भजन 81

तेउहार के निता अक्ठी गाना

परधान बजामैबाले के निता गित्तीथ राग हे आसाप कर भजन

1भगवान जउन हमर बल हबै, ओखर गाना खुसी लग गइहा,

याकूब के भगवान कर जयजयकार करा।

2भजन गाबा, डफली अउ मधुर बजे बाले बीडा

अउ सारंगी के लइ आबा।

3नबा जोनइहा कर रोज,

अउ पुनवासी के हमर तेउहार कर रोज नरसिंगा फूंका।1

4काखे हइ इस्राएल कर निता बिधि,

अउ याकूब कर भगवान के ठहराय हर नियम हबै।

5एखर उके यूसुफ हे चेताय के रीति हे ऊ टेम चलाइस,

जब ऊ मिस्र देस के बिरुध्द चलों,

उहां मै असना भासा सुनो जेही मै नेहको जानथों।

6मै उनखर खांधा लग बोझा के उतार दइस,

उनखर टोपरी ढोमै के मोर हाथ लग छूट गइस।

7तै संकट हे पड के गोहराय, तब मै तोके छंडायो,

बादर गरजै के लुकय के जिघा मसे मै तोर सुनो,

अउ मरीबा नाम के झरना के लिघ्घो तोर परिक्छा करिस।2

8हे मोर परजा के मनसे सुना, मै तोके सचेत करथों।

हे इस्राएल, भला होय कि तै मोर सुना।

9तोर बीच हे पराय भगवान नेहको होय, अउ न तै कउनो पराय देउता लग बिनती करबे।

10मै तोर भगवान यहोबा हव,

जउन तोके मिस्र देस लग निकाड लाय हबै,

तै अपन मुंह उघार, मै उके भर देहुं।3

11“पय मोर परजा के मनसे मोर नेहको सुनिन,

इस्राएल मोर बात नेहको मानिन।

12इहैनिता मै उके ओखर मन कर हठ्ठी हे छांड दइस,

कि ऊ अपनै योजना कर मेर चलै।

13अगर मोर परजा कर मनसे मोर सुनै,

अगर इस्राएल मोर गली हे चलै।

14ता मै छिन भर हे उनखर बैरिन के दबाहुं,

अउ अपन हाथ उनखर धोखेबाज के बिरुध्द चलाहूं।

15जउन मोर लग घिरना करथै, उन मोर आगू डेर के मारे झुकहिन,

उनखर सजा हरमेसा रथै।

16मै उनके बढिया लग बढिया गोंहू खबातों

अउ मै पटपर हे रस लग उनके अघवाय करतों।”