भजन 92

परसंसा कर गाना

भजन। सुस्ताय कर रोज के निता गाना

1यहोबा कर धन्यबाद करैके भला हबै,

हे परमपरधान, तोर नाम कर भजन गाना,

2सकरहा के तोर करुना माया,

अउ हर रात तोर सच्चाई कर परचार करैके,

3दस तारबाले बाजा अउ सारंगी हे,

अउ बीडा हे गंभीर आरो सुर लग गायके भला हबै।

4काखे, हे यहोबा, तै मोके अपन काम लग मगन करे हबस,

अउ मै तोर हाथन के कामन के कारन जयजयकार करिहों।

5हे यहोबा, तोर काम का ही बडा हबै,

तोर बिचार बोहत गंभीर हबै।

6मूरुख मनसे इके नेहको समझथै,

अउ मूरुख एखर बिचार नेहको करथै।

7कि दुस्ट मनसे जउन चारा के जसना फूलथै-फडथै,

अउ सगलू अनर्थकारी जउन खुस होथै, हइ इहैनिता होथै

कि उन हरमेसा के निता नास हुइ जाय।

8पय हे यहोबा, तै हरमेसा बिराजमान रइहे।

9काखे हे यहोबा, तोर बैरी, हव तोर बैरी नास हुइहीं,

सगलू अनर्थकारी छिदर-बिदर हुइहीं।

10पय मोर सींग तै पतेरा बिजरा कर जसना ऊंच करे हबस,

मै तेल लग चुपरे गय हबो।

11मोर आंखी मोर बैरिन हार देखे हबै, अउ उन कुकरमिन के हाल

जउन मोर बिरुध्द उठे रथै, मोर कान सुनके संतुस्ट होय हबो।

12धरमी मनसे खजूर कर जसना फुलही फडही,

अउ लबानोन के देवदारन कर जसना बढत रइहीं।

13उन यहोबा कर भवन हे लगाय गइस,

हमर भगवान के अंगनन हे फुलही फडही।

14उन पुरान होय लग फरत रइहीं,

अउ रस भरे अउ लहलहात रइहीं।

15जेखर लग हइ परगट होय कि यहोबा सच्चा हबै,

ऊ मोर चट्टान हबै, अउ ओहमा कुटिलता कुछु नेहको।