तीतुस

तीतुस के नाम पोलुस की पत्री

तीतुस ना नाम पोलुस नी चीट्‌ठी

जानकारी

तीतुस नी कीताप पोलुस नी च्‌यार चीट्‌ठी माय्‌न एक से जे मंडळी ने सोड़ीन एक माणेह ना बारा मे देखाड़े। अने बीजी चीट्‌ठी आहयी से 1 तीमुथीयुस 2 तीमुथीयुस फीलेमोन। पोलुस तीतुस ने लीख र्‌यो हतो, पण तीहयो आहयु बी लीख्‌यो के चीट्‌ठी ने आखा जुगु ज्‌योरे बी भण सकत्‌ला। आमु आने जाण सकया काहाके तीहयो एक नेवताळा ना रुप मे आह़फा ने देखाड़े, जे के तीतुस पेले गेथोत जाणतो हतो। पोलुस आहयी चीट्‌ठी ने मसीन पयदा हयवान 63-65 साल नी बचे लीखलो हतो।

पोलुस तीतुस ने क्‌रेते टापु मे रेवा वाळी मंडळी मे अगवाय करवा नो हुकम आपलो हतो। पोलुस अगवाय करन्‌या ने मंडळी नो डायला ने टाळवा अने ह़ीकाड़नु पोर हुकम आपवा करीन आहयी चीट्‌ठी ने लीखलो हतो। तीहयो तीमुथीयुस ने आह़फा ना चीट्‌ठ्‌या मे आखा ने बराबर हुकम आप्‌या। तीनी चीट्‌ठी मे देखाड़ मेक्‌यु के कीकम अगवाय करन्‌या ने मोटा मानीन योजना कर लेवा जोवे। मंडळी ना अगवाय करन्‌या ने हमणे अगवाय करवा मे जोवे तेतरु चेतीन रीन धीयान देवा जोवे।

रुपरेखा

1. पोलुस मसी अगवाय करन्‌या ने टाळवा नो तीतुस ने हुकम आप्‌यो।

2. अळतेण तीहया माणहु ने मसी जीवाय जीव्‌वा करीन तीयार करवा करीन बी हुकम आपे।

3. आनीन अळतेण, पोलुस आह़फा नी थोड़ीक योजना ने वाटीन अने वारला से के कीन चीट्‌ठी लीखवा बंद करे।