1 ቴሴሎንቄ

ዎሲ ጳዉሎስኒ እሶንሳ ዎስያ

ቴሴሎንቄኪ አሱኒ ሜያክ

ጋችግሩ

ቴሴሎንቄ ሜቀዶንያ ይስቴፋ ሮምንኒ ሀእሱሲ ፋ አሪኪ ካታማዋ። ጳዉሎስ ቴሴሎንቄኒ ቤቴክርስታኒሶን ቶክናስ ፍልጲስዩስኖን ቤየ ሀሚናኔን ኦርፎዋ። ስኑንታኖ አይሁድኒ ሀይማኖትሶን ኤጴቶሶነክ ታእሴሴሬ ፌሴ አዛብኒ ሜያ ጳዉሎስ ማኬፌና ክርስትናኒ ዎስያሲክ ዛቴሴሬ ፌሴቴር ስንና ቦርአ አይሁድኒ ሜያ ኮነሴሬ ጳዉሎስኒን ቱጋኦክ ካቡግሴት ፌሴቴር። ኤስ ባሪ ቦርኣ ጳዉሎስ ቴሴሎንቄኖን ጋፍክሬ ቤርያ ሀማክ ባሪክ ግድ ስኒ። ጋሮኖን ፌሬ ቆሮንጦስ ካርናይሴ ታእሴሬ ፌፋት ባሪን አርጋስፌ ትሞትዮስ ቴሴሎንቄ ሀሜ ዎሊናይሴ ቤቴክርስታኒሲ ፋ ቾዋሶን እሳርባ እሳርባሲክ ኮቴ ማኬ።

ጳዉሎስ ቴሱኒ ዎሲያሶን ቴሴሎንቄኪ አሱኒ ሜያክ ትችናስ ክርስታናኒ ሜያኖን ችኑክናዋ ዛጉክናዋ። ባሶ አማንቶሲክናዋ ባሶ ኬሽታናሲክና ማአ ዎል ላ ኦደና ቦርአ ሀኦሶን ጋላቴ። ጳዉሎስ ደይ ባሶ ጋነያሲ ፌና ካባሲክ አሮ ካክ ፌናማቶ ባሶክ ያዳታ እሚ። ኤስታን ክርስቶስኒ ዎል ሌ ዮሶን ቢፋ ማምሱሲክ ዎልጉባ እሚ። ኤስ ማምሱሲክቶስን እሳ እሳይስ፦

«ክርስቶስ ዎል ሌ ዮባስኔን ስናክ ክት አማኝ ክርስቶስኒ ዎል ሌ ዮስ እማና ኮእባ ፎንቶ ካሶን ሃኦክ ችምኒሮሶ? ክርስቶስ ዎል ሌ ዮናስ ኣጌንሶ?» ይፋርዋ። ጳዉሎስ ደይ ኤስ ያ ቾዋሲታ ካሞ ካብሬ «ክርስቶስኒ ዎል ሌ ዮባስ አሱኖን አብድክ ኦደት ኤስ ካባኔን ሻክራ ዎስቶኒትሶን ዎስቶሶት» ኡክ ባሶትን ኪት።

ማፃፋሲ ስሩክ ኤጵና ኤጶባስ

ጋችግሩ

ጳዉሎስኒ ግራነዋ ጋላትነ

ክርስታናኒ ካኒ ዞንሲያ

ክርስቶስኒ ዎል ሌ ዮኒ ቾዋሲ አስሱ

ኮእኒ ኪቶ

ኮርኡባ