Skip to content
BibleKenya

Adele Old Testament

1 Ɩya-ɩya Yaade 24

Gʋtʋn gii geyo-tɛ gedi gɩɩ bɛtɛlɛ

Anlɛ gɛtɛ be yo Aaron wodu wʋʋ bɛnɩ akpi-akpi fɔ ntɛ ba lɛ.

Aaron bebi-teni fɔ n di Nadabi, ma Abihu, ma Eleyasa, ma Itama. Mɔ Nadabi ma Abihu be ku pɛgɛ boote e ku. Gɛ ɛbɛ ben wo bebi-teni. Okoro Eleyasa ma Itama na mɛ gedi gɩɩ bɛtɛlɛ. Sadoki gɛtɛ è di Eleyasa wodu waanɩ wʋʋnɩ fɔ, ma Ahimeleki gɛtɛ è di Itama wodu waanɩ wʋʋnɩ fɔ bɛ kpà Dafidi, gɛ e yo Aaron wodu wʋʋ bɛnɩ fɔ akpen-akpen ɛ sa bɔɔ bʋtʋn baanɩ. Gɛ be we gɛtɛ Eleyasa wodu wʋʋ bɛnɩ bɛ̀ sɔ da Itama wodu wʋʋ bɛnɩ. Eleyasa wodu wʋʋ bɛnɩ baakpaara-akpaara yɩɩ bɛndɩrɛ bɛ̀ ba beteni fwo-kooron, gɛ Itama wodu wʋʋ bɛnɩ baakpaara-akpaara yɩɩ bɛndɩrɛ bɛ̀ ba nɩyɛ. Bɛ sɩ̀ gɛ ataa bɛ ka be yo ɛbɛ powu gɛtɛ bɛn nya ɛnɩ ɛkɩ bʋnʋn pɛ, yema Dikwo-dɩrɛ fɔ dɩɩ gʋtʋn gɩɩ bɛmɛlɛ ma gedi gɩɩ bɛtɛlɛ bɛ̀ sa Eleyasa ma Itama powu boo-idu yɩɩ bɛnɩ baanɩ.

Gɩkpa gɩɩŋwara Semaya gɛtɛ è di Netaneli wobi, gɛ e ye gɛ Lefi wofoli waanɩ fɔ na ŋwara baayere egyu-dɩrɛ bʋnʋn, ma ditele dɩɩ bɛndɩrɛ, ma gedi gɩɩtɛlɛ ɛndɩrɛ Sadoki, ma Ahimeleki wobi Abiyata, ma gedi gɩɩ bɛtɛlɛ fɔ ma baakpaara-akpaara yɩɩ bɛndɩrɛ, ma Lefi bete fɔ bɔɔ bʋnʋn. Bɛ̀ sɩ̀ ataa bɛ tɛ Eleyasa dɩkpaara dɩkɩ fɔ, bɛ sɩ̀ bɛ tɛ Itama mɔ dɩkpaara dɩkɩ.

Ataa yɩɩ gɛsɩ̀-gyangbasɛ gɛtɛ bɛ sɩ̀ fɔ i tiri Yehoyaribi,

ɩnyɔɔfɛ fɔ i tiri Yedaya,

isiyeefɛ fɔ i tiri Harim,

ɩnaafɛ fɔ i tiri Sewori,

itonfɛ fɔ i tiri Malikiya,

ikooronfɛ fɔ i tiri Miyamin,

ɩkwarankɩfɛ fɔ i tiri Hakosi,

ɩnɩyɛfɛ fɔ i tiri Abiya,

ɩyɛkɩfɛ fɔ i tiri Yesuwa,

ifwofɛ fɔ i tiri Sekaniya,

ifwo-ɛkɩfɛ fɔ i tiri Eliyasibi,

ifwo-ɩnyɔɔfɛ fɔ i tiri Yakim,

ifwo-esiyeefɛ fɔ i tiri Hupa,

ifwo-ɩnaafɛ fɔ i tiri Yesebeyabi,

ifwo-tonfɛ fɔ i tiri Biliga,

ifwo-kooronfɛ fɔ i tiri Imeri,

ifwo-kwarankɩfɛ fɔ i tiri Hesiri,

ifwo-nɩyɛfɛ fɔ i tiri Hapisesi,

ifwo-yɛkɩfɛ fɔ i tiri Patahiya,

dikpilinfɛ fɔ i tiri Yahesekeli,

dikpilin ma dɩkɩfɛ fɔ i tiri Yakin,

dikpilin ma dɩnyɔɔfɛ fɔ i tiri Gamuli,

dikpilin ma disiyeefɛ fɔ i tiri Delaya,

dikpilin ma dɩnaafɛ fɔ i tiri Maasiya.

Anlɛ gɛ be tiri bɛnɩ fɔ bɛ sɩ̀ gengyi bee gyu Yahwe Dikwo-dɩrɛ fɔ daanɩ fɔ. Be tiri bɛ bɛ sɩ̀ anlɛ gɛtɛ Yahwe, Isareli wo Wurubwarɛ ɛ da ma bootu Aaron wo koro e wùlà bɛ fɔ.

Lefi wodu wʋʋ bɛnɩ-kurumakyɛɛ

Lefi wodu wʋʋ bɛnɩ-kurumakyɛɛ baakpaara-akpaara yɩɩ bɛndɩrɛbi baayere n tɛ ba lɛ.

Subayeli gɛtɛ e ye Amiram wodu wʋʋ bɛnɩ baanɩ fɔ,

ma Yehideya gɛtɛ e ye Subayeli wodu wʋʋ bɛnɩ baanɩ fɔ.

Rehabiya wodu wʋʋ bɛnɩ baanɩ fɔ,

Isiya n di dɩkpaara dɩɩndɩrɛ.

Selomoti e ye Isahari wodu waanɩ,

Yahati e ye Selomoti wodu waanɩ.

Hebron wodu wʋʋ bɛnɩ n di Yeriya, ma Amariya, ma Yahasiyeli, ma Yekameyam.

Mika e ye Wusiyeli wodu waanɩ,

Samiri e ye Mika wodu waanɩ.

Mika wonobi n di Isiya.

Sekariya e ye Isiya wodu waanɩ.

Merari wodu wʋʋ bɛnɩ n di Mahili ma Musi.

Yaasiya wobi-teni n di Beno.

Merari wodu wʋʋ bɛnɩ n tɛ ba lɛ.

Yaasiya bebi-teni Beno, ma Soham, ma Sakuri, ma Ibiri.

Mahili wobi-teni Eleyasa, gɛtɛ ɛwɔ en wo bebi-teni fɔ.

Ma Kisi wobi-teni

Yerahimeeli.

Ma Musi bebi-teni Mahili, ma Ederi, ma Yerimoti.

Lefi bete fɔ ma baakpaara-akpaara bɛ lɛ. Gɛlɛ ke gɛ ɛbɛ mɔ bɛ sɩ̀ ataa anlɛ gɛtɛ bɔɔ bɛfʋrɩ Aaron wodu wʋʋ bɛnɩ bɛ mɛ egyu-dɩrɛ Dafidi, ma Sadoki, ma Ahimeleki, ma gedi gɩɩ bɛtɛlɛ baakpaara-akpaara fɔ yɩɩ bɛndɩrɛ, ma Lefi bete fɔ bɔɔ bʋnʋn fɔ. Anlɛ gɛtɛ bɛ mɛ bɛndɩrɛ baakpaara fɔ, gɛlɛ ke gɛ bɛ mɛ bebi baakpaara mɔ.

Adele Old Testament. Copyright © The Seed Company. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-11-09.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.