भजन 85

रास्ट के कल्यान के निता बिनती

परधान बजामैबाले कर निता कोरह वंसिन कर भजन

1हे परभु, तै अपन देस लग खुस हुइस,

तै याकूब के बन्दी लग लउटा लइ आथै।

2तै अपन परजा के मनसेन के पाप छमा करथै,

तै ओखर सगलू पापन के मूंद दइस।

3तै अपन गुस्सा के सांत करथै,

अपन कोप आगी के सांत करथै।

4हे हमर उध्दार करता भगवान,

हमके फेरै स्थिर कर, अपन गुस्सा हमर लग दूर रख।

5काखे तै सदा हमर लग नराज रही?

काखे तय पीढी लग पीढी अपन गुस्सा बनाय रखही?

6काखे तै हम के फेर जिंदा नेहको करही

जेखर तोर कुल तोर हे खुसी होय?

7हे परभु, हम अपन करुना अपन माया के बाचा देखा,

हमर मुकति कर।

8मोके सुनै दे, कि परभु भगवान काखे कथै? ऊ अपन कुल लग,

अपन भक्तन मनसे लग अउ उनखर लग,

जउन हरदय लग ओखर पल्ला लउटे हबै सान्ति पूरवक बचन गुठेथै।

9निस्चित परभु के मुकति उन मनसेन के लिघ्घो हबै जउन उहै के डेराथै,

परभु के महिमा हमर देस हे निबास करही।

10करुना अउ सच्चाई आपस हे मिल गइस,

नियाइपन अउ सान्ति आपस हे मिल गइस।

11बिस्वासओग भुंइ लग निकडथै,

अउ नियाइपन स्वरग लग दिखथै।

12आखरी हे परभु बरदान देही,

अउ हमर भुंइ अपन उपजा भेंट करही।

13नियाइपन ओखर आगू-आगू चलही

अउ अपन पद-निसान लग गली बनाही।