Kitabi Momangkilona Wolio
Zaburu 120
Doʼa Emaniana Kasalaamati minaaka i Fitanaa
120:1-7
Laguna ziara.1
I nuncana kanarakaaku kugora i KAWASANA OPU,
tee Incia alawaniaku.
"E KAWASANA OPU, maasangia urambasakaaku minaaka i bhiwi mogau-gau
tee dhela mopekatipu."
Opea bheidhawuakana to ingkoo,
tee opea bheiranganina to ingkoo,
e pande tipu?
Samia suludadu bheapanako tee pana momatadha
tee atunuakako tee weona waa!
Kucilakamo roonamo kumboore mboomo samia dhaga i Mesekh,
tee tabeana kumboore i tanga-tangana kemana miana Kedar!2
Amangengemo laulau kumboore
kupoose tee manga mia mobancina dhadhi pomalape.
Iaku gauku kudhadhi pomalape,
maka ande kupogau mamudhaakana ingkita tadhadhi pomalape,
manga incia gauna apotimbe.
Source notes (2)
- Footnote ziara: Aipomo manga Zaburu 120-134 ilaguakana miana Israel wakutuuna apene aziara i Kota Yerusalem i tana mokogunuana.
- Footnote Mesekh ... Kedar: Miana Mesekh tee Kedar atoabhi mia masega tee inda akofeʼeli.
Kitabi Momangkilona Wolio. Copyright © 2024 Wycliffe Bible Translators, Inc. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.