Skip to content
BibleKenya
MSY2020 Efesus 5 Verse

Godɨn Eghaghanim: Akar Gavgavir Dɨkɨrɨzir Ghurim ko Igiam

Efesus 5

E angazangarimɨn aven daruam

1

Ia God bar ifongezir boriba, kamaghɨn ia an amir arazibar gɨn mangɨ. 2Ian arazir ia amiba, arazir gumazamizibagh ifongezir arazim gisɨn tugh, mati Krais bar e gifuegha e bagha uabɨ anigha areme. Kamaghɨn an ovevem mati ofan mughuriar aghuir God ifongezim. 3Ia Godɨn gumazamizibara. Kamaghɨn ia, gumazamiziba tintiniba uari bakɨa uari isava akuir arazim, ko arazir mɨzɨrɨziba, ko igharaz darazir bizibar ganɨva da ifongamin araziba, ia arazir kabar amuan markɨ. Egh uaghan arazir kabar mɨgɨrɨgɨaba tong ian tongɨn otivan markɨ. 4Egh ia akar mɨzɨrɨziba ko akar onganiba ko asuir mɨgɨrɨgɨar kurabar amuan markɨ. Kar uaghan ia damuamin araziba puvatɨ. Arazir ia damuamimra kara, ia God mɨnabɨ. 5Ia kamaghɨn fogh, gumazamizir tintiniba uari isava akuir arazim gamiba, ko gumazamizir arazir mɨzɨrɨzibagh amiba, ko gumazamizir marazir bizibar gara ifuer arazim gamiba, (arazir kam mati ia uari isa God ganɨdi moghɨn ia uari isa bizir ifongezibagh anɨdi), ezɨ gumazamizir kamaghɨn amiba, me God ko Krais Ativir Gumazamizibar tongɨn ikian kogham. 6

Ia tav ateghtɨ a ia gifar ia damutɨ, ia akar ifavaribar gɨn mangan markɨ. Arazir kurar kaba bagh Godɨn anɨngagharim gumazamizir an akamɨn gɨn zuir puvatɨziba me bativam. Kamaghɨn, ia ifavarir gumazir kaba tong men poghan markɨ. 7

Ia faragha mɨtatemɨn aven ike, egha datɨrɨghɨn ia Ekiamɨn gumazamizibar otivigha, angazangarimɨn aven iti. Kamaghɨn ia gumazamizir angazangarimɨn aven itibar mɨn daru. 8(Angazangarim arazir aghuiba ko Godɨn damazimɨn derazir araziba ko guizɨn akamɨn arazibagh ami, da otifi.) 9Ia, arazir God damutɨ a bar akongeghamiba, ia da buri dagh fogh dar amu. 10Ia arazir mɨtatemɨn itibagh amir gumazamizibar poghan markɨ. Men arazir kɨnir kaba, da gumazamizibar akurvazir puvatɨ. Ia men arazibar amutɨ, da azenan otogh, mati angazangarim dagh isirazɨ moghɨn, eghtɨ me fogh suam, arazir me amiba, da ikufi. Me amir arazir mogomeba, kɨ dar gun mɨkɨman kogham. Kɨ dav mɨkɨman bar aghumsɨki. 11Angazangarim bizibagh isiraghtɨ, da azenim girɨghtɨ, gumazamiziba fogh suam, bizir kabar mɨngariba kamakɨn. 12Bizitam bar azenim girɨgh egh a guizbangɨra angazangarimɨn mɨn otogham. Kamaghɨn, marazi ghaze:

“Nɨ aremezir gumazim,

nɨ ua dɨkavigh,

mozim ategh uam azenan izɨ.

Eghtɨ Kraisɨn angazangarim

nɨ gisiragham.”

Kamaghɨn, ia uan daroriba deravɨra dar gan. Ia gumazamizir onganibar mɨn daruan markɨ. Ia fofoziba itir gumazamizibar mɨn daru. 13Datɨrɨghɨn ia Godɨn Arazibar amuamin dughiam iti. Ezɨ e datɨrɨghɨn itir dughiam, a gumazamiziba arazir kurabagh amir dughiam, a dughiar kuram. Kamaghɨn amizɨ, ia deravɨra gan, dughiar kam pura mangɨ gɨvaghan kogham. Dughiaba vaghvagh ia arazir aghuibar amu. 14Kamaghɨn ia arazir onganibar amuan markɨ. Egh arazir God damutɨ a bar akongeghamiba, ia da buri dagh fogh dar amu. 15Ia wainɨn dɨpar avɨrim amɨva onganan markɨ, arazir kam ia gasɨghasigham. Ia Godɨn Duam ateghtɨ a ia gizɨfagh. 1617

Egh ia uariv kɨmsɨ, Onger Akabar Akɨnafarimɨn aven itir ighiaba ko, Godɨn ziam fer ighiaba ko, Godɨn Duam ian navir averiabagh atɨzir ighiaba, ia uariv kɨm. Egh ia ighiabar amuva, Ekiamɨn ziam fɨva, uan navir averiabar aven, ziar ekiam a danɨng. 18Egh ia zurara, en Ekiam Krais Iesusɨn ziamɨn, bizir otiviba bar, da bagh God Afeziam mɨnabɨ.

