Mech
2 পিতর 2
নংখাই ফৗরৗংগ্রাফৗর
নাথায় বেবাদিনৗ ইস্রায়েলফৗরনি গেজেরনিফ্রানৗ নংখাই নবিফৗর জিখাংদৗং মৗন, জেরৈবাদি নৗংছৗরনি গেজেরাও নংখাই ফৗরৗংগ্রাফৗর জিখাংনায়। বিছৗরৗ সিরিয়ৈ আদ্রি জাহৗগ্রা নংখাই ফৗরৗংনায়, এমন কি বৈগৗমাখৌবৗ অস্বীকার খৗলামনায় জাইয়া বিছৗরখৌ বাইখোদৗং, বেবাদিয়ৈ গাও গাওনি ছায়াও হঠাৎনৈ সংহার লাবৗনায়। গৗবাংয়া বিছৗরনি গাজ্রি আখলনি উন উন থাংনায় আরৗ বিছৗরৗ গুবুন মানসিফৗরনি নংথারগৌনি লামাখৌ অপমান খৗলামনায়। বিছৗরনি লুবৈনায়াও বেফৗর ফৗরৗংগ্রাফ্রা নৗংছৗরখৌ বৗনায়নায় সলকফৗরনি গেজেরজৗং নৗংনিফ্রায় মুনাফা খৗলামনায়। বিছৗরনি নিন্দিনায়খৌ বিচারনি থাখৈ গৗবাও সমনিফ্রায় বিছৗরনি ছায়াও ফাসিদৗং, আরৗ বিছৗরখৌ সংহার খৗলামগ্রায়া উন্ডুয়া মাৎনিন দং। মানৗনা জাই আরফ'ফ্রা পাপমাও গৗগ্লাইদৗং মৗন ঈশ্বৗরা বিছৗরখৌ হগারালাবানৗ নরকয়াও দৗন্নায়, আরৗ বিছৗরখৌ বিচারনি দিনসিম খৗমসিয়াও খানানৈ দৗনদৗং। আরৗ বিয়ৗ গৗজাম বুহুমনি মানসিখৌ রেহায় হৗয়াখৈমৗন, জেব্লা বিয়ৗ অধৗরৗমিয়া মানসিফৗরনি ছায়াও দৈ বানা লাবৗদৗংমৗন, নাথায় নুহুআ ধৗরৗমিয়ানি প্রচারক আরৗ গুবুন সাতজনখৌ বাছায়দৗং। উনাও, বিয়ৗ সদোম আরৗ ঘমোরা নৗগৗরফৗরখৌ নিন্দিনানৈ অয়ৎজৗং সাওনানৈ হাথ্পফ্লা খৗলামবায় আরৗ দায় গৗনাং খৗলামবায়, আরৗ বিফৗরখৌ অধৗরৗমিয়াফৗরনি মা জানায় বেনি মৗনছে উদাহরণ। আরৗ যদি বিয়ৗ লোটখৌ বাছাইদৗং, লোটনা সাছে ধৗরৗমিয়া মানসি মৗন, জাইয়া আখল গাজ্রি আইন খান্থি গৗয়িফৗরজৗং দুঃখুয়াও দংমৗন। বে ধৗরৗমিয়া মানসিয়া বিছৗরনি গেজেরাও থানানৈ সানফ্রৗমবৗ বিছৗরনি গৗসৗ সিংনি অন্যায় মাওনায়ফৗরখৌ নুদৗং মৗন খৗনাদৗং মৗন আরৗ দুঃখু মৗন্দৗং মৗন। বেনিখাইনৗ ফৗরবুআ মিথিগৌ মাব্রৈ ধৗরৗমিয়া মানসিফৗরখৌ আনজাৎনিফ্রায় রৈখা খৗলাম নাংগৌ আরৗ বিচারনি দিনাও অধৗরৗমিয়া মানসিফৗরখৌ সাজানি জুনৈ হমথানান দৗন্নৗ। বিশেষ খৗলামনানৈ জাইফ্রা মৗদৗমাও গৗসৗ বাদি লুবৈনায়নি উনাও থাঙৗ, একথিয়ারখৌ মুগৈয়ৗ, বিছৗরখৌ শাস্তি হৗনায়। বিছৗরৗ সাহস গৗনাং আরৗ একগুয়ে, জাইফ্রা স্বৗর্গৗয়ারিফৗরখৌবৗ নিন্দিনৗ গিয়া। নংখাই ফৗরৗংগ্রাফৗরনিখুরৈ বৗলৗগ্রাসিন আরৗ দেৎসিন, এমন কি আরফ'ফ্রা জেব্লা গাওছৗরনি ছায়াও ফৗরবুনিফ্রায় বিচার লানানৈ ফৈয়ৗ অব্লা বিছৗরখৌ অপমান খৗলামা। নাথায় বে মানসিফ্রা এরৈবাদি বিষয়ৈ নিন্দিয়ৗ জেখৌ বিছৗরৗ বুজিয়া। বিছৗরৗ যুক্তি গৈয়ি জীব-জুনারফৗরবাদি, জ্ঞান