Obadia

Buk pa

OBADIA

Lanyut wilok madito ma i buk man

Buk man ma cek pa Obadia kicoyo okati inge kare mo manok madong Jerucalem opoto iye ikine ka mwaka miya abic ki pyere aboro wiye abicel ma pud peya kinywalo Yecu Kricito. Loke obedo kwena me ngolo kop ma okemo jo Edom ma gin lukwor pa jo Juda, ci kwenane rom aroma ki lok ma okemo rok ducu ma obedo lukworgi.

Nying man ni Obadia gonye ni latic pa Rwot nyo dano ma woro Rwot Lubanga.

Mone ikin jo Edom ki jo Icrael ocake wacon ikare me nywalgi, ci adagadaga pa jo Edom omede matek ikom Juda ikare ma rwot Daudi ocwalo Joab lawimonye ma olwenyo ikomgi ci oneko nek alany. Dok kit akemo ma jo Edom gitye kwede ikom Luicrael lapore peke.

Jo Edom gutoyo omonggi ikom jo Juda ikare ma Jerucalem opoto kwede i cing lukworgi jo Babilon, ma gumako rokgi mabeco ci gucwalogi wa i lobo Babilon.

Edom yam gitye i tung kunyango me kupiny me lobo Icrael, ento jo Edom nene gutiyo ki te kare man me can pa Lujudayani me yako taun gi, ki bene gumiyo kony bot lukworgi.

Lanebi Obadia otito lok me nebi bot jo Icrael ni jo Edom kibimiyogi pwod ki bene kibibwoyogi kacel ki rok ducu ma gin lukwor pa jo Icrael.

Lacim wilok madito ma i buk man

Pwod pi Edom

Nino pa Rwot