2 Vakolindo

Baluwa lya uvili kwa

2 Vakolindo

Ulongolelo

Kiganulo kya uvili kya Vakolindo kikasimbilwe na mnjagila Paulo mumyaka gya hamusini na gihanu mbaka mumyaka gya hamusini na sita badala lya kubabwa kwa Yesu. Musula lya 1.1. Iyi nde Baluwa lya uvili lya Paulo yeavasimbiliye lipinga lya vanu vevamudikiye Kilisito ukoya ku Kolindo. Ukoya kumbele vakwimba volofu vakadikile kuva mala chongofu Paulo akasimbile Baluwa chongofu kwa Vakolindo yeikali na malagicho mang'ali. Twihela Baluwa chochonda chechilonga musula 2.3-4. Baluwa iyi lya vakolindo va uvili ihochwa ikasimbilwe chipindi Paulo akali ku Makidoniya musula 2.13.

Vakolindo va uvili nde kiganulo kya weka, ambalyo ndi baluwa binafsi na kyeihocha munumbula. Paulo iwonesa lukeduko lwake kutigila njowo nofu yeawanuke kuhuma kwa Tito, kukyanya lya lipinga lya vanu vevamwidikiye Kilisito ukoya ku Kolindo. Mubaluwa iyi, tugawene mawulanicho manofu kutigila kuhecha usembe ngita ilongilwe mulyagano miya, mupono iyo Paulo ihecha malagilicho ga kuhecha sendi neke kuvatanga vanu vevamudikiye Kilisito va Kuyelusalemu musula lya 8-9. Iwoneka kuva vamonga va vanjagila veviwulanicha udesi kuhuma kwivala lya lipinga lya vanu vevamudikiye Kilisito vakali vakutumila vanu vangi mulipinga lya vanu vevamudikiye Kilisito kumupinja Paulo na kwikanga'asa vavene. Vanjagila avo vaudesi vakali vihucha Paulo agehe na umwimike liki na mwene Paulo akavalongela umwimike veagehe nago kuva mwene ndi mnjagila va Yesu Kilisito, aga giwoneka mumwiso va baluwa lyake lya Vakolindo va uvili.

Gegagehe

Paulo ivanga baluwa lyake kwa kuvahungila lipinga lya vanu vevamudikiye Kilisito va ukoya ku Kolindo. Musula lya 1.1-7

Paulo iywanga mipango ga magalambucho gake mulugendo na njowo yeawanuke kuhumila na mahigo gyao kwa baluwa lyake yeilonguwe. Musula lya 1.8—7.16

Paulo ilagicha kuvatanga sendi kwa vanu vevamudikiye Kilisito vaukoya ku Yelusalemu. Musula lya 8.1—9.15.

Paulo imalila baluwa lyake kwa kwitasa unjagila vake na kuvalongela malakililo gake daakuvagendelela kangi. Musula lya 10.1—13.10.