Yakobo 5

Lok ma kiciko ki lulonyo

11

Wuwiny ba, wun lulonyo, wukoki, dok wudange, pi can ma bipoto ikomwu. 2Lonyowu dong otop woko, kadi ki ginarukawu bene nyenye ocamo woko. 3Jabu ki ryalwu, nyal dong omako woko; nyal kikome aye bibedo caden ikomwu, dok bicamo komwu woko calo mac. Wun dong wutyeko kano lonyo pi kare me agiki. 42 Nen mucara pa lutic ma gitiyo i potiwu ma wutwonogi woko, tye kakok; koko pa lukac dong owinye bot Rwot me mony. 5Wun dong wubedo ki jami lonyo mamalo tutwal ki yomcwiny i lobo; wupite ki cam, kun wucwe giwu, ento nino me ngolo ngutwu dong oromo! 6Dong wutyeko ngolo kop me to ikom dano ma kitgi atir, gin bene gire gipeke ki lageng mo.

Diyo cwiny ki lega

7Kitmeno utmegina, wudii cwinywu nio wang ma Rwot bidwogo. Wunen kong kit ma lapur kuru kwede gin ma pire tek ma cek i lobo; en diyo cwinye nio wang ma kot me cwir ki me oro ocwer. 8Wun bene wudii cwinywu, wucung matek, pien dwogo pa Rwot dong cok. 9Pe wubed ki nguru, utmegina, ngat acel acel pe obed ki nguru ikom lawote, wek pe kingol kop ikomwu. Nen, Langolkop dong tye ocung i dogola. 10Utmegina, lanen me ciro can ki diyo cwiny nen ikom lunebi mayam guloko inying Rwot. 113 Jo mayam guciro can matek, walwongogi ni lugumkom. Wutyeko winyo bene kit macalo Yubu yam ociro kwede can, dok wuneno agiki me tic pa Rwot ikome, kit ma Rwot won kica timo kwede ber bot dano. 124

Makatone ducu, utmegina, pe wukwong kwong ki nying polo, kadi ki nying lobo, kadi kit kwong mukene ducu; ento ye lokwu ducu myero obed ni, “Eyo,” nyo ni, “Pe,” wek pe kingol kop ikomwu.

13Tye ngat mo ikinwu matye ki can? Myero oleg Lubanga. Tye ngat mo matye ki yomcwiny? Myero en ower wer me pako Lubanga. 145 Tye ngat mo ikinwu ma kome lit? Myero en olwong ludongo me lwak pa Lubanga, wek guleg Lubanga pire kun giwire ki moo inying Rwot. 15Lega ma niye tye iye bicango latwo, Rwot biile malo; kace onongo yam otimo bal mo, ci kibitime iye kica. 16Pimeno, wutuc balwu, ngat acel acel otuc mere bot lawote, dok bene ngat acel acel myero oleg Lubanga pi lawote, wek wucang. Lega pa dano ma kite atir tek, tye ki twero madwong. 176 Eliya yam obedo dano ma kite cal kwedwa, yam olego Lubanga matek ni kot pe ocwer, omiyo kot pe ocwer i lobo pi mwaka adek ki dwe abicel. 187 Ka dok olego aye, omiyo kot ocako cwer, lobo oceko cam mabup.

19Utmegina, kace dano mo ki ikinwu ongak woko ki i lok ada, ka ngat mukene aye dong odwoke cen, 208 myero wunge ni, ka ngat ma okwanyo labalo ki i yone ma ogom odwoke cen, ngat meno bilaro kwone woko ki i to, dok biumu bale mapol.