Bhumiya
भजन 148
सगलू स्रस्टी भगवान के महिमा करै
यहोबा के स्तुति करा,
यहोबा के स्तुति स्वरग मसे करा,
ओखर स्तुति ऊंच जिघन हे करा।
हे ओखर सगलू दूतन, ओखर स्तुति करा,
हे ओखर सगलू सिपाही ओखर महिमा करा।
हे बेरा अउ जोनइहा ओखर महिमा करा,
हे सगलू चमकदार तारागड ओखर महिमा करा।
हे सब लग ऊंच आकास अउ हे आकास के उप्पर बाले जल,
तुम दुनों ओखर महिमा करा।
उन यहोबा कर नाम के स्तुति करै,
काखे उहै आदेस दइस अउ इन सिरज गय।
अउ उके उनखर हरमेसा के निता स्थिर करिस,
अउ असना टीमा ठहराय हबै, जउन टरै के नेहको।
भुंइ मसे यहोबा के स्तुति करा,
हे समुन्दर कर जीव अउ गहिरा सागर।
हे बिजली अउ ओर, हे बरफ अउ कुहिरा,
हे ओखर बचन मानैबाले भंयकर हवा।
हे डोंगरन अउ सगलू टीलन,
हे फलदाई रूखन अउ सगलू देवदारन
हे पतेरन-पसुन अउ सगलू घर उहां पसुन,
हे रेंगैबाले जानबर अउ हे चिरइया।
हे भुंइ के राजन, अउ राज-राज के सगलू मनसेन,
हे परधानन अउ भुंइ के सगलू नियाव।
हे सगियान अउ कुमारिन,
हे पुरनियन अउ लरकन।
यहोबा कर नाम के स्तुति करा,
काखे केबल ओखर नाम बडा हबै,
ओखर सोभा अराम भुंइ अउ आकास उप्पर हबै।
ऊ अपन परजा के निता अक्ठी सींग ऊंच करिस,
ऊ ओखर सगलू पुजारिन के निता, मतलब इस्राएलियन के निता
अउ ओखर आगू रहैबाले परजा के निता स्तुति करै के बिसय हबै।
यहोबा कर स्तुति करा।
Bhumiya. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.