OL SAM 48

Saeon i taon blong Hae God

(Sing ya, ol pikinini blong Kora oli wokem.)

(Tok i go long ol man.)

1Hae God i God blong yumi,

mo hem i hae we i hae.

Long taon ya blong hem,

long tabu hil* ya blong hem,

yumi mas leftemap nem blong hem i go antap. 21

God, hem i King we i gat paoa,

mo Saeon,* hil ya blong hem i hae,

mo i gudfala tumas,

mo taon ya blong hem i stap mekem

ol man long olgeta ples long wol oli glad.

3God i soemaot finis

we taem yumi stap wetem hem,

long ol strong sefples insaed long taon ya,

yumi save stap gud.

4Ol king blong ol narafala kantri oli kam wanples,

nao oli kam hivap raon long taon ya

blong mekem faet long yumi.

5Be taem oli luk taon ya,

oli sapraes tumas,

nao oli fraet, oli ronwe.

6Oli fraet we oli fraet,

nao oli harem nogud tumas

olsem woman we i wantem bonem pikinini blong hem.

7Oli olsem sip

we bigfala win i stap sakem i go olbaot.

8Hae God i gat olgeta paoa,

mo hem i God blong yumi.

Ol samting ya we hem i bin mekem bifo,

yumi harem finis,

mo naoia yumi luk bakegen

long taon ya blong hem.

Hem bambae i holem taon ya

i stap gud oltaem nomo,

gogo i no save finis.

(Tok i go long God.)

9God,

insaed long haos* blong yu,

mifala i stap tingting long fasin ya blong yu,

we oltaem yu yu lavem man tumas.

10Olgeta man long evri ples

oli stap presem yu,

mo hae nem blong yu

i finisim olgeta ples long wol.

!Yu yu stap rulum ol man long stret fasin!

11!I gud mifala evriwan long Saeon,

mifala i glad!

!Yu yu stap jajem ol man long stret fasin!

!I gud mifala evriwan long ol taon long Juda,*

mifala i glad!

(Tok i go long ol man.)

12Ol man blong God,

yufala i wokbaot

i goraon long bigfala taon ya Saeon.

Yufala i kaontem ol wajhaos* blong hem,

13yufala i luklukgud bigfala stonwol blong hem,

mo yufala i makemgud ol strong haos blong hem,

blong yufala i save talemgud long ol pikinini

we bambae oli kamaot biaen long yufala se,

14“God ya blong Saeon,

hem i God blong yumi.

Hem bambae i God blong yumi oltaem,

mo bambae hem i lidim yumi,

gogo i no save finis.”