Skip to content
BibleKenya

Mech

1 করিন্থীয় 11

আং জৗরৈ খ্রীষ্টনি উদাহারনখৌ উন উন ছৗলৗঙৗ, নৗংছৗরবৗ আং বাদি ছৗলৗং।1

মন্ডলীয়াও হিন্জাওফৗর খর'য়াও সি' খাখ্লুবনায়

আঙৗ নৗংছৗরখৌ বাখ্নায়ৗ মানৗনা নৗংছৗরৗ আংখৌ গৗসৗ খাংফ্লাইয়ৗ, আরৗ আং জৗরৈ নৗংছৗরখৌ ফৗরৗংদৗং বেবাদিনৗ নৗংছৗরৗ বে ফৗরৗংনায়খৌ দৗন। নাথায় আঙৗ নৗংছৗরনৗ মিথিহৗনৗ হাস্থায়ৗ, খ্রীষ্টআ সাফ্রৗমবৗ হৌয়াফৗরনি খর', হৌয়াআ হিন্জাওনি খর', আরৗ ঈশ্বৗরা খ্রীষ্টনি খর'। বিনিখাইনৗ জাই হৌয়াআ খর' খাখ্লুবনানৈ প্রার্থনা খৗলামৗ এবা ভাববাণী বুঙৗ, বিয়ৗ গাওনি খর'খৌ অপমান খৗলামৗ। নাথায় জাই হিন্জাওয়া খর' খাখ্লুবমামাৎনিন প্রার্থনা খৗলামৗ এবা ভাববাণী বুঙৗ, বিয়ৗ গাওনি হৌয়াখৌ লাজি ফৗনাঙৗ, মৗনৗনা বিয়ৗ খানাই ছিনজানায় হিন্জাও বাদি জায়ৗ। মানৗনা ছৗরবা হিন্জাওয়া খর' খাখ্লুবমাব্লা, বিয়ৗ খানাই হাছজাথৗং। নাথায় খানাই ছিনজানায় এবা খানাই হজানায়া হিন্জাওফৗরনি থাখৈ লাজিনায়নি খৗথাব্লা, বিয়ৗ খর' খাখ্লুবথৗং। সাছে হৌয়াআ খর' খাখ্লুবনৗ নাঙা, মানৗনা ঈশ্বৗরা হৌয়াফৗরখৌ গাওখৌ বাদি দাদৗং, আরৗ হৌয়াফৗরজৗং বিনি মহিমায়া নুজায়ৗ; 2নাথায় হিন্জাওফৗরজৗং হৌয়াফৗরনি মহিমায়া নুজায়ৗ। মানৗনা হিন্জাওনিফ্রায় হৌয়াআ ফৈয়াখৈ, হৌয়ানিফ্রায়ছৗ হিন্জাওয়া ফৈদৗং3। আরৗ হিন্জাওনি থাখৈ হৌয়াআ দাজায়াখৈ, নাথায় হৌয়ানি থাখৈছৗ হিন্জাওয়া দাজাদৗং। বিনিখাইনৗ আরফ'ফৗরনি থাখৈ হিন্জাওফ্রা গাওনি একথিয়ারনি সিঙাও থানায়খৌ দিন্ঠিনৗ খর' খাখ্লুবনৗ নাংগৌ। থেওবৗ, জৗঙৗ ফৗরবুনিয়াও থানায়াও হিন্জাওনৗ হৌয়াখৌ নাঙা অৗঙা, আরৗ হৌয়ানৗ হিন্জাওখৌ নাঙা অৗঙা। মানৗনা হিন্জাওয়া জেরৈ হৌয়ানিফ্রায় ফৈদৗং, বেবাদিনৗ হিন্জাওফৗরজৗং হৌয়াফ্রাবৗ সারিজাদৗং; নাথায় বেফৗর মৗনফ্রৗমবৗ ঈশ্বৗরনি ফ্রায়।

