Bhumiya
भजन 142
सहायता कर निता बिनती
दाऊद कर मस्कील, जब ऊ गुफा हे रथै।
मै यहोबा के दुहाई देथो,
मै यहोबा लग गिडगिडाथो,
मै अपन सोक के बात ओखर लग खुलके कथो,
मै अपन समस्या ओखर आगू परगट करथो।
जब मोर आतमा मोर भित्तर लग बैजुंग होत रहै,
तब तै मोर दसा के जानथस,
जउन रास्ता लग मै जायबाले रथो,
उहै हे उन मोर निता फांदा लगाइस।
मै दहिना पल्ला देखो,
पय कउनो मोके नेहको देखिन,
मोर निता सरन कहुं नेहको रहिस,
न मोके कउ पूछथै।
हे यहोबा, मै तोर दुहाई दय हव,
मै कथो, तै मोर सहारा हबस,
मोर जीते जी तै मोर भाग हबस।
मोर चिल्लाहट के धियान दइके सुन,
काखे मोर बडी दुरदसा हुइ गय हबै,
जउन मोर पाछु पडे हबै, उनखर लग मोके बचा ले,
काखे ऊ मोर लग जादा सक्तिबाले हबै।
मोके बंदीग्रह लग निकाड, कि मै तोर नाम के धन्यबाद करों,
नेक मनसे मोर चारो पल्ला अइहिन,
काखे तै मोर अहसान करिहे।
Bhumiya. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.