Jabuli 125

Rwot aye gwoko jone

1Jo ma geno Rwot, gitye macalo got Cion,

ma pe kitwero dirone kikobo kamukene,

ento cung mere kacel matwal.

2Kit macalo godi orumu Jerucalem woko dyereni,

Rwot bene orumu jone woko kitmeno,

nia ikare man cito kwede anyim nakanaka.

3Jo ma kitgi racu kadi gumak odo ker me loc

ci pe gibiloyo lobo ma kimiyo bot jo ma kitgi atir,

wek jo ma kitgi atir pe gurye cinggi me timo gin marac.

4Tim ber bot jo ma kitgi beco, Ai Rwot,

ki bot jo ma cwinygi tye atir.

5Ento jo ma loke gilubu yogi mugom

Rwot biterogi ribogi ki lutim maracu!

Kuc obed ikom Icrael!