Mech
ইফিষীয় 5
স্রাংয়াও থাবায়নায়
মানৗনা নৗংছৗরৗ ঈশ্বৗরনি অনজাগ্রা বিসাফৗর জানায়খায়, জৗং ঈশ্বৗর বাদি জানৗ হাস্থায়থারনাংনায়। খ্রীষ্টআ জেরৈ জৗংখৌ অনবায় আরৗ জৗংনি থাখৈ ঈশ্বৗরখৌ খুশি খৗলামনৗ মৗদৗমনায়নি বলি বাওনায়নি সমান গাওনি জিউখৌ বলি হৗবায়, বেবাদিনৗ নৗংছৗরবৗ অন্নায়নি লামাও থাবায়দৗ।
নাথায় নৗংছৗরনি গেজেরাও জিনাহারি খৗলামনায়, কিন্বা ছৗরবা গৗবাং রকমনি গৗথারগৗয়ি অবস্থা, কিন্বা লোভ, মানৗনা বেফৗর বাদিয়া ঈশ্বৗরনি মানসিফৗরনি থাখৈ ঠিক অৗঙা। লাজিথাও খৗথা কিন্বা মূর্খ খৗথা কিন্বা গাজ্রি জংখাইনায়নি খৗথাফৗর নৗংছৗরৗ বাহায়নৗ নাঙা, মানৗনা বেফৗরবাদি খৗথাখৌ বুংনৗ নৗংছৗরৗ সমাইয়া। বেফৗরবাদি খৗথাখৌ বাহায়ামাৎনিন বরং ঈশ্বৗরখৌছৗ ধন্যবাদ হৗ। মানৗনা নৗংছৗর নংথারগৌয়ৈ মিথিগৌ, জাইফ্রা জিনাহারি খৗলামৗ, গৗথারগৗয়ি, কিন্বা লুবৈসুলা মানসি, বেবাদি মানসিয়া মূর্তিপুজিগ্রা, রাওবৗ খ্রীষ্টনি আরৗ ঈশ্বৗরনি রাইজৗয়াও বাহাগৗ মৗন্না। জেবৗ অৗঙি খৗথাফৗরজৗং নৗংছৗরনি রাওবৗ দাঠগায়জাথৗং; মানৗনা বেফৗরবাদি জিনিসজৗং মানিয়িফৗরনি ছায়াও ঈশ্বৗরনি রাগয়া ফৈয়ৗ। বিনিখাইনৗ, বেবাদি মানসিফৗরজৗং নৗংছৗরৗ লৗগৗ দালা।
মানৗনা নৗংছৗরৗ সানছেনি সমাও খৗমসিয়াও দংমৗন, নাথায় দা নৗংছৗরৗ ফৗরবুনিয়াও খৌছে জানান স্রাং জাবায়, স্রাংনি বিসাফৗরবাদি থাদৗ, মানৗনা স্রাঙা গাছেন গাহামনি, ধৗরৗমিয়া আরৗ নংগৌনি বিথাই। আরৗ ফৗরবুআ মাখৌ হামজায়ৗ বেখৌ নাগিৎ। খৗমসিনি বিথাই থাইরৗঙি হাবাফৗরজৗং মাওফানাগৌ জেবৗ গৈয়া, বরং বিছৗরখৌ দিন্ঠি। মানিয়িফৗরনি মাওখমানায়ফৗরখৌ এমন কি মুংখনৗবৗ লাজিথাও বাথ্রা। নাথায় স্রাজৗং দিন্ঠিজানাইয়া গাছেনবৗ নুজায়ৗ। মানৗনা স্রাঙা গাছেনখৌবৗ নুজাহৗয়ৗ। বিনিখাইনৗ খৗথাও বুংনায় দং, “ও উন্ডলাংনায়, সিরি মৗন্দৗ, আরৗ থৗনায়নিফ্রায় ঠাংখাংফিন্দৗ, খ্রীষ্টআ নৗংছৗরনি ছায়াও স্রাং হৗনায়।” বিনিখাইনৗ নৗংছৗরৗ মাব্রৈ থায়ৗ, সাবৗদান জাদৗ, অজ্ঞিয়ান মানসিফৗর বাদি অৗঙা নাথায় জ্ঞানী মানসিফৗর বাদি। জেছে মৗনফ্রৗমবৗ সুযোগ মৗননৗ, এছে নৗংছৗরৗ মৗজাংখৌ মাওদৗ। মানৗনা বৗথৗরা গাজ্রি1। সান্নৗ রৗঙিফৗর বাদি দাজা, নাথায় ফৗরবুনি ইছ্ছা মা বিখৌ বুজিদৗ। দ্রাক্ষা বিদৈজৗং দাফে, জেয়া নৗংছৗরখৌ গাজ্রিঠিঙৈ দৈদেনৗ, বেনি বদলৈ, গৗথার জিউজৗং সুফুংজা। নৗংছৗরৗ গীতফৗর, বাখ্নাইনায়নি প্রার্থনা মৗথাইফৗর আরৗ জিউনি মৗথাইফৗরনি বাথ্রাফৗরখৌসৗ নৗংছৗরনি গেজেরাও রাইজ্লাই; নৗংছৗরনি গৗসৗয়াও রৗজাবনানৈ ফৗরবুখৌ বাখ্নাই, মৗনফ্রৗমনি থাখৈ ফৗরবু যীশু খ্রীষ্টনি মুঙৈ বিফা ঈশ্বৗরখৌ জেব্লাইবৗ ধন্যবাদ হৗ।
