Mech
2 পিতর 3
ফৗরবু ফৈফিননায়নি খৗথা
অনজাগ্রা লৗগৗফৗর, বে লাইজামা নৗংছৗরনৗ লিৎহথনায় আংনি খেবনৈ লাইজাম। আঙৗ বিছৗর সানৈখৌ গৗসৗখাংহৗনানৈ লিৎদৗং জাহাথে নৗঙৗ মৗজাং সান্নৗ হুনৗ হায়ৗ। গৗথার নবিফৗরনি গৗডৗ বুংলাংনায় খৗথাফৗর আরৗ নৗংছৗরনি প্রেরিতফৗরজৗং ফৗরবু আরৗ বাছাইগিরিনি আদেশ হৗনায়খৌ আঙৗ নৗংছৗরখৌ গৗসৗখাংহৗনৗ। বয়নিখ্রুইবৗ গৗনাংসিন, নৗংছৗরৗ বে খৗথাখৌ বুজিনাংনায় যে, জৗবনায় দিনফৗরাও গাও গাওনি গাজ্রি লুবৈনায় থাবায়গ্রা মানসিফৗর অৗংখাৎনায় আরৗ বিছৗরৗ নৗংছৗরখৌ হাজিগ্দাওনায়। বিছৗরৗ বুংনায়, “বিয়ৗ ফৈনায় হৗন্নানৈ জবান হৗনাইয়া মহাই? মানৗনা জৗংনি গৗডৗনি মানসিফৗর থৈনায়নিফ্রায়, সংসারখৌ সৗরজিনায়নিফ্রায় জেরৈ, দাবৗ বেবাদিয়ৈনৗ দং।” নাথায় বিছৗরৗ গৗসৗ বাদি বাওলাঙৗ যে গৗবাও সিগাঙনৗ ঈশ্বৗরনি সৗদৗবজৗং স্বৗর্গৗফৗর ফৈদৗং আরৗ বুহুমা দৈনিফ্রায় আরৗ দৈজৗংনৗ দাজাদৗংমৗন। আরৗ দৈখৌ বানা জাহৗনানৈ বি গৗজাম সংসারখৌ সংহার খৗলামদৗং মৗন। নাথায় ঈশ্বৗরা একই সৗদৗবজৗং নখ্রাংখৌ আরৗ বুহুমখৌ বিচার আরৗ অয়ৎজৗং সংহার খৗলামনৗ দৗনদৗং, আরৗ অধার্মিক মানসিফৗরখৌ সংহার খৗলামনৗ বেফৗরখৌ দৗন্নায় জায়ৗ। নাথায় আংনি অনজাগ্রা লৗগৗফৗর, বে মৗনছে খৗথাখৌ দাবাও, ফৗরবুনি সিগাঙাও সানছেয়া এক হাজার বৗছৗরনি সমান, আরৗ হাজার বৗছৗরা সানছেনি সমান। খাইছেয়া সান্নৗ ফৗরবুআ গাওনি সমায় লানায়খৌ মাওনায়াও লাসৈ খৗলামমৗ, নাথায় ফৗরবুআ লাসৈ অৗঙা। বিয়ৗ নৗংছৗরনি থাখৈ সহায়নানৈ থাদৗং, মানৗনা বিয়ৗ রাওখৌবৗ আদ্রি জাজানৗ লুবৈয়াখৈ, নাথায় বয়বৗ গাও গাওনি পাপফৗরনিফ্রায় গৗসৗ ফিননায়খৌ। নাথায় ফৗরবুনি দিননা সিখাও বাদি ফৈনায়। বি দিননাও নখ্রাংঙা গিথাওথাও ছৗগৗনগ্লুবনানৈ গৗমানায়, গৗল্লৈনিফ্রায় গৗল্লৈসিন জিনিসফ্রাবৗ অয়ৎজৗং সংহার জানায়, আরৗ বুহুম আরৗ বেনি ছায়াও মাওনায় গাছেনবৗ খামগ্লিজৗবনায়। বেবাদিনৗ গাছেনবৗ সংহার জাজৗবনায়, বি সমাও আরৗ নৗঙৗ মা বাদি মানসি জানাগৌ জাখৌ? নৗংছৗরৗ গৗথার আরৗ ঈশ্বৗর ফৗথাইসুলা জীবনযাপন খৗলামথারনাংগৌ। জৗরৈ নৗংছৗরৗ ঈশ্বৗরনি ফৈনায় বি দিনখৌ নেনানৈ দং আরৗ বে খামানিখৌ মাওনৗ গৗখ্রৈ ফৈগৌ। বি দিনাও নখ্রাংঙাবৗ খামনানৈ ধ্বংস জাজৗবনায় আরৗ গৗল্লৈনিফ্রায় গৗল্লৈসিন জিনিসফ্রাবৗ খামনানৈ গিলিজৗবনায়। নাথায় ঈশ্বৗরনি জবান বাদি জৗঙৗ গৗদান নখ্রাং আরৗ গৗদান বুহুমখৌ লামা নাইনান দং জেরাও ধৗরৗমিয়াফ্রা থানায়। বিনিখাইনৗ, আংগৗ লৗগৗফৗর অনজাগ্রা, নৗংছৗরৗ বেখৌ লামা নাইনানৈ থানায়খায়, ঈশ্বৗরনি সিগাঙাও দাগ গৈয়ি, দায় গৗয়ি আরৗ শান্তিয়ৈ থানৗ হাস্থাইদৗ। গৗসৗয়াও লা, বাছাইজানায়নি সমখৌ হৗনৗ থাখৈ জৗংনি ফৗরবুআ সহায়নানৈ থাদৗং, জৗংনি অনজাগ্রা ফংবায়, পৌলআবৗ ঈশ্বৗরনি হৗনায় জ্ঞানজৗং নৗংছৗরনৗ বে মৗনছে খৗথাখৌনৗ লিৎহদদৗং। পৌলআ গাওনি মৗনফ্রৗমবৗ লাইজামাও বে মৗনছে খৗথাখৌনৗ লিৎদৗং। বিনি লাইজামফৗরাও লিৎনায় খাইছে খৗথাফ্রা বুজিনৗ গৗব্রাবথার, বিনিখাইনৗ অজ্ঞিয়ান আরৗ ফৗথাইনায়াও গৗগৗম অৗঙিফ্রা বৗখে বৗখা খৗলামৗ, জৗরৈ শাস্ত্রনি গুবুন খৗথাফৗরখৌ বাদি বেফৗরখৌবৗ বিজিৎনানৈ খৗথায়ৗ আরৗ বেজৗংনৗ গাওছৗর সংহার জানায়খৌ বৗদেৎনানৈ লায়ৗ। বিনিখাইনৗ, আংনি অনজাগ্রা লৗগৗফৗর, নৗংছৗরৗ বেফৗরখৌ মিথিখাগৌ; নৗংছৗরৗ আইন খান্থি গৗয়িফৗরজৗং সর্তক থা জাহাথে নৗংছৗরৗ গৗরৗন্ঠিনি গেজেরজৗং নৗংনি ফৗথাইনায়নিফ্রায় গৗজানাও সরাইলাঙা বাদি আরৗ নৗংনি খৈফৗদগৈয়ি অবস্থানিফ্রায় গৗগ্লৈয়া বাদি। নাথায় নৗংছৗরৗ জৗংনি ফৗরবু আরৗ বাছাইগিরি যীশু খ্রীষ্টনি অনুগ্রহ আরৗ বিনি জ্ঞানজৗং দেৎলাংদৗ। দা আরৗ সিমা গৈয়িজাছে জেব্লাইবৗ বিনি মহিমা গৗনাং জাথৗং! আমেন।
Mech. Copyright © The Seed Company. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.