Zaburu 93

Kawasana Opu o Raja Saʼumurua

93:1-5

1KAWASANA OPU o Raja, Incia abukeaka kamuliangi!

KAWASANA OPU abukeaka kuasa, tee apatokamata kakaana.

Incia apakakaro dunia tee inda dhaangia momembalina mohudhalia.

2Kauncuramakamu amatangka minaaka i zamani mangenge,

tee Ingkoo udhaangiamo minaaka i dunia indapo dhaangia.

3Manga umala mokalua-lua ahandamo apekaoge suarana, e KAWASANA OPU,

manga umala mokalua-lua ahandamo apekaoge suarana,

manga umala mokalua-lua ahandamo apekaoge ruuna ewona.

4Maka minaaka i suarana uwe momaoge,

tee minaaka i ewona tawo momakaa,

alabhi amaoge KAWASANA OPU i tampa momalanga.

5E KAWASANA OPU, hukumumu abakaa saʼumurua,

Kangkilo alaenga i nuncana Bhanuamu saʼumurua zamani.