Ebele

Mɛkana mɛ Bot ɛ

Ebele

Ɛniel

Yak ɛ́ mɛkana mɛ nakwyalaa étɛp eYuda nadi edu Klisto ɔ. Mot nakwyal yɛ ɔ, nyɛ ààguaa, sa di tsɛɛtsɛ tɔ tak ɛ́ náá, mot nakwyal yɛ ɔ nɛ gu Ekwyala ɛnyɔɛpe, etɛɛ náá, yɛ ɛ́ dum nɛ Ekwyala binek ɛ nyɛ di elyaal etsɛɛtsɛ etɛp ee nyɛ di ekaada tɔ mɛkana mak ɛ.

Ekeletyɛ mɛkɛn naadyeebatiigaa, mɛtiiga mɛ tak nadi epus náá, bɛ kɛsɔsɔwa. Étɛp tak ɛ, bɛ nakwyal mɛkana mak, étɛp bɛ neepyet, ààbula bhis.

É ghɛŋ bɛbhaab, Zɛɛb naagwakel bɛ nɛ bot ɛ mbyak eYuda. Nyɛ naalɛɛ nɛ nɔɔ náá, mot ɛ syem ɔɔ, bɛ go tit étɛp buwa, deenek ɛ, Zɛɛb aapel mesyem mɛ. Tin, mɛkana mak lɛɛ ɛ́ náá, ɛbhɛŋ ɛ na bes Zɛɛb sa nɛ bot ɛ di edum koŋ nɛ mɔn'ɛ ɔ, yɛ ɛ́ Yezu ɛ́ di mɔɔ bhata ɛ Zɛɛb nakaaa buwa, kɔ ɛsu ɛ mesyem mɛ bot djas ɛ. Bot djas di edum koŋ nɛ nɛ ɔ, bɛ tokapɛ nɛ gwyes ɛbaaka buwa bɛtit étɛp mesyem mɔɔ. Deenek, ɛbhɛŋ ɛ na bes eedhaa yii na mwa. Etɛɛ náá, sa Yezu Klisto nasa nɛ bot ɛ, yɛ eedhaa yii efofop, yɛ ɛ́ Moiiz, nɛ Aalɔn zɛnɔɔ yɛ Zozue nasa ɛ.

Mɛtsek mɛ mɛkana mak ɛ́ dáak:

Mɔn ɛ Zɛɛb ɛ́ boo kuma mot (

Yezu eedhaa efofop (

Yezu eedhaa Moiiz nɛ Zozue (

Yezu ɛ́ boo ghaa-Zɛɛb (

Yezu zyɛ ɛ́ nɛ ɛbhɛŋ ɛ di edhaa yii na mwa ɛ (

buwa Yezu ɛ́ ngɔt, yɛ ɛ́ buwa mɛsik (

bɛdhiiti eboo bot ɛ nadi edum koŋ nɛ Zɛɛb sok ɔ (

djhoobaŋaka Yezu (

mɛkpa mɛ mɛsik nɛ mɛswosel (