LUKÀ

Luke

1 2 3 4 5 6 7 8 9 10 11 12 13 14 15 16 17 18 19 20 21 22 23 24

Introduction from this edition

Làsaŋ Aŋàbwaŋ kàsön

Lukà

Nsɛmà

Bi isàlab un'kaan a Pɔl akà Bàkɔlintɔ u kab lànà mbwo yà kwem aŋinà, ikamɛnà naa un'kaan awà Lukà un'sam a Pɔl kàsön. Nde kàkäl anki un'yudà, nde kàkäl un'ngɛlɛki.

Nde un'kaan awà kàsöön Tyɔfil u mbul ayà uboo a mbul an'kwem an'syaam aŋinà anà an'kwem nsambwaar ungö a mböör a Yɛsu.

Lukà kàläb ndaa yanswà bàsön Malakɔ anà Màtay, wɛɛ nde kàkwɛy ndaa asin yà ifà ifà. Ndaa kàsön nde ayi:

- Muswaŋ naa nde kàläb pànsi pànsi ndaa yanswà kàtɛn anà kàkyer Yɛsu.

- Mböör a Ywan anà yà Yɛsu akyeey bàkyään ya kusà a mböör aba.

- Iküün a Yɛsu kyàsɛmà akà Adam, iswaŋà naa akà Nzam. Abun nde kà un'yudà mpɛl anki, wɛɛ nde wà mbuur a in'sɛŋ myanswà u mɛɛn.

- Nkyeen a Yɛsu Yɛlusàlɛm fà Ngalilɛ anà ndaa asin yà ifà ifà kàkyer nde anà mpay a ukwà kàmɛn nde kwo.

- Lukà akyäänà Làsaŋ Aŋàbwaŋ akà baar mpa abà Ayudà. Iswaŋà naa Yɛsu kà wà ntɔn Ayudà mpɛl anki. Waa in'sɛŋ myanswà u mɛɛn myàyöb anà myàkyey naa nde wà Un'tswää a mɔ̈ɔ̈ a baar banswà.

- Ndaa ayà uboo a un'kaan awà ayi:

- 1.1-4 Lukà kan'söön Tyɔfil

- 1.5-2.52 Mböör a Ywan anà yà Yɛsu anà imbɛy aba

- Kab 3.1-20 Isal a Ywan Un'düümà

- Kab 3.21-4.13 Ndüümà a Yɛsu anà ndɛb ande

- 4.14-9.50 Isal a Yɛsu u Ngalilɛ

- 9.51-19.27 Yɛsu kan'lwomà u Ngalilɛ mukyà Yɛlusàlɛm

- 19.28-23.56 Ilä a Yɛsu byà ntsüü u Yɛlusàlɛm

- 24.1-53 Yɛsu kan'wiyà, kan'mɛnà akà baar anà kan'beenà du.

Bible Iyansi. Copyright © 2024 Seed Company in coordination with Forum Communautaire des Traducteurs de la Bible et Alphabétisation. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-10-25.