Gesami Hea:su 106

Hina Gode Ea Fi Dunuma Noga:idafa Hamosu Hou

11

Hina Godema nodoma!

Hina Godema nodone sia:ma!

Bai E da noga:idafa,

amola Ea asigi hou da mae fisili dialumu.

2Nowa da Ea gasa bagade hamoi amo adoma:bela:?

Nowa da Ema defele nodoma:bela:?

3Nowa dunu ilia da Ea hamoma:ne sia:i amo nabawane hamosea,

amola eso huluane moloi hou hamosea, ilia da hahawane gala.

4Hina Gode! Di da Dia fi dunu fidisia

amola ili gaga:sea, na mae gogolema!

5Na da Dia fi dunu ilia bagade gagui hou ba:ma:ne,

amola ilia hahawane nodone hidasu hou amoma gilisima:ne,

Dia logo doasima.

6Ninia da ninia aowalali defele wadela:i hou hamoi.

Ninia da baligiliwane wadela:le hamoi. 72

Ninia aowalali da Idibidi soge ganodini,

Gode Ea noga:idafa hamosu hou hame dawa:digi.

E da eso bagohame ilima asigidafa hou hamoi.

Be ilia amo gogolele, Maga:me Hano Wayabo Bagade

amoga Gode Bagadedafa Ema odoga:gia:i.

8Be Hina Gode Ea gasa bagade hou olelema:ne,

Ea musa: ilegele sia:i defele, ili gaga:i. 93

E da Maga:me Hano Wayabo amo dogoa damuni hamoma:ne sia:beba:le,

e da dogoa damuna asili, hafoga:i ba:i.

E da amo hafoga:i logoga hano degema:ne, Ea fi dunu oule asi.

10E da ilia higabe ha lai dunu ili mae hasalasima:ne, gaga:i.

11Be hano da ilima ha lai dunu huluane dedebole, ilia hano mai da:gini bogogia:i.

Dunu afae esalebe hame ba:i. 124

Amalalu, Hina Gode Ea fi dunu

ilia da Ea ilegele sia:i huluane dafawaneyale dawa:i.

Ilia da Ema nodone gesami hea:i.

13Be ilia da hedolowane Ea ili fidi amo gogolei.

Ilia da Ea fada:i sia:su mae oualigili, hedolowane ili hanaiga hamosu. 145

Ilia da hafoga:i soge ganodini, Gode Ea iabe mae dawa:le,

baligili lamusa: hanai galu.

Ilia Godema adoba:su hou hamoi.

15Amaiba:le, E da ilia adole ba:i defele, ilima i.

Be wadela:i olo bagade gilisili ilima i. 166

Amo hafoga:i sogega, ilia da Mousese amola Elane (Hina Gode Ea hadigi

hawa: hamosu dunu) elama mudasu.

17Amalalu, osobo bagade da eala asili,

Da:ida:ne amola Abaila:me amola ea sosogo fi huluane, mogosali.

18Lalu da wadela:i dunu elama fa:no bobogesu, amo ilima sa:ili, ili nene dagoi. 197

Ilia da Sainai sogega, bulamagau gawali gouliga hamone,

amoma nodone sia:ne gadosu.

20Ilia da Gode Ea hadigi amoma nodone sia:su afadenene,

bu ohe gisi nabe agoaila, amoma nodone sia:ne gadosu.

21Gode da Idibidi sogega gasa bagadewane hamobe hou, amoga ili gaga:i.

Be ilia da amo gogolei.

22Gode da Idibidi sogega hou noga:idafa hamoi.

E da Maga:me Hano Wayabo amoga

fofogadigisu musa: hame ba:su hou hamoi.

23Gode da Ea ilegei fi amo gugunufinisimusa: dawa:beba:le,

Mousese da amo logo mae hamoma:ne ga:laligi. 248

Amalalu, Isala:ili dunu da Ga:ina:ne noga:idafa soge higa:i galu.

Bai ilia da Gode Ea ilima hamomusa: ilegele sia:i,

amo dafawaneyale hame dawa:i.

25Ilia da ilia abula diasu ganodini esafula, egane sia: dalusu.

