Mech
2 করিন্থীয় 1
ঈশ্বৗরনি গৗসৗজৗং যীশু খ্রীষ্টনি প্রেরিত আং পৌল, আরৗ জৗংনি ফংবায় তীমথিয়, করিন্থীয়াও থানায় ঈশ্বৗরনি মন্ডলী আরৗ আখায়া হাদৎনি গাছেন ঈশ্বৗরনি মানসিফৗরনৗ বে লাইজামখৌ লিৎবায়। জৗংনি বিফা ঈশ্বৗর আরৗ ফৗরবু যীশু খ্রীষ্টনি অনুগ্রহ আরৗ শান্তিয়া নৗংছৗরজৗং থাথৗং।
ঈশ্বৗরখৌ পৌলনি ধন্যবাদ হৗন্নায়
জৗংনি ফৗরবু যীশু খ্রীষ্টনি বিফা ঈশ্বৗরা বাখ্নাইজাথৗং, বিনৗ অননায়নি বিফা আরৗ গাছেননাওবৗ গৗজৗনহৗগ্রা ঈশ্বৗর। জৗংনি গাছেন দুঃখুয়াও জাইয়া জৗংখৌ গৗজৗনহৗয়ৗ, বেবাদিনৗ জৗংবৗ সৈনাংনায়ফৗরখৌ গৗজৗনহৗনৗ হানায়, জেরৈ জৗঙৗ ঈশ্বৗরনিফ্রায় গৗজৗনায়ফৗর মৗন্দৗং। মানৗনা খ্রীষ্টনি গৗবাং দুঃখু সৈনাংনাইয়া জৗংনিয়াও জেরৈ ছফৈয়ৗ, বেবাদিনৗ খ্রীষ্টনি গেজেরজৗং গৗবাঙিন গৗজৗন্নায়া ছফৈয়ৗ। জৗঙৗ দুঃখু কষ্ট সৈনাঙৗব্লা, বে নৗংছৗরনি গৗজৗননায় আরৗ উদ্ধারনি থাখৈনৗ, জৗঙৗ গৗজৗন্নায়খৌ মৗন্নৗব্লা, নৗংছৗরবৗ গৗজৗনায়খৌ মৗন্নৗ, আরৗ জৗং জেরৈ সৈনৗ হায়ৗ বিবাদিনৗ সৈনাংনায়াও নৗংছৗরবৗ সৈনৗ থাখৈ হেফাজাব আরৗ বৗলৗ মৗন্নৗ। আরৗ নৗংছৗরনি ছায়াও জৗংহা গৗগৗম আশা দং, জৗঙৗ মিথিগৌ, মানৗনা নৗংছৗরৗ জেরৈ জৗংনি সৈনাংনায়াও লৗগৗ জায়ৗ, বেবাদিনৗ গৗজৗননায় মৗন্নায়াও নৗংছৗরবৗ মৗনফায়ৗ। ও বিদা-ফংবায় আরৗ বিবো-বিনানাওফৗর, জৗঙৗ লুবৈয়া যে নৗংছৗরৗ মিথিয়ামাৎনিন থাথৗং হৗন্নানৈ, এশিয়া হাদৎনাও জৗং সৈনাংনায়খৌ জৗঙৗ নৗংছৗরনৗ গৗসৗখাংহৗনৗ হাস্থাইয়ৗ। বিয়াও সৈনায়নি বৗলৗনি বাইরা জাবায় মৗন, এছে গেদেৎ আরৗ এছে গিলিৎ বিবান জৗংনি ছায়াও ছফৈদৗং মৗন, জৗঙৗ ঠাংনানৈ থানায়নি আশাখৌনৗ নাগারবায় মৗন। নংথারগৌয়ৈ, সত্যয়ৈ জৗঙৗ সিথাৎজানায়ছৈ হৗন্নানৈ সানবায় মৗন। নাথায় বে জাদৗংমৗন যে জৗঙৗ জৗংনি ছায়াও ভরসা খৗলামামাৎনিন নাথায় ঈশ্বৗরনিয়াও সৗনাৎথৗং, জাইয়া থৈনায়খৌ ঠাংখাংহৗয়ৗ। বেবাদি গৗব্রাবথার থৈনাংগৌনি খৈফৗদনাও বিয়ৗ জৗংখৌ বাছাইবায়, আরৗ জৗংখৌ আরবাও বাছাইনায়, বিনি ছায়াও আশা খৗলামৗ, বিয়ৗ জৗংখৌ বাছাইফ্লাইনায়। জৗরৈ নৗংছৗরৗ জৗংনি থাখৈ প্রার্থনা খৗলামনানৈ জৗংখৌ হেফাজাব হৗদৗ। অব্লা গৗবাং মানসিফৗরনি প্রার্থনা খৗলামনায়জৗং জৗঙৗ অনুগ্রহ মৗননায়, আরৗ জৗংনি থাখৈনৗ গৗবাং মানসিফ্রা ঈশ্বৗরখৌ ধন্যবাদ হৗনায়।
গাওনি সান্নায়খৌ সৗলাইনায়
