্লাবাবৗ গাজ্রিজৗং আনজাৎ লাজায়া, আরৗ বিয়ৗ রাওখৌবৗ গাজ্রি মাওনৗ আনজাৎলায়া। নাথায় সাফ্রৗমবৗ মানসিয়া গাও গাওনি গাজ্রি লুবৈনায়জৗং আনজাৎনাও বৗলাঙৗ আরৗ বুরখাইজায়ৗ। লুবৈনাইয়া গৗর্বৗয়াও উজিয়ৗ, উজিনায়নি উনাও পাপখৌ জৗনৗম হৗয়ৗ, আরৗ পাপমা জেব্লা ফুরা বারায়লাঙৗ অব্লা থৈনায়খৌ জৗনৗম হৗয়ৗ।
আংনি অনজাগ্রা বিদা ফংবায় আরৗ বিবো বিনানাওফৗর, নৗংছৗরৗ দাছৗলৈজা। মৗনফ্রৗমবৗ মৗজাং আরৗ সাবসিন দাননা ঈশ্বৗরনিফ্রায় ফৈয়ৗ; জাইয়া স্বৗর্গৗনি স্রাংখৌ সৗরর্জিদৗং, জাইয়া সাইখং বাদি দাবছেনিফ্রায় দাবছে সৗলাইয়া। নংগৌনি বাক্যজৗং বিয়ৗ জৗংখৌ জৗনৗম হৗনৗ সাইখদৗং, যেন জৗং বিনি সৗরজিজানায়ফৗরনি গেজেরাও গিবি বিথাই জানৗ হায়ৗ।
খৗনাছংনানৈ মাওনায়
আংনি দাম গৗছা বিদা ফংবায় আরৗ বিবো বিনানাওফৗর, গৗসৗয়াও লা, সাফ্রৗমবৗ গৗখ্রৈনৗ খৗনাছংথারনাংগৌ, বুংনায়াও গেনাও জা, আরৗ রাগজৗংনাইয়াওবৗ গেনাও জা। মৗনৗনা মানসিনি রাগজৗংনাইয়া ঈশ্বৗরনি লুবৈনায় ধৗরৗমসুলাখৌ উজিহৗয়া। বিনিখাইনৗ, মৗনফ্রৗমবৗ লেথ্রা আরৗ গাজ্রি আখলফৗরখৌ জেরাওবৗ গৗসাৎনায়খৌ গারনানৈ গুরৈ গৗসৗজৗং ঈশ্বৗরনি গায়সননায় বাক্যখৌ নাজাও, জেয়া নৗছৗরখৌ বাছাইনায়।
নৗংছৗরৗ খৗথা খৗনাছংগ্রা বান দাজা, আরৗ গাও গাওখৌ দাছৗলৈজা। নাথায় বে বুংনায় বাদি মাও। ছৗরবায়া খৗথাখৌ খৗনাছংগ্রা বান জানানৈ খৗথা বাদি মাওয়াব্লা, বিয়ৗ আয়নায়াও গাওনি মৗখাংখৌ নাইনায় সাছে মানসি বাদি বান; আরৗ, উনাও বিয়ৗ গাওনি মৗখাংখৌ নাইনান থাঙৗ, নাথায় গাওখৌ মা বাদি নুদৗং মৗন, বেখৌ গৗখ্রৈনৗ বাওয়ৗ। নাথায় জাইয়া স্বাধীনতা হৗগ্রা খাট্টি আইনখৌ মৗজাঙৈ জেব্লাইবৗ নাইয়ৗ, আরৗ বিয়াও গৗসৗ হৗয়ৗ, বিয়ৗ বাওয়াজাছে জেব্লাইবৗ খৗনানায় বাদি মাওয়ৗ, নাথায় বিছৗরৗ মাওনায়মানিয়াওনৗ ঈশ্বৗরনিফ্রায় বৗর মৗননায়।
জাইফ্রা গাওখৌ ধার্মিক হৗন্নানৈ গৗসৗয়াও সান্নান লায়ৗ, নাথায় বিছৗরৗ গাওছৗরনি ছালাইখৌ হমথায়াব্লা, বিছৗরৗ গাওখৌনৗ ঠগাইয়ৗ, আরৗ বিছৗরনি ধৗরৗম ফালিনাইয়া দাম গৗয়ি। মাওরিয়াফৗর আরৗ রান্ডিফৗরখৌ দুঃখনি সমাও জৗথৗনলানায়া আরৗ সংসারনি অন্যায়নিফ্রায় গাও গাওখৌ গৗজানাও দৗননায়ানৗ বিফা ঈশ্বৗরনি সিগাঙাও পরিষ্কার আরৗ গৗরৗন্ঠি গৈয়া ধৗরৗমা।
Source notes (4)
- Footnote যাকোবআ ঈশ্বৗরনি গাছেন মানসিফৗরনি জানানৈ খৗলামনৗ থাখৈ বারো জাতি ইহুদি মানসিফৗরখৌ বাহাইদৗং।
- Cross-reference মথি 13:55; মার্ক 6:3; গালাতীয় 1:19
- Cross-reference যিশাইয় 40:6
- Cross-reference যিশাইয় 40:7
Mech. Copyright © The Seed Company. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.