Luka

WENE PANGBANGA WA LUKA AKE HE

Zaka pai li gu mémé apai dʉ logo gi buku le

Limä gu bolo nákẽ gi buku le nga Luka. Kʉ́ adʉ ni bakele munganga. Kʉ́ ánâmanga sʉnge tungʉsa Wene Pangbanga wasã na Polo kinindʉ wasã na ko logo anʉngʉlo gu sʉnge le da ku Loma yò. Luka ákẽ abuku uwe. Gele ni bambata ha. Kʉ akẽ gi buku le fu gu ili ili pa bolo limäko angiá Teofile. Kʉ ákẽ he li ägu apai dundukä Yesu ämängi he wasã na ägu apai kʉ́ äyugu he enga ti tóná tóná gako sʉnge da kuti gu ulu kʉ agá ni kʉ ngbängbätulũ yò (

Logo gi buku le, Luka natʉngusa Wene Pangbanga, kiniyúgu he ya Yesu ni gu Masiya Mbäli akidä pako fu äwili Isalaele. Kʉ â ni Bätäsi fu ägu abolo dundukä náida pa ko. Luka akẽ he ya ga Baɨla Ziazia Toló asiá Yesu tɨpa kʉ́ tʉngusi Wene Pangbanga fu lungälungä abolo (

Luka ákẽ gu kula apai â adʉ́ nga logo gu kula abuku Wene Pangbanga ya. Ägu apai nga ha gi dʉ le: pa vʉ́nga Yoane Babatiza, bete kula apai li pa vʉ́nga Yesu, pa Yesu bakele bämbu Mbäli yò hõ kʉ adʉ ni na agalã bawe na uwe (12), gii fʉla yò li pa wene bolo Samalia na li pa ingi ingi gudee. Luka ákẽ pai â li pa kpala fu Mbäli, li pa Ziazia Toló, li pa ägu adee námäĩ gäyo idapase ku logo Yesu yò na li pa vu ingaapai.

Logo gi buku le, Luka ǎzaka sangba dʉngu apai, nizäki sangba sinä Ayuda fu Teofile nǎngia nga Yuda ya. Wele, ägu abolo dʉ aleme i lengbe alengba kageda gi buku le kigĩ tiyo wenengaĩ na sangba ha.

Mémé apai logo gi buku le nga gele

1. Lii pai (

2. Pa vʉ́nga Yoane Babatiza na pa vʉ́nga Yesu gbiã kuti pa sona ko (

3. Ga Yoane Babatiza tungʉsa pai (

4. Pa dia Yesu batisimo, na pa ga Satana asada kuti ko (

5. Pa ga Yesu sʉnge dagba abolo Galilaya yò (

6. Pa ga Yesu nʉngʉlo lu Galilaya yò kandʉ ku Yelusalema yò (

7. Pa ga Yesu yangada poso na pa kpio ko (

8. Pa zinga Yesu be kpio, pa kula ko sa abawiliki na pa bita ko ku ngbängbätulũ yò (