Mech
প্রেরিত 14
ইকনিয় নৗগৗরাও
ইকনিয়াওবৗ বেবাদিনৗ জাবায়, পৌল আরৗ বার্ণবাসআ যিহূদীফৗরনি সিবিগ্রা ন্ব'য়াও থাংনানৈ এরৈ বাদি প্রচার খৗলামবায় যে, যিহূদী আরৗ গুবুনহারিফৗরনি গৗবাঙানৗ ফৗথাইবায়। নাথায় ফৗথাইনৗ অস্বীকার খৗলামনায় যিহূদীফ্রা গুবুন গুবুনহারিফৗরখৌ তুলুংগাহৗনানৈ আরৗ বিছৗরনি গৗসৗয়াও বিষ ছৗনান বিশ্বাসিফৗরনি বিরুদ্ধ খৗলামবায়। পৌল আরৗ বার্ণবাসআ বি নৗগৗরাও গৗবাও দিনফৗর থানানৈ ফৗরবুনি থাখৈ সাহসজৗং খৗথাবায়দৗং, আরৗ ফৗরবুআ বিছৗরনৗ চিহ্নফৗর আরৗ সৗমৗ গৗনাং হাবাফৗর মাওনৗ বৗলৗ হৗন্নানৈ বিছৗর খৗথাবাইনায় অনুগ্রহনি বাথ্রাখৌ নৗংথারগৌ হৗন্নানৈ সাক্ষী হৗদৗং। অব্লা বে নৗগৗরনি মানসিফ্রা খাওনৈ জাদৗং, খাইছেয়া যিহূদীফৗরজৗং আরৗ গুবুন খাইছেফ্রা প্রেরিতফৗরজৗং। অব্লা গুবুনহারিফৗর আরৗ যিহূদীফৗর দল মৗনৈজৗং, লৗগৗছে গাওছৗরনি দৈদেনগ্রাফৗরজৗং, পৌল আরৗ বার্ণবাসজৗং গাজ্রি ব্যবহার খৗলামনৗ আরৗ অন্ঠাইজৗং খুবৈথাৎনৗ সানজ্লাইদৗং। নাথায় বেখৌ মিথিনানৈ পৌল আরৗ বার্ণাবাসআ লুকায়নিয়া হ্বাৎনি লুস্ত্রা আরৗ দর্বী নৗগৗরাও আরৗ বিনি সৗরগিদিং জায়গাও খাৎখৗমালাংবায়। বেফৗরাও মৗজাং খবরখৌ খৗথাবাইদৗং।
লুস্ত্রা আরৗ দর্বী নৗগৗরাও
লুস্ত্রা নৗগৗরনি সাছে লেংগ্রা মানসি জিরাইনান থায়ৗমৗন। বিয়ৗ সারিজানায়নিফ্রায়নৗ লেংগ্রামৗন আরৗ মাব্লাবাবৗ বিয়ৗ থাবাইনৗ হায়ামৗন। বিয়ৗ পৌলনি বুংনায়ফৗরখৌ খৗনাছংবায় থাদৗংমৗন। পৌলআ বিনি মৗখাংখৌ নাইনানৈ বুজিনৗহাবায়, যে ছৗখাজানানৈ বাছাইনৗ হানায়নি ফৗথাইনায় দং। পৌলআ গৗব্রাবমৈ হৗনবায়, “নৗঙৗ গাওনি আঠেংফৗরজৗং গছং!” আরৗ বি সমাওনৗ মানসিআ বাজ্লনানৈ থাবায়নৗ হমবায়। মানসিফৗরা পৌলনি মাওনায়খৌ নুনানৈ লুকায়নীয় রাওজৗং গাবজ্রিনানৈ হৗনদৗং, “ঈশ্বৗরফ্রানৗ মানসিফৗর বাদি জানানৈ জৗংনিয়াও অৗংখাৎফৈবায়।” আরৗ বিছৗরৗ বার্ণবাসখৌ বিছৗরনি মৗদাইফৗরনি নাম জেউস আরৗ পৌলখৌ গুবুন সাছে মৗদাইফৗরনি হের্মেস নাম হৗবায়;1 মানৗনা বিয়ৗ গাহায় বক্তা মৗন। নৗগৗরনি বাইরা খাঠিয়াওনৗ জেউস যাজকনি মন্দির দংমৗন। মন্দিরনি যাজকআ মৗসৌ হালুয়াফৗর আরৗ বিবারনি মালাফৗর লাবৗনানৈ নৗগৗরনি গেট খাঠিয়াও থাংদৗং, মানৗনা বি যাজক আরৗ হান্জায়া পৌল আরৗ বার্ণাবাসনৗ মান হৗনৗ থাখৈ বলি বাওনৗ হাস্থায়দৗং মৗন। নাথায় জেব্লা প্রেরিত বার্ণাবাস আরৗ প্রেরিত পৌলআ বেখৌ খৗনানানৈ গাওছৗরনি হামজায়িখৌ দিন্ঠিনৗ গাও গাওনি সি'ফৗরখৌ বিছিনানৈ মানসিফৗরনি গেজেরাও খাৎলাংনানৈ গাবজ্রিনানৈ হৗন্দৗং: “লৗগৗফৗর, নৗংছৗরৗ মানৗ বেখৌ মাওনৗ হাস্থায়দৗং? জৗঙৗ নৗংছৗর বাদি মানসিফৗরছৗ, জৗঙৗ নৗংছৗরনি জুনৈ মৗজাং খবর লাবৗদৗং যে নৗংছৗরৗ বেফৗরবাদি খামানিয়াও নাংজায়িফৗরখৌ নাগারনান গৗঠাং ঈশ্বৗরনেও ফৈথৗং, জাইয়া