Gesami Hea:su 121

Hina Gode, Ninia Gaga:su

1Na da goumiga ba:le gadosa.

Na fidisu da habodili misa:bela:?

2Nama fidisu da Hina Gode,

mu amola osobo bagade hahamosu, Emadi maha.

3E da di dafama:ne logo hame doasimu.

Di Gaga:su dunu da mae golale esala.

4Isala:ili fi dunu ilia Gaga:su Dunu

da golamu hamedafa dawa:.

5Hina Gode da di sosodo aligimu.

E da dia afoguga aligili, di gaga:sa.

6Eso yoga, di da esoga hame gia:mu.

Gasia, di da oubi yoga se hame nabimu.

7Hina Gode da di se mae nabima:ne, di ouligimu.

E da di gaga:mu.

8Di da misini bu ahoasea,

E da eso huluane mae fisili di gaga:lalumu.