होसे 1

1यहूदा के राजा उज्जि-य्याह, योताम, आहाज अउ हिजकिय्याह के राज काल हे, अउ इस्राएल के राजा योआस के टोरवा यारोबाम कर राज काल हे यहोबा1 कर बचन बेरी कर टोरवा होसे कर लिघ्घो पहुंचिस।2

होसे कर डउकी अउ लरका

2जब यहोबा होसे के दवारा पहिली बेर बात करिस, तब ऊ होसे लग हइ कथै, “जायके अक्ठी बेसिया के अपन डउकी बनाय ले अउ ओखर बेकार कामन के लरकन के अपन लरका कर ले, काखे हइ देस यहोबा कर पाछू चलै के छांडके बेसिया कर जसना बोहत बेकार काम करथै।” 3ऊ दिबलैम कर टोरिया गोमेर के अपन डउकी बनाय लइस, अउ ऊ ओखर लग लादा हे हुइस अउ ओखर अक्ठी टोरवा पइदा हुइस। 4तब यहोबा ओखर लग कथै, “ओखर नाम इज्रेल3 धर, काखे चुटु टेम हे मै येहू कर परवार के इज्रेल के खून के सजा दइहों, अउ मै इस्राएल कर परवार के राज आखरी कर दइहों।4 5ऊ टेम मै इज्रेल के करखा5 हे इस्राएल के सेना कर सक्ति के टोर डालहुं।” 6ऊ डउकी फेरै लादा हे हुइस अउ ओखर अक्ठी टोरिया पइदा हुइस। तब यहोबा होसे लग कथै, “ओखर नाम लोरुहामा धर, काखे मै इस्राएल के परवार हे फेर कबहुन दया करके, उनखर अपराध कउनो मेर लग छमा नेहको करिहों। 7पय यहूदा के परवार हे मै दया करिहों, अउ उनही बचइहों, उनके आजाद करिहों, मै धनही या तलबार या युध्द या घोडवा अउ घुडस-वार के दवारा नेहको, पय मै भगवान यहोबा खुद उनही बचइहों।” 8जब उन डउकी लोरुहामा6 कर दूध छांडइस, तब ऊ लादा हे हुइस अउ ओखर लग अक्ठी टोरवा पइदा हुइस। 9तब यहोबा कथै, “एखर नाम लोअम्मी7 धर, काखे तुम मोर परजा नेहको हबा, अउ न मै तुम्हर भगवान हुइहों।”

इस्राएल के फेरै निरमाड

10तउभरमा इस्राए-लियन कर गिनती समुन्दर के कुदरा के जसना हुइ जइहिन, जेखर नापै-गिनै के निता मुस्किल हबै, अउ जउन जिघा हे उनखर लग हइ कहे जथै, “तुम मोर परजा नेहको हबा,” ऊ जिघा हे उन जिन्दा भगवान के लरकन कहइहिन।8 11तब यहूदी अउ इस्राएली दुनो झन अक जिघा होय अपन अक्ठी परधान ठह-रइहीं अउ अपन देस हे बढहीं, इज्रेल कर दिन बडका दिन होही।