স্বৗর্গৗখৌ, বুহুমখৌ, লৈথৗখৌ, আরৗ বেফৗর গাছেনবৗ সৗরজিদৗং। বি ফিরিয়াও গাছেন জাতিখৌ গাও গাওনি গৗসৗ বাদি থাবায়নৗ হৗদৗং, অব্লাবৗ বিয়ৗ মৗজাং খামানিফৗরখৌ নৗংছৗরনি থাখৈ মাওনানৈ গাওখৌ দং হৗন্নানৈ নৗংছৗরনৗ প্রমাণ হৗবৗদৗং: বিয়ৗ নখ্রাংনিফ্রায় অখা হাহৗদৗং আরৗ সম বাদি আবাদফৗর মৗনহৗদৗং; বিয়ৗ জানায় লৗংনায় মৗঙাফৗর হৗনানৈ নৗংছৗরনি গৗসৗখৌ খুশি জাহৗদৗং।” বেফৗরবাদি বুংনায়নি উনাও গাওছৗরনি থাখৈ বলি হৗনৗ হাস্থাইনায় মানসিফৗরখৌ গৗব্রাব কষ্টজৗং বিছৗরখৌ হৗমথানৗ হাদৗং। উনাও আন্তিয়খিয়া আরৗ ইকনিয়ানিফ্রায় যিহূদীফ্রা ফৈনানৈ পৌলনি বিরুদ্ধনাও মানসিফৗরখৌ থুলুংগাহৗদৗং।2 অব্লা মানসিফ্রা পৌলখৌ অন্ঠাইজৗং খুবৈদৗং আরৗ বিখৌ থৈবায় সাননানৈ নৗগৗরনি বাইরাও বুদ্রুনানৈ লাংদৗং। নাথায় উনাও ছেলাফ্রা বিনি সৗরগিদিং জ'জাদৗং, অব্লা বিয়ৗ জিখাংনানৈ নৗগৗরাও থাংফিনদৗং। আরৗ নখা নায়ৈ বি আরৗ বার্ণাবাস, সানৈজৗং দর্বী নৗগৗরাও অৗংখাৎলাংদৗং।
সুরিয়ানি আন্তিয়খিয়াও থাংফিন্নায়
দর্বী নৗগৗরাও মৗজাং খবরখৌ প্রচার খৗলামনানৈ পৌল আরৗ বার্ণাবাসআ গৗবাং মানসিফৗরখৌ ছেলা খৗলামদৗং। বিনি উনাও বিছৗরৗ লুস্ত্রা, ইকনিয়া আরৗ পিষিদিয়া হাদৎনি আন্তিয়খিয়াও থাংফিনদৗং। আরৗ বিছৗরৗ ছেলাফৗরনি গৗসৗখৌ গৗমগৗমৈ ফৗথাইনায়াও থাফ্লাইনৗ সাহস হৗনানৈ বিছৗরৗ বেবাদি উৎসাহ হৗদৗং। “জৗংনে ঈশ্বৗরনি রাইজৗয়াও হাবনৗ গৗবাং দুঃখ কষ্টনি গেজেরজৗং থাংনাংনায়।” পৌল আরৗ বার্ণাবাসআ গংফ্রৗমবৗ মন্ডলীনি প্রাচীনফৗর সাইখনানৈ বিছৗরখৌ, উপবাস প্রার্থনাও বিছৗরখৌ ফৗরবুনেও গথাইদৗং। জাইনি ছায়াও বিছৗরৗ ভরসা খৗলামদৗং। উনাও পৌল আরৗ বার্ণবাসআ পিষিদিয়া হাদৎনি পাম্ফুলিয়া ফৈবায়। আরৗ জেব্লা বিছৗরৗ পর্গা নৗগৗরাও ঈশ্বৗরনি বাথ্রাখৌ প্রচার খৗলামখাংনানৈ অত্তালিয়াও অৗংখাৎলাংদৗং। বিনি উনাও অত্তালিয়ানিফ্রায় বিছৗরৗ জাহাজজৗং সিরিয়া হাদৎনি আন্তিয়খিয়াও থাংফিনদৗং। যে খামানিয়াখৌ বিছৗরৗ ফৗজৗবদৗং, বি খামানিনি থাখৈ সিগাঙাওনৗ বিছৗরখৌ আন্তিয়খিয়াও ঈশ্বৗরনি অনুগ্রহয়াও গথাইনায় জাদৗং। আন্তিয়খিয়াও ছহৈনান বিছৗরৗ মন্ডলীনি গাছেনখৌ জ'খৗলামদৗং আরৗ ঈশ্বৗরা গাওছৗরজৗং মা মাওদৗং, বিখৌ বিছৗরনৗ খৗথাদৗং আরৗ ঈশ্বৗরা মাব্রৈ গুবুনহারিফৗরনি থাখৈ ফৗথাইনায়নি দুয়ারখৌ খেওনানৈ হৗদৗং, বেখৌবৗ মিথিহৗদৗং। আরৗ বিছৗরৗ বিয়াও ছেলাফৗরজৗং গৗবাও দিন থাদৗং।
Source notes (2)
- Footnote বার্ণবাসখৌ জেউস আরৗ পৌলখৌ হের্মেস মুংখয়ৗ মৗন, মানৗনা জেউসয়া মৗনছে গাহায় মৗদাই আরৗ হের্মেসআ গ্রীকনি মৗনছে গাহায় রাইগ্রা মৗদাই মৗন।
- Cross-reference 2 করিন্থীয় 11:25; ইফিষীয় 6:12
Mech. Copyright © The Seed Company. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.