Acoli Bible Revision
Jabuli 130
Lega pi kony
Ai Rwot, akok boti ki ite bur matut!
Rwot, winy kokona do!
Cik iti iwiny legana me bako dog do!
Ai Rwot, ka nene onongo imako balwa ducu icwinyi,
anga mono ma onongo twero bwot?
Ento in iweko balwa,
wek kilwori.
Akuru kony pa Rwot ki cwinya ducu,
dok ageno loke bene.
Kwona ducu ocung ikom Rwot;
akure makato lukurpiny ma gikuru kwar piny,
dok makato lukurpiny ma gimito ni piny oru.
Wun jo Icrael, myero wugen Rwot!
Rwot tye ki mar ma pe loke,
dok lar madwong bene tye bote. 1
En bikoko jo Icrael ki i balgi ducu.
Source notes (1)
- Cross-reference Mat 1:21; Tit 2:14
Acoli Bible Revision. Public domain. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · Public domain · SourceEdition imported 2026-11-09.