1 ተሰሎንቄ

ካፋራመሮ ጳዉሎሳኮክ ሀንዳ ካሆሬ

ካተሰሎንቄ እባዶ ቶስ

ታባኖ

ተሰሎንቄ መቀዶንያ ታአማማቶ ካሮም ቃላዳኮት መተት ካታማተ፤ ጳዉሎሳ ካተሰሎንቄ ምን ካዋ ካአሊሰራ ታፍልጲስዮሳ ካታማ ኢሰ ታኮሴተሮኮ አባባተረያ፤ ሀሌዎ ኳሬ ካአይሁድ አማኖ አታይን ጋባላመ ካግረ አይዛብ ጳዉሎሳ ካአጋልስሰሮ ካአማኖ አጋልስስ ማንኮቦጃመረ ማራን አይሁድ ቃናቴጉረ ጳዉሎሳ ኔባታ ግረ፤ ሃንሱን ጳዉሎሳ ተሰሎንቄኮ እስረ ቤርያ ካታማ ቶስ ሴይን ጎሳተ፤ ጋጭመረ ኡል ካቆሮንቶሳ ጎጎጌይ ኡሱን ኤነክ ኡሱ ካጋርጋራረ ጢሞቶሳ ኡል ካተሰሎንቄ ሴተ ጎጎአባባተይ ምን ካዋይ ካግሮ አየስ ፉፉረ ሰሰጌ።

ጳዉሎሳ ሀንዳ ካሆሬ ካተሰሎንቄ እባዶን ካኮንጻፈራ አማኒል አታይሲና ጎጎእስንየ፤ አማኖክሶኮክ ጋራና ጌላንጀትሶኮክ ጋራ ታኢዳን ኦዱ ማለጉረ ዋ ጋላታራ፤ ጳዉሎሳና እሶ ኦሮ ታኮግረ ምስክ ግር ግረ እሶ ሻድሳራ፤ ኤሰኮና ካክርስቶሳ ካላም ኤሜቶኮክ ጋራ ታኬተቶ ሆሲኑን አባብ ስሳራ፤ ህታ ሆሲንኮ ጋምሳ፤

“ክርስቶሳ ካላም አባባይ ኤሜቶኮ ሆረነ ካጎየራ አማኒል ታክርስቶሳ ኤመቶ ታላሚ ካሄላምስሳቶ አርዶክ ግር ካሄዴዳምሮ ሌዉና? ክርስቶሳ ካላም አባባይ ካኮኤሜይናራ ጎሬያ?” ኦአማራንያን፤ ጳዉሎሳና ህታ ኤሴላ ኣላንቲ የላተረ፥ “ካክርስቶሳ ካላም ኤሜቶኮክ አጋልስስ አብዲ ኦራታ ኤሰ አሪ ታ ጌታኒ ጫልኢማዴን ፈሎኦትስን ፈላዬን” አማ ጎርሳራ።

ራቶ ሂክ ማጻፋ ካአበራ

ታባኖ

ኦጳዉሎሳ ገጌሎና ጋላታ

ካአማኒል ግርኮክ ሴራ

ጋራ ካክርስቶሳ ካላም ኤሜታኖኮክ አጋልስስ

ታጋቾ ማርካ

ጉድሳኖ