নৗংছৗরৗ গাওছৗরনৗ বিচার খৗলামদৗ, ঈশ্বৗরনেও হিন্জাওফ্রা খর' খাখ্লুবমামাৎনিন প্রার্থনা খৗলামনায়া মৗজাং অৗংগৌ না অৗঙা? জগৎনা নৗংছৗরখৌ ফৗরৗঙৗ, হৌয়ানি থাখৈ খানাই গৗলাও লানায়া লাজিনায়নি বিষয়, নাথায় হিন্জাওফ্রা খানাই গৗলাও লানায়া মহিমানি বিষয় খর'খৌ খৗবনৗ হিন্জাওফৗরনৗ খানাই গৗলাও হৗনায় জাদৗং। নাথায় বে খৗথাখৌ লানানৈ ছৗরবায়া তর্ক হৗনৗ হাস্থাইব্লা, আংনি বুংনাংগৌয়া বে বান, জৗংহা আরৗ ঈশ্বৗরনি মন্ডলীয়াও বিনি অনগায়ৈ গুবুন নিয়ম গৈয়া।

ফৗরবুনি ভোজ

(মথি 26:26–29; মার্ক 14:22–25; লূক 22:14–20)

দা আং নৗংছৗরনৗ ফৗরৗংনায় নিয়মফৗরখৌ নৗংছৗরৗ জেরৈ ফালিবৗদৗং, বে নৗংছৗরনি ফালিবৗনায় নিয়মখৌ আং বাখ্নাইয়া, মানৗনা নৗংছৗরনি জ'জানায়াও মৗজাংনিখুরৈ হানিসিনছৗ জাদৗং। সিগাঙাও, আং খৗনাদৗং, নৗংছৗরনি গেজেরাও গৗরৗবজ্লায়ি দং হৗন্নানৈ, জেব্লা নৗংছৗরৗ মন্ডলীয়ৈ জ' জায়ৗ, আরৗ আং ফৗথায়ৗ বেয়াওনি বিহা ইছে সত্য দং। গৗনৗ গৗথৗ গৈয়ামাৎনিন নৗংছৗরনি গেজেরাও আলাদা জাখানাংগৌ, ঈশ্বৗরনি গনায়থিয়া নৗংছৗরনি গেজেরাও ছৗরনেও দং বেখৌ দিন্ঠিনৗ। জেব্লা, নৗংছৗরৗ জানাইনি থাখৈ জ' জাফৈয়ৗ, অব্লা ফৗরবুনি ভোজ জানায় জায়া নামা, মানৗনা জেব্লা নৗংছৗরৗ জায়ৗ, রাওবৗ রাওখৌবৗ নেয়ামাৎনিন গাও গাও জাগ্রৗয়ৗ, বেনি বিথাইয়া, জানাইয়াওবৗ খাইছেয়া উখৈনানৈ থায়ৗ আরৗ খাইছেয়া লৗংনানৈ ফৈয়ৗ। জানৗ আরৗ লৗংনৗ থাখৈ নৗংছৗরহা গাওবা গাও ন্ব'ফৗর গৈয়া নামা? আরৗ নৗংছৗরৗ ঈশ্বৗরনি মন্ডলীখৌ মুগৈজাথাও খৗলামনৗ আরৗ গৈজায়িফৗরখৌ লাজি ফৗনাংনৗ বেখৌ খৗলামৗ! আঙৗ নৗংছৗরখৌ মা হৗন্নায়? আঙৗ নৗংছৗরখৌ বাখ্নাইনৗ? অৗঙা, আং বাখ্নাইয়া!