দা জৗংনি গৗগা খৗলামনায়া বেনৗ, জৗংনি বিবেকআও জৗঙৗ বেখৌনৗ সাক্ষী হৗয়ৗ, ঈশ্বৗরনি হেফাজাবজৗং বে সংসারনি আরৗ নৗংছৗরজৗং থানায়াও গৗথার আরৗ গৗগৗয়ৈ জৗং গাও গাওখৌ দৈদেনবৗবায়, নাথায় মানসিনি জ্ঞানজৗং অৗঙা ঈশ্বৗরনি অনুগ্রহনি বৗলৗজৗংছৗ। মানৗনা জৗঙৗ জেবৗ বিষয়ৈ লিৎনা, জেখৌ নৗংছৗরৗ ফরাইনৗ হায়া আরৗ বুজিনৗ হায়া আরৗ আঙৗ আশা খৗলামৗ যে, জেরৈ নৗংছৗর জৗংখৌ ইছে মিথিবায়, বেবাদিনৗ নৗংছৗরৗ ফুরায়ৈ মিথিনায়। জৗংনি ফৗরবু যীশুনি ফৈনায় দিনাও জৗঙৗ নৗংছৗরনি থাখৈ জেরৈ গৗগ্গা খৗলামনায়, বেবাদিনৗ নৗংছৗরবৗ জৗংনি থাখৈ গৗগ্গা জানায়। মানৗনা আংনে বেফৗরনি ছায়াও ফৗথাইনায় দঙৗ, আঙৗ নৗংছৗরনি সিগাঙাও থাংগ্রৗনৗ সান্দৗং মৗন, জাহাথে বিছৗরৗ খেবনৈ বৗর মৗন্নৗ। আংনি নায়নৗ লুবৈনাইয়া ম্যাসিডোনিয়া থাংনায় সমাও নৗংছৗরনিয়াও হাবলাংনানৈ ফৈফিন্নায় সমাওবৗ নৗংছৗরনিয়াও হাবহৈয়ৗব্লা আং যিহূদিয়াও থাংনায়াও নৗংছৗর হেফাজাব হৗনৗ হাগৌমৗন। মা আঙৗ আংনি সান্নায়খৌ ঠাব ঠাব সৗলাইগ্রা? এবা আং সংসারিক মৗদৗমনি আদৗৎ সানগ্রা যেন একইয়াওনৗ মৗনৈ নংগৌ, নংগৌ আরৗ অৗঙা, অৗঙৗ, বুংগ্রা মৗনবায় নামা? নাথায় ঈশ্বৗরা জেরৈ ফৗথায়জাগ্রা, বেবাদিনৗ জৗংনি খৗথায়াবৗ, নৗংগৌব্লা নৗংগৌ, আরৗ অৗঙাব্লা অৗঙা। সিলাস, তীমথিয় আরৗ আং, জৗংনি গেজেরজৗং জাই ঈশ্বৗরনি বিসা হৌয়া যীশু খ্রীষ্টনি খৗথাখৌ নৗংছৗরনি গেজেরাও প্রচার খৗলামদৗং, বিয়ৗ নংগৌখৌ 'অৗঙা' হৗননা, নাথায় বিনিয়াও জেব্লাইবৗ 'নৗংগৌ' বিয়ৗ ঈশ্বৗরনি গৗসৗ বাদি মাওথারৗ। মানৗনা বিয়ৗ ঈশ্বৗরনি সমাই লানায় মহিমানি থাখৈ যীশু খ্রীষ্টজৗং “আমেন” হৗন্নৗ। জাইয়া খ্রীষ্টনিয়াও জৗংখৌ নৗংছৗরজৗং গৗরায়ৈ গছংনৗ জ' খৗলামবায়, বিয়ৗ বে ঈশ্বৗরানৗ, আরৗ বিয়ৗ জৗংখৌ অভিষিক্ত খৗলামবায়। বিয়ৗ জৗংনি ছায়াও গাওনি সিল মহরখৌ বুবায়, আরৗ বায়না বাদি বিয়ৗ জৗংনৗ গাওনি গৗথার জিউখৌ হৎবায়। আঙৗ ঈশ্বৗরখৌ আংনি সাক্ষী হৗনানৈ গৗসৗয়াও বুঙৗ, আং নৗংছৗরখৌ সৈনাংনায়নিফ্রায় গৗজাননাও দৗন্নৗ দাবৗ করিন্থীয়াও থাংফিননাখৈ। জৗঙৗ নৗংছৗরনি ফৗথাইনায়নি ছায়াও দমাইনৗ বে অৗঙা, নাথায় জৗঙৗ নৗংছৗর রংজানৗ থাখৈ নৗংছৗরজৗং মাওফায়ৗ, মানৗনা নৗংছৗরৗ ফৗথাইনায়াও গৗগৗমৈ গছংনান থায়ৗ।
Mech. Copyright © The Seed Company. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.