Mech
1 করিন্থীয় 12
গৗথার জিউনি বৗর
দা, ও বিদা-ফংবায়ফৗর আরৗ বিবো-বিনানাওফৗর, গৗথার জিউনি হৗনায় দাননি বাথ্রা নৗংছৗরৗ মিথিয়ামাৎনিন থানায়খৌ আং হামজায়া। নৗংছৗরৗ মিথিগৌ, জেব্লা নৗংছৗরৗ মৗদায় দাওরায় পুজিগ্রা গুবুনহারি মৗন, বে সমাও জিউ গৈয়ি মূর্তিফৗরনি ঠিঙৈ দৈদেনলাংজাদৗং মৗন। বিনিখাইনৗ, আঙৗ নৗংছৗরনৗ মিথিহৗনৗ হাস্থায়ৗ, ঈশ্বৗরনি জিউজৗং দৈদেনজানায় রাওবৗ, “যীশুআ সাও মৗন্থৗং” হৗন্নানৈ বুংনৗ হায়া, আরৗ গৗথার জিউজৗং দৈদেনজায়াব্লা “যীশুআ ফৗরবু” হৗন্নানৈ রাওবৗ বুংনৗ হায়া।
গৗথার জিউনি দানফ্রা রৗখৗম রৗখৗম, নাথায় বেফৗরখৌ হৗগ্রা জিউয়া মৗনছেয়ানৗ। বিহা আলাদা আলাদা খামানি দং, নাথায় একই ফৗরবুআখৌনৗ সেবা খৗলামৗ। বিহা আলাদা আলাদা খামানি দঙৗ, নাথায় বিছৗর গাছেননি গেজেরাও আরৗ সাফ্রৗমনি গেজেরাও বি সাছে ঈশ্বৗরানৗ খামানি মাওয়ৗ। দা গৗথার জিউনি দাননা সাফ্রৗমনৗবৗ গাছেন মৗজাংনি থাখৈ রৗখা রৗখা হৗজায়ৗ। বি জিউয়ানৗ সাছেখৌ জ্ঞাননি বাথ্রা বুংহৗয়ৗ আরৗ গুবুননৗ মিথিনৗ হানায় বাথ্রা হৗয়ৗ, বে মৗনছে জিউয়ানৗ ছৗরনৗবা ফৗথাইনায়, ছৗরনৗবা জব্রা ছৗখানৗ হানায় দানফৗর হৗয়ৗ, ছৗরনৗবা সৗমৗ গৗনাং হাবা মাওনৗ হানায়, গুবুন ছৗরনৗবা ঈশ্বৗরনিফ্রায় মৗনছে বাথ্রা বুঙৗ, আরবাও ছৗরনৗবা মৗজাং জিউ আরৗ গাজ্রি জিউখৌ ছিনাইনৗ হানায়, ছৗরনৗবা গুবুন গুবুন রৗখৗম রাওফৗর বুংনৗ হানায় আরৗ ছৗরনৗবা গুবুন গুবুন রাওফৗরখৌ বিজিৎনানৈ হৗনৗ হানায় বৗলৗ হৗয়ৗ। নাথায় বে গাছেনখৌ মাওগ্রায়া বে সাছেয়ানৗ আরৗ বে মৗনছে জিউয়ানৗ, বিয়ৗ গাওনি গৗসৗ বাদি বে দানফৗরখৌ সাফ্রৗমনৗবৗ রানানৈ হৗয়ৗ।
মৗনছে দেহায়াও গৗবাং অঙ্গ
মৗনছে দেহায়াও গৗবাং অঙ্গফৗর দং আরৗ অঙ্গফ্রা গৗবাংব্লাবৗ গাছেন জৗং মৗনছে বান, মৗদৗম, 1খ্রীষ্টআবৗ বেবাদিনৗ। জৗঙৗ যিহূদিয়ারিফ্রা আরৗ গুবুনহারিফৗরব্লাবৗ, গলামফৗরব্লাবৗ এবা গহৗজানায়ফৗরব্লাবৗ, জৗং বয়বৗ মৗনছে জিউজৗংনৗ মৗনছে দেহায়াও বাপ্তিস্মা হৗজাবায়, আরৗ জৗং বয়নৗবৗ বে মৗনছে জিউখৌনৗ হৗবায়। মানৗনা দেহায়া মৗনছে বান অঙ্গজৗং বানায়াখৈ, নাথায় গৗবাং অঙ্গফৗর। আঠেংফ্রা হৗনৗব্লা, “আঙৗ আখাই অৗঙা, বিনিখাই আঙৗ মৗদৗমনি অৗঙা,” বেবাদি বুংনানৈ বিয়ৗ মৗদৗমনি অঙ্গ জায়া অৗঙা। আরৗ খৗমাফ্রা হৗনৗব্লা, “আঙৗ মগন