भजन 60

मुकति कर निता बिनती

परधान बजामै बाले कर निता, दाऊद कर मिक्तान सूसनदूत राग हे, सिक्छादायक ऊ अरसनहरैम अउ अरमसोबा लग लडथै, अउ योआब लउटके लोन कर मइदान हे एदोमिन मसे बारा हजाड डउका मार लेथै।

1हे भगवान, तै हम के छांड दय, अउ हम के टोर डारे हबै,

तै गुस्सा होय, फेर हम के जसना के तसना कर दे।

2तै भुंइ के कंपाय अउ फार डारे हबै,

ओखर दरारन के भर दे, काखे ऊ डगमगाउत रहै।

3तै अपन परजा के कठिन दुख भुगताय,

तै हमके लडखडाय देयबाले दाखमधु पिलाय हबस।

4तै अपन डराय बालेन के झन्डा दय हबस,

कि ऊ सच्चाई के कारन फहराय जाय।

5तै अपन दहिना हाथ लग बचा, अउ हमर सुन ले

कि तोर पिरिय, छंडाय जाय।

6भगवान पवितरता के संग बोले हबै,

अउ हमर खुसी हुइहों,

मै सकेम के भुंइ बांट लइहों, अउ सुक्कोत के तराई के नपवाइहों।

7गिलाद मोर हबै, मनस्से मोर हबै,

अउ एप्रैम मोर मूंड के टोप

यहूदा मोर राजदंड हबै।

8मोआब मोर धोमै के बरतन हबै,

मै एदोम हे अपन बूट फेकिहों,

हे पलिस्तीन, मोरै कारन जयजयकार कर।

9मोके गढै बाले सहर हे कोन पहुंचाही?

एदोम तक मोर अगुवाई कोनहर करे हबै?

10हे भगवान, का तै हमके छांड नेहको दय?

हे भगवान, तै हमर सिपाही के संग नेहको जाथस।

11बैरी के बिरुध्द हमर मदत कर,

काखे मनसे के करे हर छुटकारा बेकार होथै।

12भगवान के मदत लग हम बीरता देखइबे,

काखे हमर बैरी के उहै कचरी।