Skip to content
BibleKenya

Adele Old Testament

1 Ɩya-ɩya Yaade 25

Ɩnʋn yɩɩ bɛnʋmalɛ

Wʋʋ gama fɔ, Dafidi ma bɩtà bʋʋ bɛtàlɛ bɔɔ bɛndɩrɛ fɔ be tiri Asafu, ma Heman, ma Yedutun boo-idu yɩɩ bɛnɩ bɛkɩ bɛ sɩ̀ gɛtɛ bàà mɛ Wurubwarɛ bɛtabʋrʋlɛ bɔɔ gʋtʋn, fɔ bàà tà adʋlɛ ɛbɛ dɩrɛ-dɩrɛ ma adʋlɛ ɛbɛ buruburu, ma akyaka. Bɛnɩ gɛtɛ be tiri gɛtɛ bàà mɛ gɛlɛ gɩɩ gʋtʋn fɔ baayere n tɛ ba lɛ.

Asafu bebi gɛtɛ be tiri fɔ n di,

Sakuri, ma Yosefu, ma Nataniya, ma Asarela. Fɔ boote Asafu n di bɔɔndɩrɛ, ɛwɔ Asafʋ mɔ ɛɛ tabʋrʋ Wurubwarɛ Wade ɔya-kamasɛ gɛtɛ egyu-dɩrɛ ɛ̀ dɔ̀ wɔ alɛ ɛ tabʋrʋ fɔ.

Yedutun bebi gɛtɛ be tiri fɔ n di,

Gadaliya, ma Seri, ma Yesaya, ma Simeyi, ma Hasabiya, ma Matitiya. Ɛbɛ powu bɛ̀ ba bɛnɩ kooron, gɛ boote Yedutun n di boogyegeyelɛ. Yedutun ɛɛ da ma adʋlɛ-dɩrɛ gɛtà gii koro ɛ tabʋrʋ ɛ sa Yahwe onyun, fɔ e sila wɔ.

Heman bebi gɛtɛ be tiri fɔ n di,

Bukiya, ma Mataniya, ma Wusiyeli, ma Subayeli, ma Yerimoti, ma Hananiya, ma Hanani, ma Eliyata, ma Gidaliti, ma Romamiti-Eseri, ma Yosibekasa, ma Maloti, ma Hotiri, ma Mahasiyoti. Bɛnɩ nyabɛ powu bè di gɛ Hema gɛtɛ è di Wurubwarɛ wɔtabʋrʋlɛ tɛ egyu-dɩrɛ fɔ bebi. Wurubwarɛ ɛ ka bebi fɔ ɛ tɛ Heman, anlɛ gɛtɛ ɛ dɔ̀ ɛ sɩ̀ fɔ, gɛtɛ wàà ka sa Heman ɔkɛma. Wurubwarɛ ɛ tɛ Heman bebi-teni fwo-bɛnaa ma bɛnanɩ besiyee.

Bɛnɩ nyabɛ powu bɛ sara boote ɛbɛ bɔɔ gatɩn bɛ mɛ ɩnʋn yɩɩ gɛnʋma gɩɩ gʋtʋn Yahwe Dikwo-dɩrɛ fɔ daanɩ. Bɛ ka akyaka, ma adʋlɛ ɛbɛ buruburu, ma adʋlɛ ɛbɛ dɩrɛ-dɩrɛ bɛ mɛ gʋtʋn Wurubwarɛ dɩkpaara daanɩ. Asafu ma Yedutun, ma Heman bɛɛ mɛ anlɛ gɛtɛ egyu-dɩrɛ ee lila e ye baakʋn fɔ. Ɛbɛ ma bɔɔ bɛfʋrɩ gɛtɛ bɛ kasɩ ɩnʋn yɩɩ gɛnʋma gaade, gɛ bɛ̀ nyɩ̀ waanɩ gepepe fɔ powu bɛ̀ ba gɛkpɩn ma akpilin anaa ma nɩyɛ (288). Bɛsaranyan ma bɛndɩrɛ oo, Bewùlàlɛ ma bɛkasɩlɛ oo, ataa gɛ bɛ sɩ̀ be tiri baanɩ-kamasɛ ma wɔ gʋtʋn.

Ataa yɩɩ gɛsɩ̀-gyangbasɛ tɛ Asafu fɔ i tiri Yosefu, ma wo bebi, ma wɔ bɛfʋrɩ. Ataa yɩɩ gɛsɩ̀-nyɔɔfɛ fɔ i tiri Gedaliya. Gɛ ɛwɔ ma wɔ bɛfʋrɩ, ma wo bebi powu bɛ̀ ba fwo-bɛnyɔɔ. Gɛsɩ̀-siyeefɛ gi tiri Sakuri, ma wo bebi, ma wɔ bɛfʋrɩ, gɛ bɛ̀ ba fwo-bɛnyɔɔ. Gɛsɩ̀-naafɛ gi tiri Isiri, ma wɔ bɛfʋrɩ, ma wo bebi. Bɛ̀ ba fwo-bɛnyɔɔ. Gɛsɩ̀-tonfɛ gi tiri Netaniya, ma wo bebi ma wɔ bɛfʋrɩ, gɛ bɛ̀ ba fwo-bɛnyɔɔ. Gɛsɩ̀-kooronfɛ gi tiri Bukiya, ma wo bebi, ma wɔ bɛfʋrɩ. Bɛ̀ ba fwo-bɛnyɔɔ. Gɛsɩ̀-kwarankɩfɛ gi tiri Yesarela, ma wo bebi, ma wɔ bɛfʋrɩ. Bɛ̀ ba fwo-bɛnyɔɔ. Gɛsɩ̀-nɩyɛfɛ gi tiri Yesaya, ma wo bebi, ma wɔ bɛfʋrɩ. Bɛ̀ ba fwo-bɛnyɔɔ. Gɛsɩ̀-yɛkɩfɛ gi tiri Mataniya, ma wo bebi, ma wɔ bɛfʋrɩ. Bɛ̀ ba fwo-bɛnyɔɔ. Gɛsɩ̀-fwofɛ gi tiri Simeyi, ma wo bebi, ma wɔ bɛfʋrɩ. Bɛ̀ ba fwo-bɛnyɔɔ. Gɛsɩ̀-fwo-gɩkɩfɛ gi tiri Asareli, ma wo bebi, ma wɔ bɛfʋrɩ. Bɛ̀ ba bɛnɩ fwo-bɛnyɔɔ. Gɛsɩ̀-fwo-nyɔɔfɛ gi tiri Hasabiya, ma wo bebi, ma wɔ bɛfʋrɩ. Bɛ̀ ba fwo-bɛnyɔɔ. Gɛsɩ̀-fwo-siyeefɛ gi tiri Subayeli, ma wo bebi, ma wɔ bɛfʋrɩ. Bɛ̀ ba fwo-bɛnyɔɔ. Gɛsɩ̀-fwo-naafɛ gi tiri Matitiya, ma wo bebi, ma wɔ bɛfʋrɩ. Bɛ̀ ba fwo-bɛnyɔɔ. Gɛsɩ̀-fwo-tonfɛ gi tiri Yerimoti, ma wo bebi, ma wɔ bɛfʋrɩ. Bɛ̀ ba fwo-bɛnyɔɔ. Gɛsɩ̀-fwo-kooronfɛ gi tiri Hananiya, ma wo bebi, ma wɔ bɛfʋrɩ. Bɛ̀ ba fwo-bɛnyɔɔ. Gɛsɩ̀-fwo-kwarankɩfɛ gi tiri Yosibekasa, ma wo bebi, ma wɔ bɛfʋrɩ. Bɛ̀ ba fwo-bɛnyɔɔ. Gɛsɩ̀-fwo-nɩyɛfɛ gi tiri Hanani, ma wo bebi, ma wɔ bɛfʋrɩ. Bɛ̀ ba fwo-bɛnyɔɔ. Gɛsɩ̀-fwo-yɛkɩfɛ gi tiri Maloti, ma wo bebi, ma wɔ bɛfʋrɩ. Bɛ̀ ba fwo-bɛnyɔɔ. Gɛsɩ̀ dikpilinfɛ gi tiri Eliyata, ma wo bebi, ma wɔ bɛfʋrɩ. Bɛ̀ ba fwo-bɛnyɔɔ. Gɛsɩ̀ dikpilin ma gɩkɩfɛ gi tiri Hotiri, ma wo bebi, ma wɔ bɛfʋrɩ. Bɛ̀ ba fwo-bɛnyɔɔ. Gɛsɩ̀ dikpilin ma gɩnyɔɔfɛ gi tiri Gidaliti, ma wo bebi, ma wɔ bɛfʋrɩ. Bɛ̀ ba fwo-bɛnyɔɔ. Gɛsɩ̀ dikpilin ma gisiyeefɛ gi tiri Mahasiyoti, ma wo bebi, ma wɔ bɛfʋrɩ. Bɛ̀ ba fwo-bɛnyɔɔ. Gɛsɩ̀ dikpilin ma gɩnaafɛ gi tiri Romamiti-Eseri, ma wo bebi, ma wɔ bɛfʋrɩ. Bɛ̀ ba fwo-bɛnyɔɔ.

Adele Old Testament. Copyright © The Seed Company. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-11-09.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.