2 ቆሮንጦስ

ዎሲ ጳዉሎስኒ ሄፕሳ ዎስያ

ቆሮንጦሲኪ አሱኒ ሜያክ

ጋችግሩ

ጳዉሎስ ቆሮንጦስሲክ አሱኒ ሜያክ ትችና ሄፕሳን ዎስያስ ትቼናስ ቆሮንጦስሱክ ፋ ቤቴክርስታኒስ ባርኔን አነ ፋ እሳር ስንናስ አካማኖን ራክኮ ስንና ፋና ካባሲክዋ። እሳ እሳ ቤቴክርስታኒስ ፌሴ ሜያ ጳዉሎስኒን አካማኖን ቱጋኤት ፌሴቴር ስኒፋናክኑ ጋኖኒ ቾዋ ኤጴ ዮክ አካማኖን ሾሌሬ ፌር ስኒባሶንቱ ቤስፋ። ኤስ ባር ስኒፋና ካባሲክ አካማ ግራ ግሮናማቶቱ ማኬፌ።

ዎስባስ ቴሱኒ ክፍሊስታ ጳዉሎስ ቆሮንጦስሱክ ፋ ቤቴክርስታኒስኔን አነ ፋ እሳር ስናሶን ማኬፋት ቤቴክርስታኒስ ካቢ ሜኣሴዋ ቱጋኦሴ አሲክ አዉኒ ቦርአ ችማ ዎልጉ እምናማቶቱ ቤስፋ። ኤስ ባርኔን አነ ቱስሬ ባሳ ችማ ኬኦስ ሀርሙሶነክናዋ ጋኖኒ ኡግናስ ባሶትን ዞንስናማቶ ግራባሶን ቤስፌ። ቱስሬ ደይ ዩዳክ ፌሴ ክርስታናኒ ሜያኖን አሪጋሱክ ግራክ እሞነክ ባሶክ ኪትት ፌር። ኮእኒ ኤዴሲክቶስ ደይ ጳዉሎስ ዎሲ ስኒባሲክ ፉቶኒ ዎሲ እኖዋ ይሴፌ ጋሮ አሱኒ ሜያ ቱጋኤሴቴ ቦርአ ባሶክ ዎልጉባ እሚ።

ማፃፋሲ ስሩክ ኤጶባስ

ጋችግሩ

ጳዉሎስኒናዋ ቆሮንጦስኪ አሱኒ ሜና

ዩዳክ ፌሴ ክርስታናኒ ሜኒ አሪጋሱ

ጳዉሎስ ዎሲ ስኒባስ ሀእሱኒ ሁግናስታ ካቢ ቱጋኦሲክ እምና ዎልጉ

ኮርኡባ