भजन 137

बंदीग्रह हे इस्राएल के बिलापगाना

1बेबीलोन के नदियन कर टाठा हे हम बइठ गयन,

अउ सिय्योन के सुरता करके रोय पडन।

2ओखर बीच के मजनू रूखन हे

हम अपन वीडन के टांग दइस।

3काखे जउन हम के गुलामी बनाय के लइ गय रथै,

उन उहां हमर लग गाना गवामै चाहै, अउ हमर रोबामै बाले हमर लग खुसी चाहके कथै,

“सिय्योन कर गाना मसे हमर निता कउनो गाना गाबा।”

4हम यहोबा कर गाना के

दूसर देस हे कइसन गइ?

5हे यरुसलेम, अगर मै तोके बिसर जांव,

ता मोर दहिना हाथ झुराय जाय।

6अगर मै तोके सुरता जइ रखो,

अगर मै यरुसलेम के,

अपन सगलू खुसी लग बडा झइ जानो ता मोर जीभ तालू लग चिपक जाय।

7हे यहोबा, यरुसलेम कर दिन के,

एदोमियन के बिरुध्द सुरता कर,

कि ऊ कइसन कथै, “गिराबा”

ओही नीह लग गिराय देया।

8हे बेबीलोन, तै जउन उजडै बाले हबस,

का धन्य ऊ होही, जउन तोर लग असना बरताव करहीं

जसना तै हमर लग करे हबस।

9का धन्य ऊ होही, जउन तोर लरका के पकडके,

पथरा हे पटक देही।