Onger Akaba 124

Godɨn gumazamiziba, a uabɨ men akurvazim

Ighiar kam, Devit an osiri.

Godɨn Dɨpenimɨn ghuavanaga an ziam fer ighiam.

1Ikiavɨra Itir God en akuraghan koghtɨ, e manmaghɨra damuam?

Ia Israelia azangsɨzir kam ikaragh mɨkɨm suam:

2-3En apaniba faragha naviba en ikuvigha e mɨsoke.

Ikiavɨra Itir God en akurazir puvatɨzɨ,

apaniba pazavɨra en atara bar e gasɨghasighai.

4Puvatɨzɨ apaniba aperiamɨn mɨn e inigha ghuzɨ

dɨpam e avarazɨ moghɨn e oveghai.

5Mati aperiar ekiam

bar e adugha ghueghai.

6E datɨrɨghɨn Ikiavɨra Itir God mɨnabagham.

A itima en apaniba asɨzir atiamɨn mɨn e givir puvatɨ.

7Mati gumazim kuarazimɨn suighasa azuazim gura,

e kuarazimɨn mɨn mɨghegha a gitagha ghu.

Me gurazir azuazir kam dutuaghirɨ,

ezɨ e a gitagha ghu.

8Bar guizbangɨra, Ikiavɨra Itir Godɨn overiam ko nguazimɨn ingarizim,

a uabɨra en akurvasi.