भजन 6

संकट के टेम दया कर बिनती

परधान बजामै बाले कर निता, तारबाले बाजन कर संग खरचा कर राग हे, दाऊद कर भजन

1हे यहोबा, तै गुस्सा लग मोके झइ गधार,

तै मोके अपन गुस्सा लग सजा झइ दे।

2हे यहोबा, मोर हे दया कर, काखे मै बिना बल के हबो,

परभु मोके चंगा कर, काखे मोर हाडन हे बेचैन हबै।

3मोर परान बोहत घबराथै,

पय तै, हे यहोबा कब तक तोर इन्तजार करिहों?

4परभु लउट अउ मोर परान बचा,

अपन दयालु स्वभाव के कारन मोके मुक्त कर।

5काखे मिरतू के बाद तोर सुरता नेहको होथै,

कउन मनसे मिरतू लोक हे तोर धन्यबाद करही?

6हे भगवान सगला रात मै तोके गोहरायों,

मोर जठना मोर आंसू लग फिल गय हबै,

रोज दिना मोर जठना आंसू लग फिलथै।

7मोर आंखी दुख लग धुंधरी होमै लगे हबै,

मोर बैरिन के कारन

कमजोर हुइ गय हबै।

8हे सब बिनासकारी मोर लग दुरिहां हुइ जा,

काखे परभु मोर रोमै के सब्द सुन लय हबै।

9परभु मोर बिनती अउ निबेदन सुने हबै,

ऊ मोर बिनती स्बीकार करही।

10मोर सब बैरी लजाय अउ बोहत घबरइहिन,

उन पिठार देखइहिन अउ छिन-भर हे उनखर असफल हुइहिन।