প্রেরিত 11

পিতরনি যিরূশালেমাও থাংনায়

1প্রেরিতফ্রা আরৗ যিহূদিয়ানি বিশ্বাসিফৗর খৗনানৗ মৗনবায় যে গুবুনহারিফ্রাবৗ ঈশ্বৗরনি রাওখৌ নাজাওবায়। 2জেব্লা পিতরা যিরূশালেমাও থাংদৗং, অব্লা ত্বকছেদ খৗলামজানায় যিহূদিয়া বিশ্বাসিফ্রা বিখৌ গুসুষ্টিফেহেনদৗং, 3আরৗ হৗনদৗং, “নৗঙৗ ত্বকছেদ খৗলামজায়ি গুবুনহারিফৗরনি ন্ব'য়াও হাবহৈনানৈ বিছৗরজৗং জাফাবায়।”1 4বিনিখাইনৗ পিতরা বিছৗরনৗ জাজেননাইনিফ্রায় গাছেন ঘটনা খৗথাদৗং। 5“আঙৗ যাফো নৗগৗরাও প্রার্থনা খৗলামদৗং মৗন, বি সমাও আঙৗ মৗনছে দর্শন নুদৗং। বে দর্শনাও নুনায়য়া বেনৗ, গাংছে গেদেৎ ফাস্রা সি' বাদি মৗনছে মৗঙা খ'না ফাৎব্রৈয়াও হমনানৈ নখ্রাংনিফ্রায় হৎখ্লাইদৗং, আরৗ বি মৗঙা জেরেও দংমৗন বিয়াও ফৈয়াছৈ। 6আঙৗ মৗজাঙৈ নাইনানৈ বিয়াও নুবায়, নখ্রাংনি গাহায়াও থানায় গাছেন রকমনি আঠেং ঠৗংব্রৈখিয়া জিবজুনারফৗর, হাগ্রানি জিবজুনারফৗর, বুহুমাও মানবাইগ্রা আরৗ দাওছেনফৗর দং। 7অব্লা বেবাদি মৗনছে রাও আংনৗ খৗথানায় খৗনাদৗং ‘পিতর জিখাং, আরৗ বেফৗরখৌ সিথাৎনান জা।’ 8আঙৗ বুংফিনবায়, ‘অৗংথারা, ফৗরবু! বেবাদি জেবৗ, ছুয়া এবা খালাই মৗঙাফৗরখৌ মাব্লাবাবৗ আঙৗ আংনি খৌগায়াও ছৗয়াখৈ।’ 9স্বৗর্গৗনিফ্রায় খেবনৈয়াও বেবাদি রাও বুংনায়খৌ খৗনাদৗং, ‘ঈশ্বৗরা জেখৌ ফৗথারবায় বেফৗরখৌ খালাই দাবুং।’ 10বেবাদিয়া খনথাম জাদৗং আরৗ গাছেন মৗঙাফৗরখৌ নখ্রাংয়াও বৗখৗ লাংখৗফিনদৗং। 11বি সমাওনৗ কৈসরিয়ানিফ্রায় আংনেও থৗনহৎজানায় সাথাম মানসিফ্রা আং থানায় ন্ব'য়াও ছফৈদৗং। 12আরৗ গৗথার জিউয়া আংখৌ হৗন্দৗং, নৗঙৗ গৗনৗ গৗথৗ খৗলামাজাছে বিছৗরজৗং থাংফাদৗং, আরৗ ছয়জন যীশুখৌ ফৗথায়গ্রা বিদা ফংবায়ফ্রাবৗ আংজৗং লৗগৗছে কৈসরিয়াও থাংফাদৗংমৗন, আরৗ জৗঙৗ বয়বৗ লৗগৗছৈয়ৈ কর্ণীলিয়াস হৗন্নায় সাছে মানসিনি ন্ব'য়াও হাবহৈদৗং। 13আরৗ বিয়ৗ সাছে আরফ'খৌ মাব্রৈ গাওনি ন্ব'য়াও গছংফৈনায় নুদৗং আরৗ বিখৌ মা বুংদৗংমৗন, বেখৌ জৗংনৗ খৗথাদৗং। বিখৌ আরফ'আ হৗন্দৗংমৗন, ‘শিমোন জাইখৌ পিতর হৗনৗ, বিখৌ লিংনানৈ লাইনৗ যাফোয়াও মানসি থৗনহৎ। 14বিয়ৗ নৗংখৌ এরইবাদি খৗথাখৌ বুংনায়, জাইনি গেজেরজৗং নৗং আরৗ নৗংনি নখরনি গাছেনবৗ মাব্রৈ বাছাইজানায়।’ 15জেরৈ আঙৗ বুংজেনদৗং, অব্লা গৗথার জিউয়া জাজেন্নায়াও জৗংনি ছায়াও জৗরৈ ফৈয়ামৗন বিবাদিনৗ বিছৗরনি ছায়াও ফৈদৗং। 16অব্লা আঙৗ গৗসৗখাংবায় ফৗরবুআ মা খৗথা বুঙামৗন, ‘যোহননা দৈজৗং বাপ্তিস্মা হৗদৗং2, নাথায় নৗংছৗরৗ গৗথার জিউজৗং বাপ্তিস্মা হৗজানায়।’ 17ফৗরবু যীশু খ্রীষ্টখৌ ফৗথাইনায়াও ঈশ্বৗরা জৗংনৗ জেরৈ গৗথার জিউখৌ দান হৗদৗং, বেবাদিনৗ বিছৗরনৗবৗ বিয়ৗ হৗব্লা, ঈশ্বৗরনি দান হৗনায়খৌ রাইফথানৗ আংলাই ছৗরথৗ মৗন?” 18জেব্লা যিহূদিয়া বিশ্বাসিফ্রা পিতরনি বে বুংনায়খৌ খৗনায়ৗ, অব্লা বিছৗরৗ স্রি স্রাই জাদৗং, আরৗ ঈশ্বৗরখৌ বাখ্নাইনানৈ হৗন্দৗং, “অব্লা গৗসৗ ফিনফিনানৈ গৗঠাংখৌ মৗনৗ থাখৈ ঈশ্বৗরা গুবুনহারিফৗরনৗ মৌখা হৗবায়।”

