भजन 108

बैरिन के बिरुध्द मदत के निता बिनती

(भजन 57:7-11; 60:5-12)

गाना दाऊद कर भजन

1हे भगवान, मोर हिरदय स्थिर हबै,

मै गइहों,

मै अपन आतमा लग भजन गइहों।

2हे सारंगी अउ बीना, जाग,

मै खुद सुबेन्ने होत उठ जइहों।

3हे यहोबा, मै देस-देस कर मनसेन के बीच मै तोर धन्यबाद करिहों,

अउ राज-राज के मनसेन कर बीच मै तोर का भजन गइहों।

4काखे तोर करुना आसमान लग ऊंच हबै,

अउ तोर सच्चाई आकासमंडल तक हबै।

5हे भगवान, तै स्वरग कर उप्पर हबस,

अउ तोर महिमा सगलू भुंइ कर उप्पर होय,

6इहैनिता कि तोर पिरिया छंडाय जाय,

तै अपन दहिना हाथ लग बचा ले अउ हमर बिनती सुन ले।

7भगवान अपन पवितरता हे हुइके कहे हबै,

“मै खुस हुइके सकेम के बांट लइहों

अउ सुक्कोत कर तराई के नपवाइहों।

8गिलाद मोर आय, मनस्से मोर आय,

अउ एप्रैम मोर मूंड कर टोपा हबै,

यहूदा मोर राजदंड हबै।

9मोआब मोर धोमै के भडवा हबै,

मै एदोम हे

अपन बूट फेकहुं,

पलिस्त हे मै जयजयकार करिहों।”

10मोके सहरपनाह बाले सहर हे हमके कोनहर पहुंचाही,

अउ एदोम तक मोर अगुवाई कोन करे हबै?

11हे भगवान, का तै हमके नेहको छांड दय अउ हे भगवान,

तै हमर सुपाही कर आगू-आगू नेहको चलथस?

12बैरिन कर बिरुध्द हमर सहायता कर,

काखे मनसे के करे हर छुटकारा बेकार हबै।

13भगवान कर सहायता लग हम साहस दिखउबे,

हमर बैरिन के उहै कचरही।