Bhumiya
भजन 113
स्तुति कर योग नाम
यहोबा कर स्तुति करा,
हे यहोबा कर दासन स्तुति करा,
यहोबा कर नाम के स्तुति करा,
यहोबा कर नाम अब लग लइके
हरमेसा तक धन्य कहे जाय,
उदियाचल लग लइके अस्ताचल तक,
यहोबा कर नाम स्तुति के योग हबै।
यहोबा सगलू देस कर उप्पर बडा हबै,
अउ ओखर महिमा बादर लगो ऊंच हबै।
हमर भगवान यहोबा कर बरोबरी कोन हबै?
ऊ तो ऊंच हे बिराजमान हबै,
अउ बादर अउ भुंइ हे
द्रस्टी करै कर निता झुकथै।
ऊ भिखारिन के माटी लग
अउ गरीबन के घूरे लग उठायके ऊंच कर ऊंच करथै,
कि ओही परधान कर संग,
मतलब अपन परजा के परधान कर संग बइठाइस।
ऊ बांझ के घर हे लरका-बच्चा के
आनंद करैबाले दाय बनाथै।
यहोबा कर स्तुति करा।
Bhumiya. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.