Pol poroghamibav gei

19

Ia Kraisɨn apengan ikia an ziam fe, kamaghɨn ia uarira uarir apengan ikɨva uari baghɨvɨra ikɨ. 20Ia amizir paba itiba, ia Ekiamɨn apengan ikia a baghavɨra iti moghɨn, ia uan pabar apengan ikɨ me baghɨvɨra ikɨ. 21E fo, Krais uan siosɨn dapanimɨn iti moghɨn, paba uan amuibar dapanibar iti. Ezɨ Krais uabɨ siosɨn Akurvazir Gumazim, ezɨ sios Kraisɨn inivafɨzimɨn mɨn iti. Sios Kraisɨn apengan ikia a baghavɨra iti moghɨn, ia amuiba uaghan uan pabar apengan ikɨ me baghɨvɨra ikɨ. 22

Paba, ia uan amuiba bar me gifongegh, mati Krais uan sios gifongegha a bagha uabɨ isava a ganigha a bagha areme. 23Krais kamaghɨn ifonge, an akamɨn tuavimɨn, a uan sios dɨpamɨn a rueghtɨ a Godɨn damazimɨn zuegham. 24A kamaghsua, a sios damightɨ an an damazimɨn bar aghungigh, egh bar zueghɨva, arazir kuratam puvatɨgh, duar kuriba ko seghsariba puvatɨghɨva, bizir kurar maba sara uaghan puvatɨgham. Kamaghɨn Krais a bagha uabɨ isa a ganɨngi. Ezɨ kamaghɨra ia gumaziba uan inivafɨzibagh ifongezɨ moghɨn, ia uan amuibagh ifongegh. Gumazir uan amuim gifongezim mati a uabɨ gifonge.

E fo, tav uabɨ uan inivafɨzimɨn apanim gamir pu. Puvatɨ, a dagheba a ganɨgava an akurvasi, mati Krais siosɨn akurvasi. 25E fo, erara, e Kraisɨn inivafɨzimɨn aven itir soroghafariba ko bizibar mɨn iti. 26Godɨn Akɨnafarimɨn aven itir osizirim kamaghɨn mɨgei:

“Kamaghɨn amizɨ, gumazim uan ameboghfeziaba ategh mangɨ,

uan amuim ko aning uaningɨn porogham.

Egh aning inivafɨzir vamɨram otogham.” 27

Akar mogomer kam, a mɨngarir ekiam iti. Ezɨ kɨ uabɨ kamaghɨn nɨghnɨsi, a Krais uan sios ko aning geghari. Ezɨ akar kam a uaghan ia mɨgɨa ghaze, ia gumaziba vaghvagh uarigh ifongezɨ moghɨn uan amuibagh ifongegh. Eghtɨ ia amuiba vaghvagh uan paba baghɨvɨra ikɨ.

Source notes (27)
  1. Cross-reference Matyu 5:48; Luk 6:36
  2. Cross-reference Ua Me Ini 29:18; Ofa Gami 1:9; Onger Akaba 40:6; Jon 13:34; Rom 14:15; 2 Korin 2:15; Galesia 2:20; Hibru 7:27; 10:10; 1 Jon 3:11; 3:23
  3. Cross-reference Rom 6:13; 1 Korin 5:1; 2 Korin 12:21; Kolosi 3:5; 1 Tesalonika 4:3
  4. Cross-reference Matyu 12:35; Rom 1:28; Efesus 4:29
  5. Cross-reference 1 Korin 6:9-10; Galesia 5:19-21; Kolosi 3:5
  6. Cross-reference Rom 1:18; Kolosi 2:4; 2:8; 2 Tesalonika 2:3
  7. Cross-reference Jon 12:36; Aposel 26:18; Rom 1:21; 2 Korin 3:18; Efesus 2:11-13; Kolosi 1:13; 1 Pita 2:9; 1 Jon 2:9
  8. Cross-reference Galesia 5:22
  9. Cross-reference Rom 12:2; Filipai 1:10; 1 Tesalonika 5:21; 1 Timoti 2:3
  10. Cross-reference Rom 6:21; 1 Korin 5:9-11; Galesia 6:8; 2 Tesalonika 3:6; 3:14; 2 Jon 1:10-11
  11. Cross-reference Jon 3:20-21; Hibru 4:13
  12. Cross-reference Aisaia 26:19; 60:1; Rom 13:11
  13. Cross-reference Galesia 6:10; Kolosi 4:5
  14. Cross-reference Rom 12:2; Kolosi 1:9; 1 Tesalonika 4:3; 5:18
  15. Cross-reference Aghuzir Akaba 20:1; Aisaia 5:11; 5:22; Luk 21:34
  16. Cross-reference Onger Akaba 33:2-3; Aposel 16:25; 1 Korin 14:26
  17. Cross-reference Kolosi 3:16-17
  18. Cross-reference Onger Akaba 34:1; Aisaia 63:7; Hibru 13:15; 1 Pita 2:5
  19. Cross-reference Filipai 2:3; 1 Pita 5:5
  20. Cross-reference Jenesis 3:16; Efesus 6:5; Kolosi 3:18; 1 Pita 3:1
  21. Cross-reference 1 Korin 11:3; Efesus 1:22-23; Kolosi 1:18
  22. Cross-reference Galesia 1:4; Kolosi 3:19; 1 Pita 3:7
  23. Cross-reference Jon 15:3; Taitus 3:5; Hibru 10:10; 10:22; 1 Jon 5:6
  24. Cross-reference 2 Korin 11:2; Efesus 1:4; Kolosi 1:22
  25. Cross-reference Rom 12:5; 1 Korin 6:15; 12:27; Efesus 1:22-23
  26. Cross-reference Jenesis 2:24; Matyu 19:5; Mak 10:7-8; 1 Korin 6:16
  27. Cross-reference Kolosi 3:19; Akar Mogomem 19:7

Godɨn Eghaghanim: Akar Gavgavir Dɨkɨrɨzir Ghurim ko Igiam. Copyright © 2020 Pioneer Bible Translators. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-10-25.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.