আন্তিয়খিয়ানি মন্ডলী

19স্তিফানখৌ সিথাৎনায়নি উনাও বিশ্বাসিফৗরখৌ নাছয়জানায়জৗং আরৗ ছেৎখাই ফেৎখাই জানানৈ ফৈনীকিয়া, সাইপ্রাস আরৗ সিরিয়া হাদৎনি আন্তিয়খিয়াও থাংদৗংমৗন, বিছৗরৗ যিহূদীফৗরনৗ বান বাথ্রাখৌ খৗথাদৗং মৗন। 20নাথায় বিছৗরনি গেজেরাও খাইছেয়া, সাইপ্রাসনিফ্রায় আরৗ কুরীণীয়ানিফ্রায় আন্তিয়খিয়াও থাংদৗং আরৗ ফৗরবু যীশুনি মৗজাং খবরখৌ গুবুনহারিফৗরনৗবৗ খৗথানৗ হমজেনদৗং। 21নাথায় ফৗরবুনি আখাইয়া বিছৗরনি ছায়াও দংমৗন, আরৗ গৗবাং মানসিফ্রা ফৗথাইনানৈ ফৗরবুনি ঠিঙৈ গিদিংফিনদৗং। 22যিরূশালেমনি মন্ডলীয়াও বে খবররা ছহৈদৗং, আরৗ বিছৗরৗ বার্ণবাসখৌ আন্তিয়খিয়াও থৗনহৎদৗং। 23জেব্লা বিয়ৗ ছফৈনানৈ নুদৗং, মানসিফৗরনি ছায়াও ঈশ্বৗরনি অনুগ্রহখৌ, অব্লা বিয়ৗ খুশি জাদৗং আরৗ বিছৗরখৌ, গৗসৗমানিজৗং ফৗরবুখৌ ফৗথাইনৗ আরৗ বিনেও নাংঠাবনানৈ থানৗ বয়খৌবৗ উৎসাহ হৗদৗং। 24বার্ণাবাসআ সাছে মৗজাং মানসি মৗন, গৗথার জিউ আরৗ ফৗথাইনায়জৗং বুংফাওনানৈ বিয়ৗ গৗবাং মানসিফৗরখৌ ফৗরবুনেও লাবৗদৗং। 25বিনি উনাও বার্ণাবাসআ শৌলখৌ নাগিৎনৗ তার্ষয়াও থাংদৗং, 26আরৗ জেব্লা বিয়ৗ বিখৌ মৗন্দৗং, অব্লা বিয়ৗ বিখৌ আন্তিয়খিয়াও লাবৗদৗং। অব্লা বার্ণাবাস আরৗ শৌলআ আন্তিয়খিয়াও বৗছৗরছেসিম থানানৈ বিয়াওনি মন্ডলীনি মানসিফৗরজৗং থাফানানৈ গৗবাং মানসিফৗরখৌ ফৗরৗংদৗং। আন্তিয়খিয়াওনৗ ছেলাফৗরখৌ “খ্রীষ্টিয়ান” মুংখজেন্দৗং। 27সমনি গেজেরজৗং যিরূশালেমনিফ্রায় খাইছে নবিফ্রা আন্তিয়খিয়াও ফৈদৗংমৗন। 28বিছৗরনি সাছে আগাব মুংনি গছংনানৈ রোমনি জেরেওবৗ গেদেৎ আংখাল জানায় হৗন্নানৈ গৗথার জিউনি বৗলৗজৗং মিথিহৗদৗং। (ক্লৌদিয়নি রাইজৗ শাসন খৗলামনায় সমাও জাদৗং)। 29অব্লা ছেলাফ্রা গাওছৗর হানায় বাদি যিহূদিয়াও থানায় বিশ্বাসিফৗরনৗ হেফাজাব হৗনৗ ঠিক খৗলামদৗং। 30বিছৗরৗ বেখৗনৗ মাওবায়, আরৗ শৌলনি আখাইজৗং গাওছৗরনৗ দানখৌ বার্ণবাস আরৗ শৌলনি গেজেরজৗং মন্ডলীনি প্রাচীনফৗরনৗ হৗৎদৗং।