मरकुस

मरकुसेरी खुशखबरी

लिखने बालो

शुरुआतरे कलीसियारे बुज़ुर्गां केरो खियाल अक भोइतां मन्नू थियूं कि, किताबरो लिखने बालो यूहन्ना मरकुस थियो। नंव्वे नियमे मां यूहन्ना मरकुसेरू नवं दश बार एवरूए (

लिखनेरी तारीक ते जगाह

लगभग ई. स. 50-60

कलीसियारे बुज़ुर्गां केरे लेख (आइरेनियम, सिकन्दरियारो क्लेमेंस ते बाकी) इन बांदू केरतन कि मरकुसेरे ज़िरिये मसीहेरी खुशखबरी रोमे मां लिखोरी थी। शुरुआती कलीसियारे स्रोतां केरू मन्नू आहे कि ई खुशखबरी पतरसेरे मौतां बाद लिखी जेवरी थी।

शुन्ने पढ़नेबाले

लिखने सेइं इन साबत भोते कि मरकुसे गैर कौमां केरे लोकां केरे मसीहेरी खुशखबरी लिखी, ज़ैन मां रोमी खास थिये। ईए वजाह थी कि तैनी यीशु मसीहेरी खानदानी न लिखी किजोकि बाकी दुनियारे लेई तैसेरो कोई मतलब नईं।

मकसद

मरकुसे खास केरतां रोमेरे मसीह पुड़ विश्वास केरनेबाले लोकां केरे लेई सन 67-68 मां बड़े स्तावरे वक्ते मां ई खुशखबरी लिखोरी थी। रोमेरो महाराज़े नीरो महाराज़ेरे राज़ केरनेरे दौराने मां विश्वासी लोकन पुड़ ज़ुलम केरतां मारतो थियो। एरी हालती मां मरकुसे मसीहेरी खुशखबरी लिखी कि विश्वासी लोकां केरि हिम्मत बधाई गाए किजोकि तैना बड़ी मुसीबती मां थिये। ईए वजाह थी कि तैनी यीशु दुखी दासेरे रूपे मां हिराव। (

खास मुद्दो

यीशु-दुखी दास

रूपरेखा

1. सेवारे लेई यीशुएरी तियारी, बियाने मां

2. गलील ते आसे पासेरे इलाके मां यीशुएरी सेवा

3. यीशुएरू सेवारू कम, दुख ते मौत

4. यरूशलेमे मां यीशुएरी सेवा

5. यीशु क्रूसे पुड़ च़ाढ़नेरो ज़िक्र

6. यीशुएरू ज़ींतू ते बांदू भोनू