গৈয়ি জীবফৗর, হমজানৗ আরৗ ফৗজৗবস্রাংজানৗ বান জৗনৗম জায়ৗ আরৗ জুনারফৗরবাদি আদ্রি জানায়। বিছৗরৗ যে হানি খৗলামবায় বি হানিজৗং লৗগৗছে বিছৗরনৗ হানিখৌ হৗফিননা জানায়। বিছৗরৗ সান্নৗ যে গৗজৗননায় দিননি সমাও বিছৗরৗনি মৗদৗমনি লুবৈনাইয়া থাফায়ৗ। বিছৗরনি লাজিগৗনাং খামানিফৗরনি দ্বারৈ আরৗ জেরৈবাদি বিছৗরৗ গাওছৗরখৌবান খুশি খৗলামৗ, বিছৗরৗ নৗংছৗরজৗং লৗগৗছে জাফানায় মৗঙাফৗরখৌ আদ্রি খৗলামৗ। বিছৗরনি মগনফ্রা জিনাহারিয়াও বুংফাওবায় আরৗ বিছৗরৗ পাপনিফ্রায় মাব্লাবাবৗ গাও গাওখৌ হমথানৗ হায়া। বিছৗরৗ গৗনৗ গৗথৗ মানসিফৗরখৌ ফুসলায়নানৈ ফানদৗয়াও খৗখ্লৈয়ৗ। বিছৗরনি গৗসৗফ্রা লুবৈনায়খৌ ছৗলৗংবায়, বিছৗরৗ ঈশ্বৗরনি সাওনি সিঙাও! বিছৗরৗ সোজা লামাখৌ নাগারনানৈ গুবুন লামাজৗং থাংবায়; বিছৗরৗ বিয়োরনি বিসাজ্লা বিলিয়মনি লামাজৗং থাংবায়। বিলিয়ামআ গাজ্রি খাইদা মাওনানৈ বেতন লানৗ হামজায়ৗ মৗন। নাথায় গেম্বু গরাইনি গেজেরজৗং বিনি অপরাদনি থাখৈ রাইজাদৗংমৗন, মৗনছে জুনার জাইয়া খৗথা বুঙাখৈমৗন আরৗ মানসিনি গারাংজৗং খৗথা বুংদৗংমৗন নবিফৗরনি পাগলামিখৌ হমথাদৗং1। বে মানসিফ্রা রাননায় দৈমু আরৗ বার হুংখাজৗং খুয়াফৗর বুসাৎজানায় বাদি বিছৗরনৗ গৗথৌসিন খৗমসি জাইগাখৌ দৗনখাবায়। মানৗনা বিছৗরৗ খালি খৌগায়াও ডুগা খৗথাফৗরখৌ বুঙৗ। আরৗ মৗদৗমনি লুবৈনায়ফৗরজৗং খাওলাইনানৈ, বিছৗরৗ এরৈবাদি মানসিফৗরখৌ ফানদৗয়াও খৗখ্লৈনৗ ফুস্লাইয়ৗ জাইফ্রা গৗরৗন্থি মাওগ্রাফৗরনি গেজেরনিফ্রায় খাৎগোয়ৗ। বিছৗরৗ বিছৗরখৌ স্বাধীনতানি সিমান হৗয়ৗ, নাথায় বিছৗরৗ গাজ্রি আখলনি গলাম, মানৗনা মানসিয়া জাইজৗং ফেজেনজায়ৗ, বিয়ৗ বিনিনৗ গলাম জায়ৗ। যদি বিছৗরৗ জৗংনি ফৗরবু আরৗ বাছাইগিরি যীশু খ্রীষ্টখৌ মিথিনানৈ সংসারনি গাজ্রি নিফ্রায় খাৎগনানৈনৗ থাঙৗ আরৗ বিছৗরৗ আরবাও বেফৗরজৗং সংগ্রায়ফাজায়ৗ আরৗ ফেজেনজায়ৗ, আরৗ বে মানসিফ্রা সিগাংনিখুরৈ জৗবনায়াও গাজ্রিসিন জায়ৗ। বে ধৗরৗমিয়ানি লামাখৌ মিথিনানৈবৗ বিনি গৗথার আদেশয়া যে বিছৗরনিয়াও থাংবায়, এৎগারগ্রায়া জুনৈ ধৗরৗমিয়ানি লামাখৌ মিথিয়িয়ানৗ সাবসিন জাগৌ মৗন। বিছৗরনি বৗচৗন বিজাবমাও লিৎনাইয়া নংথারগৌ, “ছৈমায়া গাওনি গবাদৈনি ঠিঙৈ থাংফিন্নৗ,” আরৗ “থুখৈনায় বুন্ডি অমায়া হাব্রুয়াও থাংফিন্নৗ।”
Source notes (1)
- Cross-reference বিচন বিজাব 22:24; 31:16
Mech. Copyright © The Seed Company. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.