उत्पत्ति 2

1हइ मेर भुंइ, आकास अउ ओखर हर चीज बनाय हर पूर हुइस।1 2अउ भगवान अपन काम जउन करथै, सतमा रोज पूर करिस, अउ ऊ अपन करे हर सगलू काम लग सतमा रोज सुस्ताइस।2 3अउ भगवान सतमा रोज के आसीस दइस, अउ पवितर ठहराइस, काखे ऊ दुनिया के बनाइस, अउ सगलू काम करै के बाद सुस्ताइस3। 4बादर अउ भुंइ के सुरुवात मतलब हइ हबै कि जब ऊ पइदा हुइस।

अदन कर बगिया

मतलब जउन रोज भगवान भुंइ अउ आकास के बनाइस। 5तब भुंइ हे कउनो पउधा नेहको रथै अउ खेत हे कुछ नेहको उगथै, काखे भगवान तब तक भुंइ हे बरिसा नेहको पठोय रथै अउ पउधन के देख-रेख करै बाले मनसे नेहको रथै। 6पय कोहिरा भुंइ लग उठै करथै, जेखर लग सगलू भुंइ सिंचरथै। 7तब भगवान मनसे के जमीन कर माटी लग बनाइस अउ ओखर नाक हे जीवन के सांस फूंकिस अउ मनसे अक्ठी जिन्दा परानी बन गइस।4 8अउ भगवान पूरब दिसा हे अक्ठी अदन कर बगिया लगाइस, अउ उहां आदम के जउन उके बनाय रथै, रख दइस। 9अउ भगवान हर अक्ठी निक्खा रूख अउ खाय के निता सगलू निक्खा रुखन के ऊ बगिया हे उगाइस, बगिया के बीच हे भगवान जीवन के रूख के रखिस अउ ऊ रूखो के रखिस जउन निक्खा अउ बुरा के जानकारी देथै।5 10अदन लग हुइके अक्ठी नदिया बहथै अउ ऊ बगिया के पानी देथै, ऊ नदिया आगू जाय के चार नान नदिया बन गइस।6 11पहली नदिया कर नाम पीसोन हबै, हइ उहै नदिया हबै जउन हवीला देस कर चारो पार बहथै, जिहां सोना पाय जथै। 12ऊ देस कर सोना चोख्खा होथै, उहां मोती अउ सुलैमानी पथरो मिलथै। 13दूसर नदिया कर नाम गीहोन हबै, हइ उहै नदिया हबै जउन कूस के सगलू देस के चारो पार बहथै। 14अउ तीसर नदिया कर नाम हिद्देकेल हबै, हइ उहै हबै जउन अस्सूर कर पूरब पार बहथै, अउ चउथा नदिया कर नाम फरात हबै। 15तब भगवान आदम के लइके अदन के बगिया हे रख दइस, कि ऊ ओहमा काम करै अउ ओखर देखभाल करै। 16अउ भगवान आदम के हइ आदेस दइस, तै बगिया कर सगलू रूख कर फडुहा के खाय सकथस। 17पय निक्खा अउ बुरा के ग्यान के जउन रूख हबै, ओखर फडुहा तै कबहुन झइ खाबे, काखे जउन रोज तै ऊ फडुहा के खाबे ता उहै रोज जरूर मर जइहे। 18फेर भगवान कथै, आदम के अकेल्ले रहै का निक्खा नेहको आय, मै ओखर निता अक्ठी असना संगी बनाहुं जउन ऊ ओखर लग मेराय।7 19भगवान भुंइ के हर अक्ठी जानवर अउ आकास के हर चिराइयन के बनाइस, भगवान ई सगलू जीवन के मनसे के आगू लइ आइस अउ ऊ हर अक्ठी जानवर कर नाम धरिस। 20मनसे सब पोसे बाले पसु अउ आकास कर चिरइया अउ बन पसुन कर नाम धरिस, पय आदम के निता कउनो असना सहायक नेहको मिलिस जउन ओखर लग मेराय सकै। 21तब भगवान आदम के बोहत गहरी नींद हे सोबय देथै, अउ जब ऊ सोय गइस ता भगवान ओखर अक्ठी पसली निकार के ओखर जिघा हे मांस भर दइस।8 22अउ भगवान ऊ पसली के जउन ऊ आदम लग निकारे रथै, डउकी बनाय दइस, अउ ओही आदम कर लिघ्घो लइ आनथै।9 23तब आदम कथै, अब हइ मोर हाडा मसे हाडा अउ मोर मांस मसे मांस आय, इहैनिता एखर नाम डउकी होही, काखे हइ डउका मसे निकारे गय हबै। 24हइ कारन डउका अपन दाय-बाफ के छांड के अपन डउकी लग मिले रही, अउ ऊ अक्कै देह बने रइहिन।10 25आदम अउ ओखर डउकी दोनोझन बिना कपडा के रथै, पय नेहको लजात रहै।