Skip to content
BibleKenya

WolioNT

Zaburu 122

Doʼana Kasanaa to Miana Yerusalem

122:1-9

Laguna ziarana Daud.

Iaku kukaunde-unde wakutuuna o mia apogau tee iaku,

"Mai talingkaaka i Bhanuana KAWASANA OPU!"

Sii-sii aemami akakaro

i bhambana lawamu, e Yerusalem!

Yerusalem padhamo atopakaro

amembali kota mototapi momakaa tee momatangka.

Iwe siimo manga lipu aziara,

siitumo uumatina manga lipu ipilina KAWASANA OPU,

to aumba asukuru i Incia

mboomo manga tutura mopadhana iparintaakana to miana Israel.

Iwe siimo manga rajana Israel, siitumo manga siwuluna Raja Daud auncura i kauncuramakana

tee adhawuaka kambotuna moʼadili to lipuna.

Doʼamo to kasanaana Yerusalem,

"Maasangia bhari-bharia mia momaasiakako apotibhaaka kaʼamani.

Maasangia dhaangia tee kasanaa i nuncana lipumu,

tee kaʼamani i nuncana manga bentemu."

Rampaakanamo manga witinaiku tee manga sabhangkaku momboorena iwe sumai,

iaku bhekupogau, "Maasangia umasanaa!"

Rampaakanamo Bhanuana KAWASANA OPU, Aulataʼalata dhaangia iwe sumai,

iaku bhekupeeloakako kalape.

WolioNT. Copyright © Wycliffe Bible Translators, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-11-09.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.