Kitabi Momangkilona Wolio
Zaburu 70
Doʼa Emaniana Katulungi
70:1-6
To kapalana molaguna. Zaburuna Daud. Zikiri i wakutuuna pasombaana kurubanina kaudhania. 1
E Aulataʼala, pasalaamatiaku!
E KAWASANA OPU, tulungiaku pekadhei!
Taroakamo manga mia mogauna mopekamateaku
amaea tee apalai roonamo abingu.
Taroakamo manga mia mogauna mopacilakaaku
apotibhaaka kahina tee aʼaebu.
Taroakamo manga mia mopogauna, "Namisia, namisia!" tee mopotawaikiaku
abhalili roonamo amaea.
Taroakamo bhari-bharia mia mopeeloko
asambo-sambo tee akaunde-unde roonamo Ingkoo.
Taroakamo manga mia momaasiakana kasalaamati minaaka i Ingkoo
sadia apogau, "Tapanamo kalanga o Aulataʼala!"
Iaku sii kunarakaa tee kumisikini,
umbamo pekadhei, e Aulataʼala!
Ingkoomo motulungiaku tee mopasalaamatiaku.
E KAWASANA OPU bholi upekanoe-noe!
Source notes (1)
- Cross-reference Zab. 40:14-18.
Kitabi Momangkilona Wolio. Copyright © 2024 Wycliffe Bible Translators, Inc. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.