२ तिमथ्य

पौलाने लिहिलेले तिमथ्यले दुसरे पत्र

पौलनी लिखेल तिमथ्यले दुसरं पत्र

वळख

दुसरं तिमथ्यनं पुस्तक हाई एक पत्र शे जे प्रेषित पौलनी त्याना शिष्य तिमथ्यीले लिखेल शे, २ तिमथ्य हाई पौलना जिवनना अंत जोडे येल व्हता तवय लिखेल व्हतं. ते तवय लिखाई गय जवय पौल रोम सरकारना कैदमा व्हता

हाई त्या चार पत्रसमाधला शे ज्यामा पौलनी एक मंडळीनाबद्दल नही तर व्यक्तीबद्दल लिखेल शे. दुसरा तीन पुस्तके ह्या १ तिमथ्यी, तितस, अनी फिलेमोन. २ तिमथ्यी तवय लिखाई गयतं जवय रोमी सरकारना येळले ख्रिस्ती लोकसना छळ व्हई राहींता. यानं हाई बी कारण शे की पौल कैदखानामा व्हता अनी तिमथ्यीले संकटसना सामना करना पडी राहींता, १ तिमथ्यना पत्रमा पौलनी खोटा शिक्षकसपाईन सावध ऱ्हावानी तिमथ्यीले चेतावणी देयल शे

रूपरेषा

१. पौल तिमथ्यीले नमस्कार करीसन सुरवात करस अनी त्याले प्रोत्साहन बी देस.

२. मंग पौल तिमथ्यीले पुढे जावाकरता आव्हान करस.

३. पुढे पौलनी तिमथ्यीले काही सामान्य सुचना देस.

४. मंग तो त्याले भविष्यमातील घटना अनी योग्य रिततीन प्रतिक्रिया देवाबद्दल चेतावणी देस.

५. पौल तिमथ्यीले काही वयक्तीक सुचना दिसन पत्रनी समाप्ती करस.