2 Tekwaro 27

Rwot Yocam me Juda

(2 Luk 15:32-38)

1Yocam ocamo ker ma mwaka me dite pyere aryo wiye abic, ci obedo kaloc i Jerucalem pi mwaka apar wiye abicel. Nying mine Yeruca ma nya pa Jadok. 2En obedo katiyo gin manen atir iwang Rwot, kun lubu gin ducu mayam wone Ujia otiyo, ento pe opoto i bal calo en pien pe omedo ki donyo i Ot pa Rwot kawango odok eceta. Ento lwak onongo pud gumede ki timgi maracu. 3En ogero dogola mamalo me Ot pa Rwot, ka dok obedo kagedo ikom cel me Opel matek tutwal. 4Omede ki gero taun madito i lobo gotgot matye i Juda, ki cel gogogu ki odi matego ma ocudu malo iwi cere ma yadi dwong iye. 5En olwenyo ikom rwot pa jo Ammon ci oloyogi. Jo Ammon gumiye ryal maromo talanta miya acel i mwaka meno, ki ngano guniya alip apar, ki cayiri guniya alip apar. Jo Ammon gubedo kaculu bote wel marom i mwaka me aryo ki me adeke. 6Ci Yocam omede odoko tek pien obedo kalubu yo ma atir inyim Rwot Lubangane. 7Lok kom Yocam mudonge ducu, ki mony ducu ma en olwenyo, ki kite ducu, nen kityeko coyone i Buk pa Luker me Icrael ki me Juda. 8En ocamo ker ma mwaka me dite tye pyere aryo wiye abic, ci obedo kaloc i Jerucalem pi mwaka apar wiye abicel. 9Yocam oto, en oywe kacel ki kwarine, ci kiyike i gangkal pa Daudi. Wode Akaj aye oleyo katyene.