1 तीमथी 5

मंडळी मनसाला तीक्कड वागणूक

1आब्बागार वयातोड मंशीन कठोरपणता माटलाळाक, उलट आबानलेका वांकी शप.1 2जवानोरणी तमुळला लेका, मुसली आंडेरनी आमागारलेका, जवान आंडेरनि शेल्यांलालेका पूर्ण शुद्ध भावा गोंन वागायमत.

विधवालदी मदत

3याय विधवा खरेखरेमी गरजवंत उंडाय आटलाद सन्मान शेय. 4पण जर ओकाट आळदम विधवा दांकी बीळलु किंवा मनमाळलु उंटे तर वार पहिला ईलकातोर संगा धार्मिकता गोन वागादेंक इंगा मना आबागारदी उपकार फेडाशादानक शिकावा याला येनटीक की इदी द्यावार नजरला शिंगार उंडाद. 5तर याद खरेखरेम विधवा उंडाद इंगा दांदी काळजी तीस्कोनदेंक यवार लेर आदी परमेश्वर मिंदा स्वताद आशा फेटीनाद इंगा आदी मबूफगुल परमेश्वर तीकुड प्रार्थना इंगा विनंती शेस्का नीलस्ताद.2 6पण याद विधवा चैनता नीलस्ताद, आदी जिवंत उंडी सचीनेद उंडाद. 7वार निर्दोष काला दांचांग इ माटलू आज्ञा रुपता विश्वासोरकी शप 8पण जर यवाराना वान स्वता देगाटोर इचांग इंगा विशेष वान परिवारलोन देगातोर इचांग योजना शेयार, तर वाळ विश्वास नाकाराशिनाळ इंगा वाळ अविश्वासी मणशी पेक्षा खराब उंडाळ.

9याद विधवा साठ वर्ष नोना उंडी वगा मोगुन वळती आय्यी निन्टे. 10याद शिंगार फनील इचांग गाजाशिनेद उंटे म्हणजे यवार बीळलान वाढामतीर, यवार अनोळखी मंदिद स्वागत शेशीर, पवित्र मंदीद स्वागत शेशीन्याला, पवित्र मांदिय काळलु कळगीन्याला, त्रासला उंडीनेरदी मदत शेशीर इंगा आन्नी शिंगार फनील शेशेदेंक स्वतान वाहाशी तीस्कोनिन्टे, इल्ला विधवालदी यादीला समावेश शेयाल्या. 11पण जवान विधावालदी यादीला नोंद शेशेळदी टाळायला यलकी यपुड वार ख्रिस्तन इडशी शारीरिक विचार (वासना) आवतार, आप्पुड वारकी इंगा फेनली सेस्कोना बुदिक आवताद. 12इंगा आय्यी दोशील फटा मत्यार, येनटीक की वार वारदी पहिला विश्वास एडशीर. 13इंगा आय्यी इलूइलूक तीरगी आळशी बनास्तार इंगा इंताने लेद तर वटवटील इंगा लुडबुड्याळ आयीगात याय माटलु माटलाळा बेकाल्या, आयी माटलु माटलाळताय. 14दिनकस्रोम नाद इल्ला इच्छा उंडाद की, जवान विधवा आंडेर फेनली शेस्कोनाला. बीळलाद संगोपन शेयाला इंगा स्वताद इल्लु नळपियाला. स्वता विरोधीन मनादनिंदा शेशेदेंक मोका इया रोद. 15यळा कि नीन तर इल्ला आणतान की काही विधवाल शैतान यांकाक फोयेदेंक तीरगीनाय पण. 16जर यवाराना इलकाडा विधवा उंटे तर वार दांदी काळजी तीस्कनाला इंगा मंडळी मिंदा वजन येया रोद. दिनकस्रोम की याय विधवाल खरेमे गरजवंत उंडाय वारकी वार मदत शेशु शकास्तार.

17यवार उपदेश शेशेळदी इंगा शिका मतेळी फनील शेस्तार वारकी इंगा आब्बागार मंडळीद सेवा शिंगार सेवा सेस्तार वारकी दोन पट मान इचेदी विशेष योग्य समजायानडा. 18येनटीक की शास्त्र लेखला राशिंद उन्डाद, “धान्यलाद मळणी शेस्ताना यदुक मुस्काल कटाक” इंगा “मजूरदी वान मजुरी मिंदा हक्क उंडाद.”3 19इद्दार किंवा मोगुर साक्षीदारलू पाठीम्बा इचीने शिवाय आब्बानमिंदा आरोप दाखल शेयाक.4

20यवार पाप शेस्का उंटार वारदी जाहीर पणता विरोध शेय. दिनकस्रोम की, इंगोगोर्की बिता वाटाल्या.

21परमेश्वर, येशु ख्रिस्त इंगा निवडाशिनेर परमेश्वर दूतलु इरमुंदार नीन निक्षून आज्ञा शप्तान की, नु यदुपण पहिलाग्रह न फेटी इ माटलू पाळाय इंगा पक्षपातता एमीपण शेयाक. 22घाइता यवार मिंदा शेई फेटाक इंगा इंगोगोर पापला हिसेदार काक. हमेशा स्वतान शुद्ध फेट.

23दिन मुंदार न्यळे तागका नीलाक, तर स्वता कळपु इचांग, म्हणजे स्वता इंगा -इंगा आयेळी बिमारीला इचांग, रवासा अंगूरदी रस तीस्को फो.

24यंनता मनुष्यय पापलु उघडाशी उंडीगास पहिला न्यायनिवाडी इचांग फोतार इंगा यंता जन यंकाक फोतार. 25दानलेकाने, शिंगार फनी स्पष्ट उंडाय आय्यी सुद्धा हमेशा इचांग दाशी फेटाक दाद.