Amola, Hina Gode Ea sia: hame nabasu.

26Amaiba:le, E da ilima sisasu gasa bagade sia:i.

E da ili huluane hafoga:i soge ganodini fane legele, 279

amola iligaga fifi mabe huluane,

Gode Ea hou hame dawa:su dunu ilia soge ganodini afagogolesili,

amogawi ilia huluane da bogogia:mu, E sia:i. 2810

Amalalu, Bio goumi sogega,

Gode Ea fi dunu da ogogosu ‘gode’ Ba:ilema nodone sia:ne gadosu hou,

amoma gilisi. Ilia da gobele salasu ha:i manu,

hame esalebe ogogosu ‘gode’ ilima iasu liligi, mai dagoi.

29Ilia da Hina Gode E bagade ougima:ne wadela:i hou bagade hamobeba:le,

wadela:i olo bagade da ilima madelai.

30Be Finia:se da wa:legadole, wadela:i hamosu dunuma se dabe iabeba:le,

wadela:i olo da fisi ba:i.

31Dunu ilia da Finia:se ea hamoi amo nodone dawa:sa,

amola mae fisili eso huluane dawa:lalumu. 3211

Meliba hano bubuga:su amoga,

Isala:ili dunu da bu Hina Gode ougima:ne hamoi.

Amola ilia hamobeba:le, Mousese da se nabi.

33E da ilima ougiba:le, mae dawa:le, momabo sia:i 3412

Hina Gode da Isala:ili dunuma, ilia Godema higa:i dunu medole legema:ne sia:i.

Be ilia da amo dunu hame medole legei.

35Be ilia da amo dunuma gilisili, uda lasu hou hamosu,

amola ilia ogogosu ‘gode’ ilima nodone sia:ne gadosu hou lalegagui.

36Gode Ea fi dunu da ogogosu loboga hamoi ‘gode’ ilima nodone sia:ne

gadobeba:le, ilia da gugunufinisi dagoi ba:i. 3713

Ilia da Ga:ina:ne ogogosu loboga hamoi ‘gode’ ilia oloda da:iya,

ilisu dunu mano amola uda mano gobele salasu. 3814

Ilia da mano, amo da wadela:le hame hamoi, amo udigili medole lelegei.

Amaiba:le, soge huluane da ledo hamoi dagoi ba:i.

39Ilia da wadela:le hamoiba:le, nigima: agoai ba:i.

Amola ilia Godema baligi fa:su. 4015

Amaiba:le, Hina Gode da Ea fi dunuma ougi galu.

E da ili bagadedafa higasu.

41E da ili Gode Ea hou hame dawa: dunu banenesima:ne, ilima yolesi.

Amola ilima ha lai dunu fawane da ili ouligi.

42Ilima ha lai dunu da ili banenesi.

Amola Isala:ili dunu da ilima ha lai dunu,

amo ilia hamoma:ne sia:be fawane nabawane hamoi.

43Eso bagohame, Hina Gode da Ea fi dunu gaga:su.

Be ilia da Ema odoga:su fawane hamoi,

amola bu baligiliwane wadela:le hamosu.

44Be ilia da se nabawane Ema digini wele sia:beba:le, E da ilia wele sia:be nabi,

amola ilia se nabasu asigiwane ba:i.

45E da ilima asigiba:le, E da Ea musa: gousa:su ilima hamoi, amo bu dawa:i.

Ea asigidafa hou da bagadeba:le, E da ilima se dabe ianoba amo yolesi.

46Gode da Isala:ili dunu ilima banenesisu dunu ilia asigi dawa:su afadenene,

ilia da bu Isala:ili dunuma asigisu. 4716

Hina Gode! Ninia Gode! Nini gaga:ma!

Ninia da fifi asi gala amo ganodini esala,

amoga nini Isala:ili sogega buhagimusa: oule misa.

Amasea, ninia da Dia Hadigi Dio amoma nodone sia:mu.

48Hina Godema nodoma!

Isala:ili ilia Godema nodoma!

Wali amola eso huluane mae fisili, Ema nodone sia:nanoma!

Dunu huluane da “Ama” sia:ma:ma.

Hina Godema nodoma!