Sarmur 36

Esau kpu vyesi

1Ine irya Esau kpu vyesi, Esau sap i kako ve Edom. 2Esau fyarvuk kuker vin Kanaan ri kyor, sisoine: Ada, Elon snonkaku Het inai vyediri; Oholibama, Ana inai vyedi ma Sibeon1 snon Hewi2 kpu vyediri; 3Basmat Ismael inai vyedi ma Nebayot srar vyedirya.3 4Ada ikapar Elifas, Basmat ikapar Rehuel, 5Oholibama ikapar Yeus, Yaelam ma Korah. Romawa sinekam sikapar si ro sup Kanaan.

6Esau ibur Yakub i ma ryave sup vese ma dun swa vyansya, romawa vyesya ma snonkaku vero rum vyejansyakam, kuker rofanfan ma nana vebor vyena ismai kwar ro Kanaan. 7Esau ma Yakub sukain kayamba snar nana suvena nabor rape, vesyawer ido saprop mov sukain ro anya maper avris no namkei mankun faro rofanfan suvansyava snar sibor mankenem. Inja ipyum syadi suve sisye. 8Inja Esau sap kako ve Edom kyain ro bonvepampyam Seir.

9Esau irya up ro er Edom vekain ro bonvepampyam Seir. Ine irya snonsnon ro kpu vyesi. 10-13Esau swa vyedi venir ve Ada ikapar romawa snonya snori Elifas. Ma Elifas ikapar romawa snon di rim, sisoine: Teman, Omar, Sefo, Gaetam ma Kenas. Elifas vye kya vin oso snori Timna. Ikapar romawa snonya snori Amalek.

Esau swa vye venir ve Basmat ikapar romawa snon oser snori Rehuel. Rehuel ikapar romawa snon di fyak, sisoine: Naha, Serah, Syama ma Misa.

14Esau swa vye Oholibama ikapar romawa snon di kyor, sisoine: Yeus, Yaelam ma Korah. Oholibama inido Ana inai vyedi ma Sibeon kpu vyedirya.

15Sine sirya sinan eve vukor ro er vebor ro Esau kpu vyesi: Elifas, Esau romawa rakya irya up ro er vebor sine, sisoine: Teman, Omar, Sefo, Kenas, 16Korah, Gaetam ma Amalek. Sinekam sve up ro Ada ma Esau.

17Rehuel, Esau ma Basmat romawa suvedi, vye up faro er min sine wer, sisoine: Nahat, Serah, Syama ma Misa. Er vebor ansinekam Esau swa vye Basmat kpu vyesiri.

18Er min sine wer sirya Esau kpu vyesi ro swa vyedi venirve Oholibama, Ana inai vyedi, sisoine: Yeus, Yaelam ma Korah. 19Er vebor ansine kam sirya Esau kpu vyesiri.

Seir kpu vyesi

(1Taw. 1:38-42)

20-21Kawasa supri mankun vekain ro sup Edom,4 sinido Seir snon Hori kpu vyesirya. Er ansine sisoine: Lotan, Syobal, Sibeon, Ana, Disyon, Eser ma Disyon. Sinido snonvukor ro er ansine.

22Lotan irya up ro er Hori ma Heman. (Lotan srar vyedi isoine Timna.)

23Syobal inido up ro er sine, sisoine: Alwan, Manaha, Ebal, Syefo ma Onam.

24Sibeon ismai romawa snon ri suru, susoine, Aya ma Ana. (Ana iso vesrow war mkamor vesam na ro maper, fafisu myam warek keledai kmar vyesi.) 25Ana romawa vyedi isoine: Disyon ma inaiya isoine Oholibama. 26Disyon romawa vyesi sisoine Hemdan, Esyban, Yitran ma Keran.

27Eser romawa vyesi sisoine: Bilhan, Saawan ma Akan.

28Disyon romawa vyesuya suiso suine, Us ma Aran

29-30Sine sirya er vebor Hori ro sup Seir, sisoine: Lotan, Syobal, Sibeon, Ana, Disyon, Eser ma Disyon.

Wairek vero Seirsya

(1Taw. 1:43-54)

31-39Sine sirya Wairek vekif vave sasoser ro sup Seir ro fafisu wairek no sikif vave sasoser ro Israel vaim, sisoine:

Bela, Beor romawa vyedi veraker Dinhaba

Yobab, Sera romawa vyedi veraker Bosra

Husyam veraker Teman.

Hadad, Bedad romawa vyedi veraker Awit (Iso Vemerkar snonkaku Midian sya ro farmamun veba ro sup Moab).

Samla veraker Masreka.

Saul veraker Rehobot vero kar marei vebaya.

Baal-Hanan, Akhbor romawa vyedi.

Hadar veraker Pahu (swa vyedi snori Mehetabeel, Matred inai vyedi ma Mesahab kpu vyedi).

40-43Esau irya up ro er vebor Edom, sisoine: Timna, Alwa, Yetet, Oholibama, Ela, Pinon, Kenas, Teman, Mibsar, Magdiel, ma Iram. Er ansine svuk snonsnon sena nap sup fyor skain ro na.