বিনিখাইনৗ আং ফৗরবুনিফ্রায় জেখৌ মৗন্দৗং, বেখৌনৗ আং নৗংছৗরনৗ গথাইদৗং, ফৗরবু যীশুআ, হমনানৈ গথাইজানায় হরাও, সিঠাওখৌ লানানৈ ছিফাইদৗং, আরৗ বিয়ৗ ঈশ্বৗরখৌ ধন্যবাদ হৗনানৈ সিঠাওখৌ ছিফাইনানৈ হৗন্দৗং, “বেনৗ আংনি মৗদৗম, আংখৌ গৗসৗখাংনৗ থাখৈ বেখৌ খৗলাম।” বেবাদিনৗ জাখাংনায়নি উনাও বিয়ৗ খুরৈখৌবৗ লানানৈ হৗনবায়, “বে খুরৈয়া আংনি থৈজৗং খানায় গৗদান চুক্তি, লৗংগাফ্রৗমবৗ আংখৌ 4গৗসৗখাংনৗ বেখৌ খৗলাম।” মানৗনা ফৗরবুআ জেব্লাসিম ফৈয়া বে সিঠাওখৌ নৗঙৗ জেব্লানৗ জানায় আরৗ বে খুরৈনি থৈখৌ লৗংনায়, নৗংছৗরৗ বিনি থৈনায়খৌ প্রচার খৗলামৗ।

বিনিখাইনৗ জাইয়া এরৈ বাদি যে ফৗরবুখৌ মান হৗয়া বে সিঠাওখৌ জায়ৗ, আরৗ বে খুরৈখৌ লৗঙৗ, বিয়ৗ ফৗরবুনি মৗদৗম আরৗ থৈনি বিরুদ্ধনাও দায়নিগিরি আরৗ পাপ খৗলামৗ। বিনিখাইনৗ বে সিঠাওখৌ জানায়নি সিগাং আরৗ খুরৈখৌ লৗংনায়নি সিগাং সাফ্রৗমবৗ গাও গাওখৌ আনজাৎ খৗলামগ্রৗথৗং। মানৗনা ফৗরবুনি মৗদৗমখৌ ছিনায়ালাবমানৗ জানায় আরৗ লৗংনায়জৗং বিয়ৗ গাওনি ছায়াও গাওনৗ বিচারখৌ লাবৗয়ৗ। বিনিখাইনৗ নৗংছৗরনি গেজেরাও গৗবাঙানৗ জব্রা আরৗ বৗলৗ গৈয়িফৗর, আরৗ গৗবাঙানৗ থৈনাইয়াও উন্ডুস্লথবায়। নাথায় জৗঙৗ যদি গাওছৗরখৌ গাওনৗ বিচার খৗলামৗনব্লা জৗঙৗ ঈশ্বৗরনি বিচারনি সিঙাও গৗগ্লাইনায় অৗঙা। অব্লাবৗ, ফৗরবুজৗং জেব্লা জৗঙৗ বিবাদি বিচার খৗলামজায়ৗ, জাহাথে জৗঙৗ সংসারনি মানসিফৗরজৗং জৗবথানাইয়াও দায় হমজায়ি বাদি জৗংখৌ নিয়মমাও দৗন্নৗ। বিনিখাইনৗ, ও আংনি বিদা-ফংবায়ফৗর আরৗ বিবো-বিনানাওফৗর জেব্লা নৗংছৗরৗ ফৗরবুনি ভোজ জানৗ জ'জায়ৗ, অব্লা নৗছৗরৗ গাওজৗং গাওনি থাখৈ নে। যদি ছৗরবায়া উখৈদৗংব্লা, বিয়ৗ ন্ব'য়াও ইছে জানাংথারনাংনায়, জেব্লা নৗছৗরৗ জ' জানায় অব্লা নৗংছৗরৗ বিচার খৗলামজানায় অৗঙা। আরৗ আং জেব্লা ফৈনায় অব্লা আং গুবুন বিষয়ৈ বাংসিন সৗংথায়ফৗরখৌ হৗনায়।

Source notes (4)
  1. Cross-reference 1 করিন্থীয় 4:16; ফিলিপীয় 3:17
  2. Cross-reference জাগাইজেন্নায় 1:26–27
  3. Cross-reference জাগাইজেন্নায় 2:18–23
  4. Cross-reference অৗংখাৎলাংনায় 24:6–8

Mech. Copyright © The Seed Company. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-11-09.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.