হৌয়া-হিন্জাওনি খৗথা
খ্রীষ্টখৌ মান হৗনৗ থাখৈ নৗংছৗরৗ গাওজৗং গাও গথায়জ্লাই।
হিন্জাওফৗর, নৗংছৗরৗ জৗরৈ ফৗরবুনৗ গথাইয়ৗ, বেবাদিনৗ গাও গাওনি হৌয়াফৗরনিয়াও গথাই2। মানৗনা খ্রীষ্টআ জেরৈ মন্ডলীনি খর', বেবাদি হৌয়ায়াবৗ হিন্জাওনি খর', আরৗ খ্রীষ্টআ গাওনি দেহা মণ্ডলীনি বাছাইগিরি। দা জৗরৈ মন্ডলীয়া খ্রীষ্টনিয়াও গথাইয়ৗ বেবাদিনৗ হিন্জাওফ্রাবৗ গাওছৗরনি হৌয়াফৗরনিয়াও মৗনফ্রৗমাওবৗ গথাইনৗ নাংথারগৌ।
হৌয়াফ্রা, গাওনি হিন্জাওফৗরখৌ অনদৗ জেরৈ খ্রীষ্টআ মন্ডলীখৌ অনদৗং। বিয়ৗ বিনি থাখৈ গাওনি জিউখৌ হৗবায়3। বিখৌ গৗথার খৗলামনৗ, বাথ্রানি গেজেরজৗং ফৗথারনৗ দৈজৗং ছুস্রাংবায়। আরৗ বিখৌ মৗনছে স্রাং মন্ডলী বাদি গাওখৌনৗ দিন্ঠিনৗ, দাগ গৈয়ি কিন্বা থনথ্রনায় কিন্বা গুবুন দোষ, নাথায় গৗথার আরৗ দোষ গৈয়ি। বেবাদিনৗ, হৌয়াফ্রা গাওছৗরনি হিন্জাওফৗরখৌ অন্নাগৌ জেরৈ গাওছৗরনি দেহাফৗরখৌ অন্নৗ। জাইয়া গাওনি হিন্জাওখৌ অন্নৗ, বিয়ৗ গাওখৌনৗ অন্নৗ। বয়বৗ গাও গাওনি দেহাখৌ মুগৈয়া-লাবানৗ জেরৈ জাহৗয়ৗ আরৗ খেয়াল লায়ৗ, বেবাদিনৗ খ্রীষ্টআবৗ মন্ডলীখৌ খেয়াল লায়ৗ। মানৗনা জৗঙৗ বিনি দেহানি অঙ্গফৗর। শাস্ত্রয়াও লিৎনায় দং, “বিনিখাইনৗ মানসিয়া বিমা-বিফাখৌ নাগারনানৈ গাওনি হিন্জাওজৗং লৗগৗছে থায়ৗ, আরৗ বিছৗর সানৈজৗং মৗদৗমাও সাছে জায়ৗ4।” বে শাস্ত্রয়াও মৗনছে গেদেৎ সানখৗমানায় বাথ্রা দং, নংথারগৌয়ৈ খ্রীষ্ট আরৗ মন্ডলীনি বাথ্রাখৌনৗ বেয়াও বুংদৗং। জাইখিয়া জায়ামানৗ, নৗংছৗর সাফ্রৗমবৗ হৌয়াফ্রা গাওনি হিন্জাওখৌ গাওখৌ বাদি অন্নৗ নাংথারগৌ, আরৗ সাফ্রৗমবৗ হিন্জাওফ্রা গাও গাওনি বিসায়খৌ মান হৗথারনাংগৌ।
Source notes (4)
- Cross-reference কলসীয় 4:5
- Cross-reference কলসীয় 3:18
- Cross-reference কলসীয় 3:19
- Cross-reference জাগাইজেন্নায় 2:24
Mech. Copyright © The Seed Company. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.