বিমা-বিফা আরৗ বিসাফৗর
বিসাফৗর, নৗংছৗরৗ ফৗরবুনিয়াও গাওছৗরনি বিমা বিফানি খৗথাখৌ মানিনাগৌ, মানৗনা বেনৗ ঠিক।1 “নৗংছৗরৗ বিফাখৌ আরৗ বিমাখৌ মান হৗ” বেনৗ জবান হৗনায়নি প্রথম আদেশ “অব্লা নৗংছৗরনিয়াও গাহাম জানায়, আরৗ নৗঙৗ সংসারাও গৗবাও জীবন জৗরনায়জৗং রংজানায়।” বিফাফৗর, নৗংছৗরৗ গাওনি বিসাফৗরখৌ রাগ দাফৗজৗং, বিনি বদলৈ, ফৗরৗংনাইয়াও বিছৗরখৌ দৈদেন আরৗ ফৗরবুনিয়াও ফৗরৗং2।
দাস আরৗ মালিক
গলামফৗর, নৗংছৗরৗ জৗরৈ খ্রীষ্টখৌ মানিয়ৗ বেবাদিনৗ সংসারনি মালিকফৗরখৌ মান হৗনায়জৗং আরৗ গিনায়জৗং, আরৗ নংগুবৈগৌ গৗসৗজৗং মানি। মালিক জৗং হামজাজানায় বাদি মালিকনি মৗখাঙাও বান নৗংছৗরৗ মানিগ্রা দাজা; নাথায় জৗরৈ খ্রীষ্টনি গলামফৗর, ঈশ্বৗরনি গৗসৗ বাদি নৗংছৗরৗ গাছৈ মাওদৗ। ফুরা গৗসৗজৗং সেবা খৗলাম, নৗংছৗরৗ মানসিনি সেবা খৗলামাখৈ, নাথায় ফৗরবুনিছৗ সেবা খৗলামদৗং। মানৗনা নৗংছৗরৗ মিথিগৌ যে জাইখিয়া জায়ামানৗ গলাম কিন্বা স্বাধীন ফৗরবুআ মৗজাং হাবা মাওনায়নি থাখৈ সাফ্রৗমনৗবৗ মৗননাংগৌ বাদি বানথা ফৗরবুআ হৗনায়।
আরৗ মালিকফৗর, নৗংছৗরৗ বেবাদিনৗ গাও গাওনি গলামফৗরনি ছায়াও বাহায়দৗ, গলামফৗরখৌ দাসিগি, মানৗনা নৗংছৗরৗ গৗসৗখাং, নৗংছৗরনি আরৗ গলামফৗরনি, বয়নিবৗ মালিকআ স্বৗর্গৗয়াও থানায় ঈশ্বৗরানৗ, জাইয়া সাইখয়াজাছে বয়খৌবৗ বিচার 3খৗলামৗ।
ঈশ্বৗরনি অস্ত্রশস্ত্রফৗর
জৗবনায়নি খৗথায়া বেনৗ, নৗংছৗরৗ ফৗরবুনিয়াও আরৗ বিনি গৗহৗ গৗনাং বৗলৗয়াও বৗলৗগ্রা জা। যুদ্ধনি থাখৈ ঈশ্বৗরা নৗংছৗরনৗ হৗনায় গাছৈন অস্ত্রশস্ত্রফৗরখৌ গান, অব্লানৗ শয়তাননি ঠগায়নায়নি বিরুদ্ধনাও নৗছৗরৗ গছংফথানৗ হানায়। মানৗনা জৗংনি জুজিনাইয়া মানসিনি থৈনি বিরুদ্ধ দাওহা অৗঙা, নাথায় শাসনগিরিফৗর, একথিয়ার গৗনাংফৗর আরৗ খৗমসি সংসারখৌ শাসন খৗলামগ্রা আরৗ স্বৗর্গৗ রাইজৗয়াও গাজ্রি জিউফৗরনি বিরুদ্ধনাওছৗ দাওহা নাঙৗ। বিনিখাইনৗ দা নৗংছৗরৗ ঈশ্বৗরনি হৗনায় যুদ্ধনি ফুরা অস্ত্রশস্ত্রফৗরখৌ গান, যেন গাজ্রিনি দিননা জেব্লা ফৈনায়, অব্লা নৗংছৗরৗ নৗংছৗরনি জায়গাও গছংফথানৗ হানায়, আরৗ গাছেন মাওখাংনায়নি উনাওবৗ গছংফথানৗ হানায়। গৗমগৗমৈ গছংদৗ, বিনিখাইনৗ সত্য ঈশ্বৗররা ফিটি বাদিছৗ গাওনি জান্জিনি সৗরগিদিং খাছৗনানৈ দং আরৗ ধৗরৗমিয়ানি বিখা ফাংথেগ্রা খবসখৌ জেরবায়াও4 গান্নানৈ, আরৗ নৗংছৗরনি আঠেঙাও শান্তিনি মৗজাং খবরনিফ্রায় ফৈনায় ঠাম ঠিম জানানৈ দং5। বেফৗরজৗং লৗগৗছে ফৗথাইনায়নি ঢালখৌ লা; বি ঢালজৗংনৗ নৗংছৗরৗ শয়তাননি গাজ্রি জৗংব্লাওনায় থিরফৗরখৌ খৗমৗৎনৗ হানায়। আরৗ ঈশ্বৗরনি হৗনায় উদ্ধারনি সৗরনি টুপিখৌ গানদৗ, আরৗ জিউনি থুংগ্রীখৌ লাদৗ, জেয়া ঈশ্বৗরনি সৗদৗব6।
আরৗ গাছেন রকমনি প্রার্থনা আরৗ খাওলাইনায় জিউয়াও গাছেন সমাও প্রার্থনা খৗলাম। বেখৌ গৗসৗয়াও দৗন্নানৈ, সাবৗদান জা, আরৗ জেব্লাইবৗ গাছেন ঈশ্বৗরনি মানসিফৗরনি থাখৈ প্রার্থনা খৗলামফ্লাই। আংনি জুনৈবৗ প্রার্থনা খৗলাম, জেব্লা আং বুঙৗ, অব্লা ঈশ্বৗরা আং বুংনাংগৌ সৗদৗবফৗরখৌ আংনৗ হৗনায় বাদি, যেন আঙৗ গিয়ামাৎনিন বুংনৗ আরৗ মৗজাং খবরনি সানখৗমানায়খৌ মানসিফৗরনৗ মিথিহৗনৗ হানায়। মানৗনা আঙৗ জৗবথেসালিয়াও জিনজ্রিয়াওব্লাবৗ আং সাছে মৗজাং খবরনি দুত, বিনিখাই আঙৗ জেরৈ বুংনাংগৌ বেবাদি গিয়ামাৎনিন বুংনৗ হানায় বাদি আংনি থাখৈ প্রার্থনা খৗলাম।
জৗবনায়নি গৗজৗন্নায় লাহৎনায়
আঙৗ মাব্রৈ দং আরৗ আং মা মাওদৗং, বেখৌ জৗংনি অনজাগ্রা ফংবায়, ফৗরবুনি খামানিয়াও ফৗথাইজাগ্রা দাস তুখিকুসনিফ্রায় নৗংছৗর গাছেনখৌবৗ মিথিজৗবনায়। জৗংনি বাথ্রা নৗংছৗরনৗ মিথিহৗনৗ আরৗ নৗংছৗরখৌ গৗসৗ দুংখাংহৗনৗ থাখৈনৗ আঙৗ বিখৌ নৗংছৗরনিয়াও বে উদ্দেশ্যনি থাখৈ থৗনহৎদৗং।
জৗংনি বিফা ঈশ্বৗর আরৗ ফৗরবু যীশু খ্রীষ্টআ গাছেন খ্রীষ্টিয়ান বিদা-ফংবায় আরৗ বিবো-বিনানাওফৗরনৗ শান্তি আরৗ ফৗথাইনায়জৗং লৗগৗছে অন্নায়খৌ হৗথৗং। জৗংনি ফৗরবু যীশু খ্রীষ্টনি ছায়াও জাইফৗরহা গৗগৗমৈ অন্নায় দং, বিছৗর বয়জৗংবৗ ঈশ্বৗরনি অনুগ্রহয়া থাথৗং।
Source notes (6)
- Cross-reference কলসীয় 3:20
- Cross-reference কলসীয় 3:21
- Cross-reference হূদা বিজাব 10:17
- Cross-reference যিশাইয় 11:5
- Cross-reference যিশাইয় 52:7
- Cross-reference যিশাইয় 59:17
Mech. Copyright © The Seed Company. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.