অৗঙা, বিনিখাই আঙৗ মৗদৗমনি অৗঙা,” বেবাদি বুংনানৈ বিয়ৗ মৗদৗমনি অঙ্গ জায়া অৗঙা। গাছেন দেহায়ানৗ মগন বান জায়ৗমৗনব্লা, মাবৗরৈ খৗনানায় মৗন? আরৗ দেহায়া খৗমা বান মৗনব্লা, মৗনামনাই ববেহা থানায় মৗন? নাথায় ঈশ্বৗরা দেহায়াও অঙ্গফৗরখৌ জেরেও লুবৈদৗংমৗন বিয়াওনৗ দৗনবায়। গাছেন অঙ্গফ্রা মৗনছে বান মৗনব্লা দেহায়া ববেহা থানায় মৗন? জৗরৈ বাদি, গৗবাং অঙ্গফৗর থাব্লাবৗ, নাথায় দেহায়া মৗনছে বান।
মগননা আখাইখৌ বুংনৗ হায়া, “আংনৗ নৗংখৌ নাঙা,” আরৗ খর'য়া আঠেংখৌ বুংনৗ হায়া, “আংনৗ নৗংখৌ নাঙা” উল্ঠা নাইব্লা, জেয়া দেহায়াও গৗহৗ গৈয়িসিন অঙ্গ বিছৗ নাংগৌসিন, আরৗ মৗদৗমনি অঙ্গফৗরনি গেজেরাও জাইখৌ মান গৈয়ি সান্নৗ, বিফৗরখৌ জৗং বাংসিন মান হৗ। আরৗ অঙ্গফৗরনি গেজেরাও জাইফ্রা নাইথাওয়ি বেফৗরখৌ জৗঙৗ বিশেষ সিখমায়ৗ, নাইনৗ মৗজাং অঙ্গফৗরখৌ জৗং এছেবাং মান হৗয়া। নাথায় ঈশ্বৗরা মৗদৗমনি গাছেন অঙ্গফৗরখৌ জ' খৗলামবায়, আরৗ মান গৈয়ি সানজানায় অঙ্গফৗরখৌনৗ বাংসিন মান হৗবায়, যেন দেহায়াও বাহাগৗ দাজাথারথৗং, নাথায় বি অঙ্গফ্রা গাওজৗং গাও সমান সানৗ। ববেবা মৗনছে অঙ্গয়া সৈনাংব্লা, বিজৗং লৗগৗছে গাছৈবৗ সৈফানাঙৗ, বিনি ববেবা মৗনছে অঙ্গয়া বাখ্নাইজায়ৗব্লা, লৗগৗছে সাফ্রামবৗ অঙ্গয়া রংজাফায়ৗ।
দা নৗংছৗর গাছেনবৗ খ্রীষ্টনি দেহা, আরৗ নৗংছৗর সাফ্রৗমবৗ বিনি মৗনফা মৗনফা অঙ্গ। আরৗ ঈশ্বৗরা মন্ডলীয়াও সিগাঙাও প্রেরিতফৗর, খননৈয়াও নবিফৗরখৌ, খনথামাও ফৗরৗংগ্রাফৗরখৌ ফছংবায়, বিনি উনাও সৗমৗ গৗনাং খামানি মাওগ্রাফৗর, বিনি উনাও রগ ছৗখাগ্রা দানফৗর, গুবুনখৌ হেফাজাব হৗগ্রাফৗর, দৈদেনগিরিফৗর, আরৗ আলাদা আলাদা রাও রাইনৗ হাগ্রাফৗর ফছংবায়। বিছৗরৗ বয়বৗ কি প্রেরিতফৗর? বয়বৗ কি নবিফৗর? বয়বৗ কি ফৗরৗংগ্রাফৗর? বয়বৗ কি সৗমৗ গৗনাং খামানিফৗর মাওয়ৗ? বিছৗর বয়হাবৗ কি জব্রাফৗরখৌ ছৗখানৗ দানফৗর দং?, বয়বৗ কি গুবুন গুবুন রৗখৗম রাওফৗর বুঙৗ? বযবৗ কি বুংনায়ফৗরখৌ বিজিৎনানৈ খৗথায়ৗ? নৗংছৗর গৗনাংসিনথার দানফৗরখৌ মৗন্নৗ গৗসৗ হৗ। থেওবৗ আং নৗংছৗরনৗ বয়নিখুরৈ বাংসিন সাবসিনখৌ লামাখৌ দিন্ঠিনায়ছৈ।
Source notes (1)
- Cross-reference রোমীয় 12:4–5
Mech. Copyright © The Seed Company. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.